حبوه .. حبوه .. حبوه ..

**الحسـام** ● · 22 / 12 / 2006, 53 : 12 AM

بسم الله الرحمن الرحيم

السلام عليكم ورحمة الله وبركاته

الورع هـذا لا تقولـون لـه ليـه =واللي يبي لـو انـه أبعيـد هاتـوه
واليا طلب له شي قولولـه اوكيـه =المطلب اللـي يطلبـه علـي لبـوه
واليا بغى يلعب برجليـه وايديـه =خلوه يلعـب ليـن يقنـع وشيلـوه
واذا قعـد تجمعـوا مـن حواليـه =وان قـام قومـوا كلبوكـم وحيـوه
هاذا اليا ماصرت اشوفه ولا اوحيه=والا لا مني صرت موجـود خلـوه
يا ناس يللـي تخافـون المشاريـه =علـي علـي حبـوه حبـوه حبـوه
اما على شان انـي ابـوه واغليـه =والا على شان انـي اغليه وابوه
يا حلـو بابـا لا نطقهـا باشافيـه =ويا حلو تكسير السوالف على فـوه
هذا علي على عضيـدي أمسميـه =قرمن يهلي بالطراقـي اليـا جـوه
اخوي يا ويلي على اخوي ويليـه =واوجد حالي وجد شالح على اخـوه
خلوني ارسم صورته في بناخيـة =واخذوا عيونـي لا بغيتـم وشفـوه
أشوف عمه فيه لا قمـت اناديـه =تكفـون لا منـي تضايقـت نـادوه

محمد عوض بن سرور

حسام الشعر