نحن شعب متخلف..

بعد ان اعلنت نهاية الحصة الثالثة وفتح الابواب للفسحة بدأت الثرثرة اليومية وصحائف الشكواي من مجموعة معينةلا تتغير من المعلمات ...هذه البنت فاكه رقبتها فاكتها..
وطبعاً لاننسى بعض الدور البترولي من قبل بعض المعلمات ايضاً في شب الموضوع..
ليش ياشيخة ايش صار بعد..
هذه البنت تعبت منها من كثر مااقول حلي الواجب ذبحتني..
روحي علمي امها بنتك غبية ماتعرف تدبر..
وهكذا من بربرة البعض ..الى ان جاءت احدى الزميلات..وقال:

شفتوا كنوز امس..
واخذت في نقل ماقيل..المهم مافهمته انها قناة للتعريف بالطالع وكشف خفايا المور الغيبية..
ودار الحوار..
ياشيخة انتي تعرفي انه هالشغلات حرام؟؟
طبعاً لم ترد بل ردت اخرى..
اكيد حرام ونص ..والغريبة ان اكثر المتصلين من السعودية..
كيف ياشيخة سعوديين؟؟؟وكأن على روسنا ريش..
ردت من اثارت الموضوع...
ايه سعودين لانهم مساكين ماعندهم من يعلمهم الي ينفعهم..

مساكيين؟؟

ياشيخة بالعادة هالامور مايصدقها الي الدول العربية الثانية لكن احنا لا؟؟
ياشيخة ولي يرحم والديك احنا شعب متخلف وين الدنيا واحنا وين..الدول الي تقولين عنها هذولي عندهم من يخبرهم لكن احنا الله يخلف بنعيش متخلفين مانعرف من امور الدنيا شئ الدنيا مشت واحنا مكانك سر..

يعني انتي برائيك احنا شعب تخلف؟؟؟
اكيد..
عاد تبين الجد اقولها وبكل فخر ان كنتي تشوفين ان هذا تخلف فانا يشرفني اني اكون من كبار المتخلفين..

وطبعاً البعض اخذها بتريقة ..يالله وانا القائد وانا وزير التخلف الاعلى..وهكذا, طبعا الزميلة مااعجبها الوضع هي طلعت وصفرت من هنا وراسي في دوامة التفكير من هنا..

ياترى كم عقل مسلم يفكر في اننا شعب متخلف لاننا لانملك مثل رواد قناة كنوز وروادها الذين يديرونها؟؟
اين هم عندما سئل والدنا الحبيب الملك عبدالله عند زيارته للتوأم السيامين العراقيتين عن كلمة سموه الموجهه للشعب العراقي؟؟فاجاب:تمسكوا بكتاب الله وسنة نبيه لتحلوا مشاكلكم .. ولم يقل اذهبوا لقناة كنوز او غيرها حتى تعرفوا متى تنتهي حروبكم...
من اتى ساحراً او كاهنا لم تقبل منه صلاته اربعين يومياًوطبعا هذا الحديث يطبق على الانسان الذي يذهب للكاهن او الساحر وهو غير مصدق لقولهما وهذا عقابه وبالمقابل من يؤمن بهما فقد اشرك بالله فمابالكم اذا كنتم ممن تجلسون يومياً امام هذه القناة وشبيهاتها قد تكونون مصدقين او المصيبة الاعظم تنتظرون متىيحين موعد اشتباك خطوطهم بخطوطكم للتعرفوا متى سترزقون بهذا وذاك ومن يكيد لكم المكايد ويعد لكم العقبات..

اللهم ان كانت هي ترى وغيرها اننا شعب تخلف في هذا الامر اللهم فزيد هذا الشعب تخلف واغرقه فيه واجعله منغمساً بتعليمات كتابك وسنة نبيك واصلح كل من اعتقد ان بهذا رفعه ومصلحة للشأن..ولا املك إلا ان اقول لا حول ولا قوة إلا بالله..

.

8
8
نقطة تواجد ولي عودهـ

..

ياساااااااااتر لهالدرجة التخلف ..!؟

الحمدلله والشكر

كان قلتي لها

المتخلفين مو حنا .. إلا اللي مثلك وأشكالك ..!!

بصراحة إنصدمت من كلامها .. وش لو هي عندي ..؟

وزي ماقلتي

	اللهم ان كانت هي ترى وغيرها اننا شعب تخلف في هذا الامر اللهم فزيد هذا الشعب تخلف واغرقه فيه واجعله منغمساً بتعليمات كتابك وسنة نبيك واصلح كل من اعتقد ان بهذا رفعه ومصلحة للشأن....

..

متعاطفة انتظرك..

اضواء الغالية..
احيانا تكون رسالتك وصلت عند اسداء النصيحة والمناقشة مع صاحب الراي في محاولة اقناعه بخطأه..
اذا ماقتنعت..اتضارب وياها؟؟
بالطبع ال ولكن احيانا النقاش له مجريان:
اما ان يكون النقاش في الموضوع او القضية نفسها وهنا يكون النقاش اغلب الاوقات سلس والهدف منه الوصول للحقيقة..
او ان اناقش الشخص ذاته وهنا غالباً يكون النقاش عقيم..بمعنى انني اذا تناقشت معها هي ماراح اتوصل لنتيجه لانها تشبعت بالفكرة ولاهي راضية تناقش المبدأ اصدرت الاحكام وخلاص..وهؤلاء لا تملكين سوا الدعاء لهم فهذا افضل..

حبيبتي شرفني اضاءتك للموضوع..

احياناً اضحك ..؟؟ لاننا شعب متخلف ..!!

يمكن تكون صدمه للواقع السعودي .. اللي نعيشه ..!!
ليش ما تفكرين ايش اسباب اتهامها بأننا متخلفين .. !!

