أحبتي وأشقاء روحي وإن طال الغياب .. لكم الحق إذا عتبتم .. ولي الحق إذا طمعت في كرمكم بإيجاد العذر لي ..
إليكم هذه المتواضعة علّها تجد بعض القبول منكم ..
حبيبي والشتا واقف على صدري .. وخلف البـاب=ولا ادري لو ترك صدري .. بيرحل من ورى بابي ؟!
ثلاث سنين أدفّينـي بذكـرك يـا أول الأحبـاب=ثلاث سنين تذكرني ببردك .. يـا آخـر أحبابـي !
ثلاث سنين أدوّر لك حبيبـي فـي طريـق غيـاب=ثلاث سنين اضيّعني .. ولا ألقى بك ولا ألقـى بـي
سوى ما ينثر حضورك بـ( قلبي ) من ندم وعتـاب=سوى ما ينثر غيابي بـ( قلبك ) من بعض مـا بـي !
ثلاث سنين .. وعيوني وقلبي زاخرة بـ ( اصحاب )=تنام بها .. ولا اصحى بي سوى لا ناموا أصحابـي !
ثلاث سنين أذكّرهم : تراكم ( حسبـة الغيّـاب )=ثلاث سنين أنسيّهم مـن اللـي غيّـب حسابـي !
ولا أدري لو تجي بكره .. تلاقي لك بعض ترحاب ..= بـ ( قلبي ) ، ولاّ ما تلقى سوى اللي البرد خلى بي !
بعض حب .. وكثيرٍ من سواد وخوف وإستغـراب=الأول منّها بـ .. قلبي ، وباقيهـا علـى أهدابـي!!
كذا سوّى غيابك في حبيبك .. ليت قلبـك غـاب=قبل يذبل زهر شوقي عليـه .. وتتلـف أعصابـي !
قبل لا أمدّ له قلبي وأحاسيسه .. بـدون حسـاب=قبل لا أذكر ارحّب به .. وينسى لا يتحفّـى بـي !
عليه الحب .. من أوّل وقوف البـرد عنـد البـاب=إلى آخر ما وقفت أرجي رحيل البرد عـن بابـي !!
ولا أدري لو تجي بكره .. تلاقي لك بعض ترحاب .. = بـ( قلبي ) ، ولاّ ما تلقى سوى اللي البرد خلى بي !
بعض حب .. وكثيرٍ من سواد وخوف وإستغـراب = الأول منّها بـ.. قلبي ، وباقيهـا علـى أهدابـي!!
كذا سوّى غيابك في حبيبك .. ليت قلبـك غـاب = قبل يذبل زهر شوقي عليـه .. وتتلـف أعصابـي !
أنت غير مسجل في منتديات الوئام . للتسجيل الرجاء إضغط هنـا
ثلاث سنين ..! 
