لماذا السعوديين يكرهون الرياضيات

لماذا السعوديين يكرهون الرياضيات

الرياضيات وماأدراك مالرياضيات ...



الرياضيات مادة متعقدة وصعبة وتحتاج الى ذكاء ومادة خاصة للدوافير ( تعريف عند السعوديين )



الرياضيات مادة جميلة ومممتعه ومشوقه وتعتبر مادة للتسليه بألغازها .. تعرف عند المصري والسوداني


بصرااااحه منذ صغري وأنا اكره الرياضيات وتجيني حالات ودي احرق الرياضيات ...



وكنت اسال في نفسي ليه بذات (( السعوديين )) يكرهون الرياضيات حيييل والمصريين والسودانين



يحبون هالمادة حب جنوني ...


ومره قابلت معلمة مصريه بالصدفه وقلت له من دون مقدمات ليه تحبون الرياضيات ؟؟؟



قالت لاتها تعتبر تسليه وتشوقك وانت تحل المسالة بس أنا أسأل نفسي ليه تكرهوا الرياضيات ؟؟




ليه نكره الرياضيات ؟؟؟

المفروض مو للتعميم لان مو كل السعوديين يكهرون الرياضيات
خليني اتكلم بصفه خاصه عن نفسي انا ماأأأأأأأأأحب الرياضيات ولاطيق هالماده مأدري صراحة وش نستفيد منها قلنا الجمع والطرح والقياس نستفد منها في حياتنا
طيب نجي للأشياء الثانيه في الرياضيات على سبيل المثال نظرية فيثا غورس اكثر وحده اتذكرها من كثر ماتعقدت منها وعندك معامل سين وصاد هاذي المعادلات الي والله مادخلت مخي ولافمتها للان
والجتا والظتا بالله وش نستفيد منها الصراحه الرياضيات ماله داعي يخلونا على المواد النظريه احسن نستفيد منها ....

.
.
.

اجل انا مو سعودي يعني !!

بالعكس مادة الرياضيات ممتعه وتحس فيها انك تدرس

وما تتقيد بكلام مكتوب وبس

ومها ابحرت فيها ما تملها

ما كان يغثني كثر الاحياء والحفظ اللي فيها اللي يدبل الكبد

لماذا السعوديين يكرهون الرياضيات ؟؟

سؤال تعميمي يفتقد للصواب

ليس دفاعا عن السعودي لا والله ..

كل البشر على وجه الأرض يبدعون في شيء ويكرهون شيء

والمسألة تصبح ميول وهواية للأشياء سواء رياضيات أو غيرها ..

ويبدو أن صاحب السؤال فاشل في مادة الرياضيات

ولهذا عمم صاحب السؤال على الجميع بدون إدراك ..

أقول صاحب السؤال لأن الموضوع مطروح في عدة منتديات

ولم تكتبي منقول يا دلووووووعه

انا اشوف ان الرياضيات صعبة ومعقدة كثير

بس انا اكرها بسبب المعلمات مادة ياليت يحذفها

ونرتاح منها موضوع رائع

	المشاركة الأصلية كتبت بواسطة مياسم

	المفروض مو للتعميم لان مو كل السعوديين يكهرون الرياضيات خليني اتكلم بصفه خاصه عن نفسي انا ماأأأأأأأأأحب الرياضيات ولاطيق هالماده مأدري صراحة وش نستفيد منها قلنا الجمع والطرح والقياس نستفد منها في حياتنا طيب نجي للأشياء الثانيه في الرياضيات على سبيل المثال نظرية فيثا غورس اكثر وحده اتذكرها من كثر ماتعقدت منها وعندك معامل سين وصاد هاذي المعادلات الي والله مادخلت مخي ولافمتها للان

وربي ييا سومه ان ما اجبرني على اني ارد على الموضووع غير حبيب قلبي اللي جبتي اسمه ..
قصم حسيت قلبي ينطنط ههههه ..

(( فيثا غورث .. )) يا حلاته بص .. وش تبين بالنظري ما غير صمي و كبي بالورقه ..
و على فكره أحلى المعادلات اللي فيها سين وصاد ... تشوقج فعلا لأنج تبحثن عن بدائل .. تحسين بحساس آخر لما تحلينها ..^^

::


الغلط في مفهوم الحب والكره الشائعين عنند الجميع ..

المواد الدراسيه لازم ما نستخدم فيها حب وكره .. لأن هاذي مو بس مواد ندرسها ..

غلط أن نتعلم الماده لأنها ماده [ منهج دراسي ] مفروض على الجميع ...

لازم تعلمها على أساس نفسها .. مثل اللغات .. غلط ان نتعلم الإنقلش كمنهج دراسي وبيخلص.. المفروض نتعلمها كلغه بتبقى معانا طول الحياه

المواد الدراسيه ميول و ليس حب وكره ..

يعني في ناس ميولهم أدبيه .. و في ناس ميولهم علميه .. هذا مو معناتهم أنهم فاشلين في مادة من المواد ..
لكن الميول الأدبي تكون القدره على الحفظ عندهم اكبر من القدره على الإستيعاب ..

أما العلمي فهم القدرة على الإستيعاب والحفظ شبه متساويين او الإستيعاب اكثر من الحفظ ..

عشان جذي في ناس تميل للمواد النظريه الأدبية .. اللي ما تحتاج بحث وتفكير..

ولهذا طلع عندنا مفهوم كره الرياضيات .. اللي ماله اي نوع من الصحه .. إذا تكره الرياضيات يعني تكره الفلوس لأن الفلوس ارقام والأرقام رياضيات ..

