عتاب احباب

انا لا بغيت اسلى عن العشق والهوى = يفزّ الخفوق اليا لقى الريم شرّدي
خلق منهن الرحمن فتنه لمن هوى = إذا سلهمن بالطرف سهمٍ مسدّدي
يطارد وراهن لو على القلب انكوى= وحتى ولو شايب كفيفٍ ومقعدي
وحتى بعد موته وبعثه مع الورى = يبي الحور نفسه دايمٍ في التعدّدي
وانا من عباد الله مخلوق ما ارتوى= ابي جرعةٍ تطفي العطش قبل ما ردي
فلا نيب جايز دام هالحسّ ما طفى= ولو قاله الله في نعيمه لي طردي
عرفت العشق والحب في ماضيٍ مضى= ولكن معاها ابتدا يوم مولدي
شمالية العينين في طرفها الحيا = جنوبية الخدين وردٍ منضّدي
دمشقيّة الاطراف كالماس بالدجى= ونجديّةٍ في ثغرها يسجد الجدي
حجازيّة الأرداف والشعر بالهوى = حريرٍ تناثر فوق صرحٍ ممردي
عراقية الإقدام ، قدّامها انحنى = اراذيل بوشٍ من عميل ومجنّدي
فلسطين ربّتها على الباس والفدا = وحصد الأعادي من يهودٍ وحقّدي
بنبضاتها دمٍّ نقيٍّ ولا احتوى = عروقٍ دخيله من خشاشٍٍ ووافدي
بها تجتمع كل القبايل بلا عنا = من اولاد يعرب ما عرف بينهم ردي
اذا فوق عرشه خالق الكون استوى= على عرش قلبي استوت في تفردي
كبرنا على حبٍّ جمعنا على النقا= ورسمنا املنا لكن الوقت سرمدي
زرعنا من الأوحلام ما طار كالهبا = وغديت الضحيّه والشماته لحسّدي
تباعد بنا ظرفٍ عن الحب ما درى= وانا احسب حبيبي يوم يوفي بموعدي
احسبه مثل قلبي من البعد انكوى= واثاريه سالي ما درى عن تنكّدي
نستني مع الأيام ملعونة الثوى = ولا فكّرت في امسي ولا اليوم او غدي
سنينٍ العمر ولّت وانا قلبي انشوى = ولا عاد يهنا لي شرابي ومقعدي
انا بعدها طفلٍ حزينٍ ولا قوى = مع الوقت ينساها فلا القلب في يدي
يتيمٍ وتاه بليل في طيفها التوى = ينادي ولكن ممعنه بالتصددي
يبي لو تردّ الصوت او تسمع الندا= ولكن صدى صوته رجع دون تنشدي
مضت مثل حلم لا تحقق ولا اختفى = ينكد عليّ النوم ما اهنا بمرقدي
يقولون سلم الحب كلٍ وما اهتوى= واقول الزمن ساس البلى بالتجددي
يغيّر ضعاف النفس بالجاه والثراء= ومن لازم المبدأ يعيش التنكّدي
فمهما سلت عنّي ولو قلبي اشتكى = يجي يوم تذكرني إذا غاب فرقدي

بسم الله الرحمن الرحيم

السلام عليكم ورحمة الله وبركاته

*** الطائر المهاجر ***

أهلاً بك في مملكة الوئام

وأهلاً بإبداااعك الرااائع

يفوووق الجمال مرات ومرات ومرات

	احسبه مثل قلبي مـن البعـد انكـوى ^ واثاريه سالي ما درى عـن تنكّـدي

الله الله الله على هذا الإبداااع

تعجز حروووفي عن التعبير

لذا سأقرأ هذه التحفة وألتزم الصمت لروووعتها

،،، في أمان الله ،،،

أسيـــ الآهات ـــــرة

لا اعرف ماذا اقول امام هذه الكلمات غير شكرا لك ويعطيك الف عافية

الشاااعر المبدع والاخ الغااالي

شاااعر العثمانياااات

هلا والله فيك ومليووون هلا

قصيدة تكتب بماء الذهب

جزلة من جزل

لا فض فوووك

وسلمت يدااااك اخي الحبيب

لك مني كل الحب

الطير المهاجر

شاعر العثماانياات

صح لسانك

وسلم بنانك

قلت فأبدعت

تقبل تحيااتي

مخاوي الجرح

بسم الله الرحمن الرحيم

الطائر المهاجر

السلام عليكم ورحمة الله وبركاته

دكتوووووووووووووورنا الغااااااااااااااااااااااااااالي

صح الله السااااااااااااااااااااااانك وسلم بنااااااااااااااااااااااااااااانك

قصيده جميله وراااااااااااااااااااااااااااااااااااااااااااااااا ااااااقيه

تقديري واحترامي

اخوووووووك

الحســـــــــــــــــام