اخواني واحبتي
في منتدانا العامر بأسمه انشاء الله
السلام عليكم ورحمة الله وبركاته
أليكم احبتي هذه الأبيات المتواضعه وهي عباره عن رساله
موجهه لأخي الغالي الحسام
فهو انشاء الله كفوآ لهذه الأبيات وغيرها وليسى لدي ادنا شك
وللذي دفعني لاسنادها اليه انني واثق تمام الثقه سأجد عنده
الرد الشافي انشاء الله ولاهو اقصور بأخواني الباقين فجميعكم غالين
واليكم الأبيات وسامحوني بالقصور
البارحه في ضامري تسعر النار=وقلب العنا مابين همه وناره
واحس في صدري كما القفش لاثار=من بندقآ بلجيك في وقت غاره
مركزلها متنه من الناس له ثار=وصاب الهدف وحقق بيمناه ثاره
ولا كما ضبيآ تعثر تعثار=تخطفه كفوف سود النماره
غارآ وراه وبساقته عج وغبار=وشمام جابنه وثوع اغباره
وراحت قطاعينه اشلاء ونثار=بكفوفهن يومآ حبن دماره
وحسيت كل الحزن ونواع الامرار=متجمعه في صدر كله مراره
واصبحت يأس ضايق الفكر محتار=واتعبت فكري لين عميت ابصاره
وجاوب القمري على روس الاشجار=وبصوته يجاوبني بعالي أشجاره
على اللذي له داخلي نبت وزهار=اقفى وخلاني وذبلت أزهاره
ولارد يسقي مابقاله من اثمار=واخاف بقلبي تموت باقي أثماره
عين الفريد اللي على كف صقار=اقفى بقلبي وماسكه في هجاره
غروآ سحرني وسر القلب بوسار=وأنشهد ان الزين وثق وساره
غالي وله بالقلب حشمه ومقدار=ولولا الغلا والله متبع سماره
لاشك يغليني ولاهو بوار=واليوم مدري وين صارت ادياره
ودورتله ورسلتله كم دوار=وردو مداويري بليا ابشاره
جوني بلا علمآ يبشر تبشار=وبوجيههم شفت التعب والخساره
لكن لزمت الصمت مابيح الأسرار=ومعاهد المجمول احفض اسراره
واليوم من عقب الرحايل والاسفار=تعبت من كثر السفر وادواره
وذكرت لي رجلآ وبي منه الاشوار=وابيه يفزعلي بنقوة اشواره
رجلآ على حل الصعيبات له كار=والطيب والمعروف فعله وكاره
حرآ تسلسل من عريبين الاحرار=والحر ينشىْ من مواكر حراره
وشاعر ويطرب للمثايل والاشعار=وتلقى الجزاله في معاني اشعاره
وهذا اللذي خلاني انصاه واختار=وهذا دليلي يوم صار اختياره
وهذي حقيقة علم ماني بقمار=ولالي ورى ماقلت مكسب اتجاره
واليوم جيتك يا ابوابراهيم منهار=ضاقت علي الارض يمنى ويساره
ضاقت على افجوجها ايمين ويسار=سبة عشيرآ ما لفتني اخباره
له عام ماشفته ولا جتني اخبار=والقلب يا مشكاي طال أنتضاره
علميبهم يا صاحبي عقب الاسحار=العام ويوم الصبح شعشع انواره
اقبل وادعني والدمع نثار=على خدوده تارةٍ خلف تاره
ومن عقبها اقفى واشوفه بلانضار=وعلى شعاع الشمس يلمع اسواره
والله مانسى موقفه يبن الاخير=ساعة تساوت عزته وانكساره
ومن يومها ياحسام والقلب من جار=وقلع انيى والبعد ياحسام جاره
واليوم كل الخوف من بعض الاشرار=اللي سوالفهم علينا اسباره
ناسٍ تحط بعقدة الحبل منشار=وهذا اللذي اتعب ضميري وداره
واليوم يا مسندي شفلي تبصار=بالصاحب اللي باقياتٍ اثاره
في وسط قلبي مخلي الحب اثار=ومع الزمن عيت تروح وتواره
وهذي علومي جتك يا وافي الاشبار=يا الشاعر اللي وافياتٍ اشباره
نترك هزيل القول ونطلبك معذار=مجهودنا جبناه واقبل اعذاره
وختامها صلو عدد رش الامطار=على النبي عد الرمل والحجاره
وسلامتكم
وتقبلو تحياتي