يعني تكره العمر ..
يعني تكره الساعات والدقايق والثواني اللي انت عايشها ..

يعني تكره المحيط اللي يحيط بك.. تكره بيتك و زواياه .. تكره كل شي دخل فيه مفهوم الرياضيات ..

الرياضيات مو بس ارقام وحسابات وتسليه بالعكس.. كل شي فحياتنا مربوط به.. حتى النت و الرسايل والمسنجر..
كلها عباره عن رسايل مشفره .. تنتقل بين الحواسيب على شكل ارقام .. إذا حتى هاذي دخل فيها رياضيات ..

الشهور السنين التاريخ المساحه في الجغرافيا ..كلها فيها رياضيات ^_^ ..

أصلا ما في شي وجد عبث عشان نقول متى نتخلص منه ونرتاح ..
لأن لو تخلصنا من جزء واحد من الرياضيات ممكن نخسر أشياء وايد مهمة فالحياه ^_^ ..

>>>مو لأني أحب الرياضيات .. لكن اتمنى تتعدل مفاهيم الكل عن هالمادة الجميله الفذه.. (( الكلام مو لتس مياسم بس ذكرتي حبيب قلبي وارغمتيني ارد هههههه ))

	المشاركة الأصلية كتبت بواسطة راع المشاعر

	. . . اجل انا مو سعودي يعني !! بالعكس مادة الرياضيات ممتعه وتحس فيها انك تدرس وما تتقيد بكلام مكتوب وبس ومها ابحرت فيها ما تملها ما كان يغثني كثر الاحياء والحفظ اللي فيها اللي يدبل الكبد

ههههههه يا عييييييينيييييي بببببببببببببببببببص..

وربي اشكرك على هالإحساس..

سيم سيم إحساسي.. بالإضافه إلى أجزاء من .. الجيولوجيا الحيويه .. و الكيمياء حيويه وأساميها الغريبه العجيبه ..



::

السموحه كتابه سريعه ..

والله انا اللي نفسي اسال بصراحه على اي اساس تم التعميم هل هو على اساس دراسات واحصائيات تمت ..؟؟؟

يا عمري ..لا يكون افقك اقصد افق الكاتب ضيق زينظر لنفسه فقط مو معناته انو هو مايحب الرياضيان انو خلاص الكل بيكرها ولا معناه انو اللي مايحب الرياضيات فاشل فيها ..

عني انا الرياضيات مو تخصصي ولا فكرت اتخصص فيها ولكن اتكر اني كنت استوعبها بسرعه رهيبه وعمرها ما شكلتلي عقده بالعكس اني كنت اتولى شرح كثير من نقاط المنهج لنفسي ..

اخيرا اقول الفشل وارد وزي مايكون في الرياضيات ممكن يكون في القراءة والكتابة حتى وعند كبار بعد ..
ودون مايرتبط بفئة معينه دون اخرى ..

وعندنا ولله الحمد اسماء برزت في اللي اكبر من الرياضيات والى الان ما برز مثلهم ولا في اي بلد ثاني ..

اختك وجوووود..

لا لا لا لا
موكل السعودين يكرهون الرياضيات
كل شي شين عممتوه
كل شي زين نسيتوه

أنا عن نفسي الرياضيات زي أي مادة لا أكره ولا أحبه يعني عاادي
بس يعتمد على الأستاذة ..
صراحة درستني بالثانوي أستاذة الله يذكرها بالخير كانت مبدعة في الرياضيات
وكنا ندخل جو في الحصة ..

تسلمي عالطرح

لأن محد فاضي يشغل مخه لأشياء مالها داعي

خلوها على الحساب جمع وطر ح وقسمه وضرب ارقاااااااام كفايه ههههههههههه

الله يعطيك العافيه

السلام عليكم ورحمة الله وبركاته

يا هلا بالجميع ... ويا هلا بيكي دلووووعة جازان ....

بصرااحة قعدت اقرا ردود المشاركين وقريت اعتراضهم على التعميم ... بصراااحة انا مش ضد التعميم والسبب لو مو الكل بيكره الرياضيات فعلى الأقل الغالبية العظمى بيكرهوا الرياضيات ... وبصراااحة مو بس السعوديين لكن كل الشعوب وحتى المصريين والسودانيين وأبناءهم .....

وبصراحة يمكن يكون ميول زي ما قالت حووور ودا عند القليل لكن الغالبية برضو يتحول عم الميول للرياضيات الى كره .... والسبب بكل بساطة صعوبة المادة ... الرياضيات ماادة تقيلة وصعبة .... معادلاتها كتيييرة ومادة خام ... تطبيقاتها غالبا ليست حسية زي الفيزياء والكيمياء يستطيع العقل انو يهضمها بسرعة

مادة دخلت في مفهومنا وتوارثنا صعوبتها مع الأجيال ... ودائما ما يجي مرسيها جلوف ومعقدين ... والسبب ثقل المادة الي يدرسوها وصعوبة تلقينها للطلاب ... والمشكلة انو نعتمد على اسلوب التلقين في التدريس
غير انو الرياضيات تعتبر هي المادة الي يقيس عليها مستوى الطالب وتفوقه وذكاؤه .... فدا سبب كمان للتخوف منها

بكل بساطة ارجع واقول صعوبة المادى هي الي خلا منها مادة مكروهة عند الطلاب

أنا بصراحة كنت احب مادة الرياضيات مررررة كتيييير بس مو كل اقسامها برضو

الحجاج