ياعيال ياعيال ياعيال تعالوا سمعوا دي القصة

[size=5]ابو محمد رجال كريم ... بس عيبه انه مازد قلط احد .... وعنده ولد خكري مره عمره 19 سنه وتوه مخلص الثنوي بتقدير ياربيه ... اسمه محمد ويدلعونه صلوحي ... وصلوحي هذا هو وحيد امه وابوه ... وعيبه الوحيد انه مايحب يتسبح يحر عيونه الشنبو ...
وجاهم في يوم من الايام عمهم ابو حمد من الديره هو وولده حمد الي توه متخرج من الثنوي … المهم قلطهم ابو محمد … يوم توهم قاعدين قام ينادي صلوحي صلوحي تعال سلم على عمك … وكل ذا والعم مطير عيونه مهوب مصدق مايسمع …
ودخل صلوحي ما عليه الا شلحه هههه مابقى الا هي… في الحقيقه عليه بدله ضيقه مره ما بقى الا برميل اكسجين على ضهره ويصير كنه غواص … ومد يده ورز خده في وجه عمه وحبه عمه وراسه يدخن من القهر … ثم قعد صلوحي وقاله ابوه صلوحي حبيبي ليش ماسلمت على ولد عمك حمد … قام صلوحي الشاطر وسلم على ولد عمه ورز خده في وجه ولد عمه وحبه ولد عمه … ثم قعد صلوحي جنب ابوه وخدوده حمر مره مستحي …
وقال له ابوه رح جب القهوه يالقوي … وقال صلوحي ياسلام سلم وشلون اشيلها وهي حاره تبغاها تنكب علي واموت …
قال له ابوه طيب قم جب الفناجيل والتمر … قام صلوحي وجاب الفناجيل والتمر … ودخل عليهم وهو شايلها ويمشي بشوي شوي كنه يمشي على حبل …. والفناجيل تراقص في الطوفريه والابو يشجع ولده ياقوي ولدي قوياه بعدي بولدي … والعم بينفقع منقهر … وحط الولد الفناجيل والتمر.. وقال لابوه تقول امي ثقيله عليك الدله خل ابوك يجي ياخذها … وقام ابو محمد وجاب الدله …
وقال لصلوحي ياله صبها انت … وقام صلوحي وشال الدله بيديه الثنتين بعد ماجاب قوة امه وابوه … ثم صب الفنجال الاول وشاله بيساره ووقف على رجليه وهو يناظر في الفنجال حار مره وخايف ينكب عليه … شكله وهو يمشي به كنه شايل داب وخايف تقرصه … وحط الفنجال عند ابوه ورجع للدله … ناداه ابوه وقال له عط الفنجال عمك وبعدين الفنجال يشال باليمين … قال طيب ابجيب لعمي هالحين … الدله فيها قهوه واجد مره … صب الفنجال الثاني وحطه عند عمه … وخذه عمه وهو يتحمد … ثم صب لولد عمه … وقال لابوه عاد تراي تعبت صبها انت ….

قال ابو محمد … هاه خير يابو حمد وش عندك وش جايبك … قال ابو حمد وهو بتنفقع مرارته من صلوحي ابد مافيه الا سلامتك انا جاي ابي صلوحي لولدي حمد …
وفي هذه الاثناء استحى صلوحي وصار وجهه احمر وطلع من المجلس يركض … وراح لغرفته وانسدح على سريره وهو ينتفض عسى ابوي يردهم …. ثم قال ابو حمد امزح معك … بصراحه انا جاي اقدم لحمد في العسكريه … يبغى الكليه الامنيه ….

