والجسم كنه من جبل ثلج منحوت ...

في كفها خاتم وفي خدها خال = وزودٍ على شين الزمان اسمها نوت
الخال شفته واضحٍ من ورا الشال = والخاتم الماصن مرصع بياقوت
والعمر في العشرين كني من ارزال = والجسم كنه من جبل ثلج منحوت
ماهي تشوف الشمس من ضل لضلال = مصيافها مابين لندن وبيروت
الشمس لو تشرق على جسمها سال = كنها مجسم محلبية وبسكوت
من صغر مبسمها غدا حالها حال = ماتاكل الا الخوخ واللوز والتوت
وثلاث جوالات ماهوب جوال = ومن يوم خلقت وكل شي بريموت
ماتلتفت للناس تمشي وتختال = مرن على جاكوار ومرن على حوت
وخدامتين وهي بلا زوج وعيال = سمعتها تدعي الدريول ياياقوت
من شفتها جريت في قلبي موال = تضحك معي وانا اتبسم بلا صوت
ماتدري ان الضحك بعضه تخيمال = وانه طلع لي وحدةٍ اسمها لوت
ياجعلها للي خذت قلب ينهال = اللي جفاها مووت ووصالها مووت

فيه مصطلح يمكن بعضكم يايعرف معناه

في اخر الشطر الاول من البيت اللي قبل الاخير

تخيمال = استهزاء

وتحياتي لكم

انتو منتو بحقين شعر

وش ذا

يومين ولا رد

من انا اتعب له اجل

.................

...

أبدع الشاعر
واحسنت الاختيار



شكراً لذوقك الرفيع


كلك ذوق


...

الوافي

اشكرك على المرور الكريم

تحياتي