من اللي تشوفه ..!!

تخيلي البارح بالليل .. سكرت النت .. وماجاني نوم .. قلت بروح عند امي شوي اسهر معها ..

مالك بالطويله جاء اخوي طاير يقولي افتحي قناة الجرس اللبنانيه وشوفي المهزله اللي صايره وقولي لي رأيك ..؟!!

قلت يلا وافتح القناة الا وش اشوف .. بجد مو مهزله ... لا لا هذا تخلف تخلللللللللف ياناس ..

مذيعه اسمها ندى .. سعوديه اصلها من مكه << لاحظي اطهر بقاع الأرض ..!!!..!!!!!!!!!

بس الحق انها حلوه ..

بس وين يصرف الجمال عند اخلاقها الله يهدي بناتنا يارب ..

ومهمة البرنامج جمع الحبايب ..

من الرسائل اللي بشريط الاهداءات بالقناة يلقطون ارقام البنات اللي يرسلون من الكنترول ويتصلون عليهم يعرفونهم على شباب

وحده تبلوها .. يبون يتصلون عليها يخلونها تكلم واحد يحبها اسمه خالد .. والبنت تحلف وتتحلف تقول انا بنت شريفه وانتم خربتو سمعتي ..

وللأسف للأسف كل المتصلين الشباب والبنات من السعوديييييييييييييه ... ياإلهي ..!!!!

وش تقدرين تقولين بعد هذي ..!!

للأسف عندنا الدكتور والمحامي .. والقاضي والطيار .. ووووو الخ .. لكن المتخلفين اكثر واكثر ..

للأسف ودي انكر هذا الواقع .. ودي اسحق كل شي اسمه اهانه للسعوديه .. بس وين اهرب من الواقع للخيال .. محـــال ..
!!
غزالتي .. تراي معصبه .. والقولون عندي واصل حده ... يعني اعذريني ان كنت احكي الصراحه المُره اللي أرفضها انا وانتي وكل الشعب السعودي ..

لكن كيف تسكتين ألالسنه .. وبالنهايه مايصح الا الصحيح ..!!

ههههههه يعني صرت انا متخلفه .. احياناً أبي أبكي لما أسمع هالكلام .. وبعدين اتراجع .. واقول يازين التخلف اذا كان كذا ..!!

مثل الارهاب .. ان كان دفاعنا عن ديننا ووطنا يسمى أرهاب .. فأنا أفتخر اني اكبر ارهابيه ..

متعاطفة الغالية...
هل تتوقعين نني لااقول اننا فعلاً متخلفين..
او بصريح العبارة ان الغالبية بين صفوف ابناء الوطن متخلفين..
المتخلفين بيبنا واجد لكن مو التخلف الي بالصورة الي ذكرته الزميلة المذكورة اعلاه..

ومع الاسف نسبة التخلف عند شبابنا الي يمثل نسبة 80% من التعداد السكاني هذا اذا ماكان زود..

عزيزتي لا تعصبين ولا يجيك قولون واشربي حليب..اعتقد اننا فعلاً اصبحنا في زمن نفسي نفسي وقد كنت قبل اقول لا..
الناس كلها فيها خير..
الناس اكيد فيها خير لكن الغالب كله الشر معميه..
لاتعتقدين انني متشائمة ولكن اضحك من شر البلية..ثم ادخل في دوامة الصمت..

تحياتي لك لمرورك العطر..

مدري وش ارد عليك غزووووووووووووله

ما اقول غير الله لا يبلانا
وكثير من الناس حطونا بموقع المتخلفين


وما أكذب عليك اشوف قناة كنوز بعض الاحيان ليش لاعجابي بها او اشجع المشعوذين
بس لاطلع على عقليات المتخلفين من الناس واتعرف على شرائح البشر
وللاسف الشديد
اغلب المتصلين من السعودين ......... ولامور تافه جدا وضعوا أنفسهم بالحرام

ما اقول غير الله لا يبلانا

الله يكملنا بالعقل والدين ولا يجعلنا من المتخلفين


حسبي الله عليهم


اسعدني مرورري بتصفحك اختي غزاله

بسم الله الرحمن الرحيم

غزالة الجنوب

السلام عليكم ورحمة الله وبركاته




يسعدك ربي يا غزاله


نسأل الله السلامه ...


الموضوع جدير بالمناقشه وجدير بأن يوضع في نقاط
وتدرس .. ولولا الوقت القليل لدي .. لوضعت نقاط كثيره
تدور في راسي بعد أن قرأت الموضوع وقرأت الردود


على كل حال ...


قناة كنوز .. ما عمري شفتها ولا ادري ان فيه قناه بهذا الأسم

والحمد لله على ذلـــــــــــك ..


لكن والحق يقال ... على فكره كلمة لكن ( عجيبه ) قرأت كتيب صغير
عنها فوجدت فيه العجب .. وإن شاء الله انسخ لكم منه بعض الفوائد


الله يرحمك يالطنطاوي .. تذكرت خروجه عن النص ..


المهم ..


إذا كان التخلف الذي ينعت فيه الشعب السعودي في صالحه
وفي صالح مستقبله وفي صالح العقيده .. فأهلاً بــــــــه

وإن كان التخلف كلمة استفزازية يراد منها الانحراف عن
الطريق المستقيم .. فحسبي الله و نعم الوكيل ..

وإن كان التخلف .. لأمور كثيره .. فلعنة الله على هؤلاء المتخلفين
الذين ليس لهم هم وشأن إلا استثارة العقول والدعوة للإنحراف
عن الطريق القويم ..


اسف على الرد المتواضع

وبيض الله وجهك على هذه المشاركه الراقيه



اخوك
حسام الشعر