قال ابو محمد انا ودي ادخل صلوحي العسكريه …. بس مشكلته ان يده زد انكسرت وهو في المتوسط منصك عليها كتاب …. ويوم رحنا بنقدم له …. مانجح في المقابله روعه العسكري الي قابل معه قال له ترى بتنوم لحالك ومحد مسبحك ومن يلبسك هدومك !!… واستخرنا الله من العسكريه

قال العم والله لو ادري ان ولدك بيدخل العسكريه معاد شجعت الهلال (وش دخل السالفه) المهم انا تعبان ابنوم هالحين وقومني الين جا الغدا … نام العم وقعد حمد لحاله وراح ابو محمد بينادي صلوحي علشان يقعد مع ولد عمه … واول ماشاف صلوحي ابوه … ارتاع وقال شكل ابوي موافق واكيد انه جاي بيسالني عن رايي … قال الابو صلوحي رح اقعد مع ولد عمك شفه في المجلس لحاله … استحى صلوحي وانحرج يحسب ولد عمه شارط شوفته والقعده معه … وتخيل نفسه وهو داخل عليه بالعصير وينتفض من الحيا


وهو يفكر ويتخيل قال له ابوه رح اقعد مع ولد عمك وسولف معه تراه جاي بيسجل في العسكريه وبيروحون باكر …. ارتاح صلوحي يوم سمع كلام ابوه وصرخ صرخه قويه ياي ياي …. وحول وقعد مع ولد عمه …

قال صلوحي لولد عمه نلعب دبق … ناظره ولد عمه وهو خطر يسطره وقال له نعنبوك يالرخمه وشو دبقه … قال صلوحي طيب اجيب الورقه نلعب كسب انا دايم افوز على الشغاله …

قال ولد العم…. والله انا تعبان طول امس وحنا نضبب في الصمان … قال صلوحي وش معنى تضببون … قال نصيد ضببه … نملى الراويه مويه ونغرق جحر الضب الين يطلع ونمسكه… وحمد يسولف صلوحي كان مغمض عيونه مره ….

يقول حمد وبعض المرات ادخل يدي عليه في الجحــ …. قاطعه صلوحي خلاص خلاص اسكت تكفى لاتخوفني …. قال حمد وفي يوم من الايام يوم دخلت يدي في الجحر طلع لي داب … طرقع … ابد مافيه شي صلوحي طاح في الارض مغمى عليه … وبعد جهد كبير قام صلوحي … وقال لولد عمه تكفى لاتقول كذا تراي اخاف واحلم في الليل … بعدين انتم اذا مسكتو هذي الي تقولها وش تسوون بها … قال حمد ابد نصلخه ونقطعه ونكبسه مع الرز … قال صلوحي صح ثم تعطونه الكلب … قال حمد وجع يوجعك انت والكلب ناكله حنا وخذ يامطاق على العكره … بووووووووووووو ععععععععع ابد مافيه شي صلوحي استفرغ..

غير صلوحي السالفه وقال تشوف هايدي … انا احبها مره مره مره … ويوم ضاعت ذاك اليوم قعدت اصيح وماتغديت …. واحب بيتر صح بيتر قوي مايخاف من الغنم … وصح الغنم ماتاكل …. خخخخخخخخخخخ ابد مافيه شي حمد نام..

المهم مر اليوم على خير وراح العم وولده للديره بعد ماسجل حمد في العسكريه وقبل مايروحون قال العم لاخوه انتبه لولدك دخله مداخل الرجاجيل وعلمه ودربه ولو توصل بك المواصيل انك تزوجه …

وبعد تفكير طويل … خطب ابو محمد لولده محمد وزوجه … وفي ليلة الدخله … وبعد ماراح صلوحي وزوجته ساره لبيتهم قعد صلوحي على السرير … ودخلت عليه ساره … وقعدت جنبه واحمرت خدوده وقام يتبعد عنها وهي تقرب له … وطفو اللمبات (احسن علشان الملقف ) … وسرعان ماصرخ صلوحي وقام يركض وصك عليه باب الحمام وساره تطق الباب افتح افتح … وقعد في الحمام الين جى الصبح وما طلع الا لما سمع صوت امه وابوه جايين يزورونهم …. طلع من الحمام يركض وخم ابوه وهو يصيح ابروح معكم ابروح معكم لاتخلوني عندها تكفون ابروح معكم لبيتنا ….. قال ابوه وش فيك وش صار … قام محمد يناضر ساره وقال اعلم عليك وش انتي مسويه … وساره المسيكينه تقطر جبهتها عرق من الحيا …

قال انا خلاص منيب قاعد عندها تكلم علي كلام مهوب حلو وبعد وبعد حبتني …. ورحت وصكيت علي في الحمام وماطلعت الا بجيتكم …

المهم اقنعوه اهله واستمر مع ساره وحبها وصار يموت فيها … ولكن بعد 3شهور من زواجهم معاد قام صالح يشتهي الاكل … واذا حطو الاكل عنده خطر يستفرغ … وغمت عليه نفسه ومعاد قام يحب ساره … وشال شنطته وراح عند اهله

[/size]

انتظروا البقية
لكن عقب ما اشوف ردودكم

وش الولد هذا منتهى مرة رايح فيها

|3| |3| |3| |3|
|3| |3| |3|
|3| |3|
|3|

بس حلوة

|12| |12|
|2|

والله النشمي ولد عمه ضبان وحركات

تسلم إيدك أخت غيث

والله حلوة السالفة

ننتظر الحلقة التالية بفارغ الصبر

تحياتي
عصفور

لا تقولين أنه حامل ............

ألف ألف مبرووووووووك ............

.............


...........

قصة حلوووووة ........

........

حلللللوة..

يسلموو غيثو...

تحياتي ضحووكة

عصفور ، ملجلج ، ضحوكة
زين ما دام عجبتكم القصة نحط لكم الجزء الثاني

تدرون عجبتني النهاية شديه
ما يحتاج الى تكملة
النهاية شديه حلوة

واذا تبون تعرفون ليش صلوحي قام ياكل قب ما رجع البيت
لانه هو كانه يحب بلعب مع الشغالة ورق وهو دايما يكسب
وهو بعد كان مشتهي اكل الشغالة

	يقول حمد وبعض المرات ادخل يدي عليه في الجحــ …. قاطعه صلوحي خلاص خلاص اسكت تكفى لاتخوفني …. قال حمد وفي يوم من الايام يوم دخلت يدي في الجحر طلع لي داب … طرقع … ابد مافيه شي صلوحي طاح في الارض مغمى عليه … وبعد جهد كبير قام صلوحي … وقال لولد عمه تكفى لاتقول كذا تراي اخاف واحلم في الليل … بعدين انتم اذا مسكتو هذي الي تقولها وش تسوون بها … قال حمد ابد نصلخه ونقطعه ونكبسه مع الرز … قال صلوحي صح ثم تعطونه الكلب … قال حمد وجع يوجعك انت والكلب ناكله حنا وخذ يامطاق على العكره … بووووووووووووو ععععععععع ابد مافيه شي صلوحي استفرغ.. غير صلوحي السالفه وقال تشوف هايدي … انا احبها مره مره مره … ويوم ضاعت ذاك اليوم قعدت اصيح وماتغديت …. واحب بيتر صح بيتر قوي مايخاف من الغنم … وصح الغنم ماتاكل …. خخخخخخخخخخخ ابد مافيه شي حمد نام..

موتيني ضحك ياغيث
:D:D

حمد نام .؟؟!! نوم العوافي ماينلام :D

تسلمي غيوثه

ههههههههههههههههههههه

عسى الضحكة ما تفارق وجهك يا رب

الله يسلمك يالغالية

............

...


ياحليله

ياحبيله

هذا بس اظافره تتقشر ويؤكل أكل


ماشفت اطعم ولاالذ منه صلوحي هذا الله يصلحه








تصرع اللي ماينصرع ياغيووووثة


بس عاد لو اكملتيها


والا يلاش
مانحب نكلف عليك




كلك ذوق


...

هلا بالوافي
هلا بمشرفنا

صدق اني مثل صلوحي دلين عجيبين

	تصرع اللي ماينصرع ياغيووووثة

اني
اني
افااااااااااا ههههههههههههههه


كان ناويه اني اكملها
بس لقيتها
شديه احلى
نهاية في تشويق وتخلي القارى يفكر شنو بعدين الي بيصير


لكن ترى مرورك فرحني اكثر من زمان ما ترد على مواضيعي << لكن مقدرة الظروف