الشعر ومضاربات الاسهــم .

تحياتي الصادقة للجميع

هذه القصيدة الطريفة لاحد الاشخاص الذين اكتووا

بنار الاسهم , ارجو أن يكون الاختيار مناسب .


ألف : أولف وأول السوق نسبــــه
-------------- نسبة تحت ما عاد تحتاج حسبة
سوق ضربنا فوق عشرين ضربــه
------------ والصبر زين إلا بسهم المواشي
والباء : بدينا وأشترينا وبعنـــــــا
-------------- وياليتنا فيما كسبنا قنعنـــــــــــا
طرنا وتعلينا ولكن وقعنــــــــــــــا
-------------- والصبر زين إلا بسهم المواشي
والتاء : توقعنا تزيد المكاســـــــب
-------------- وقلنا نبي نشرب لذيذ المشارب
لكن ورطنا بين عارض وطالــــب
-------------- والصبر زين إلا بسهم المواشي
والثاء : ثبت عندي بعلم يقينــــي
--------------- اني خسرت وراح ما في يميني
الله على تسديد ديني يعينـــــــي
----------------- والصبر زين إلا بسهم المواشي
والجيم : جمعنا سهوم كثيـــــرة
----------------- ولا درينا أن الدعاوي خطيرة
حتى خسرنا والخسارة كبيــــرة
----------------- والصبر زين إلا بسهم المواشي
والحاء : حسافة يا جماعة فلوسي
-------------- حطيتها بأسهم وكسّرت قوسي
صحيح هالدنيا عطتنا الدروسي
----------------- والصبر زين إلا بسهم المواشي
والخاء خلاص اقول توبه ولا أعود
---------- لو كنت بالمكسب موصى وموعود
وهذا قرار ما علي فيه منقــــود
--------------- والصبر زين إلا بسهم المواشي
والدال : دجينا بسهم المواشي
----------------- نشريه غالي ثم نبيعه بلاشي
هذا جزات اللي شرا بالخشاشي
---------------- والصبر زين إلا بسهم المواشي
والذال : ذاك اللي تسبب علينا
------------------ ويلاه لـو انـه يطيح بيدينــــــا
من دون ذبحه كلنا ما رضينـا
------------------- والصبر زين إلا بسهم المواشي
والراء : رمينا رمية دون رامي
---------------- وصابت وقلنا حرفنه ياسلامي
السوق طيب لين جانا الصرامي
---------------- والصبر زين إلا بسهم المواشي
والزاي : زدنا يوم شفنا المرابح
--------------- وقمنا مع العالم نزيد المطابح
ويمكن على بعض السهوم انتذابح
------------- والصبر زين إلا بسهم المواشي
والسين : سوينا بها فاهمينــــــي
-------------- نشري نقول السوق بكره يزيني
نبغى المكاسب وأثرنا خاسريني
--------------- والصبر زين إلا بسهم المواشي
والشين : شاري يومه السوق غالي
----------- ما همني لو زاد فيها ريالـــــــي
لا والله الا راح باقي حلالــــــــــي
------------- والصبر زين إلا بسهم المواشي
والصاد : صدق اللي سهما منول
-------------- حول ميه وسبعين واليوم حول
ينزل الى ستين شي يهـــــــــــول
-------------- والصبر زين إلا بسهم المواشي
والضاد : ضاربنا بسهم الفنادق
--------------- لكن رمونا مثل رمي البنــــــادق
حتى زبنا بالحفر والخنـــــــادق
--------------- والصبر زين إلا بسهم المواشي
والطاء : طمرنا طمرة دون داعي
------------- نبغى النسب بالباحه أو بالجماعي
واليوم يكفينا حليب المراعي
----------------- والصبر زين إلا بسهم المواشي
والظاء : ظلمني من نصحني بتعمير
----------- ويقول لي هذا السهم مكسبه غير
وانا مطبح فيه من دون تفكير
----------------- والصبر زين إلا بسهم المواشي
والعين : عيوا يرفعون المؤشر
---------------- يمكن سياسة سوق لازم يخسر
كم واحد من ذا المؤشر مدمر
------------------ والصبر زين إلا بسهم المواشي
والغين : غيّر يالمحافظ وبدل
------------------ موضوعنا حله وبالسوق عدل
نظامكم ما هو كتاب منزل
------------------ والصبر زين إلا بسهم المواشي
والفاء : فتيحي مشترينه بطمعه
------------ لكن جانا منه عشرين قمعــــــــه
ما اظن يستاهل حسابه وجمعه
-------------- والصبر زين إلا بسهم المواشي
القاف : قالوا بكره السوق يرتد
--------------- والوضع اشوفه كل يوم يتعقد
مقرود يامن طاع شور المقرد
-------------- والصبر زين إلا بسهم المواشي
الكاف : كافي يا وزير التجارة
-------------- خمسين بالميه علينا خساره
ان كان تفهم في فنون الاداره
------------- والصبر زين إلا بسهم المواشي
واللام : لبنى يوم أغارت بلا خيل
----------- خذت بسطوتها سهوم الرجاجيل
وخلت مدامعهم تبل المناديل
--------------- والصبر زين إلا بسهم المواشي
والميم : ما تنفع سهوم العوايد
------------- خسرانة وما عاد فيها فوايد
الفايده بالكاش لا صار زايـــــد
------------ والصبر زين إلا بسهم المواشي
والنون : نادوا من يعرف السلومي
---------- وقولوا توجه يم شيخ القرومي
يحلها لا صار وقت اللزومـــــي
------------- والصبر زين إلا بسهم المواشي
والهاء : هروج كل يوم تعادي
------------- كل يسوي فاهم ٍ واقتصــــــــادي
ياطيبكم عند العشاء والمنادي
--------------- والصبر زين إلا بسهم المواشي
والواو : وهقنا المسمى ابراهيم
-------------- يقول انا بقلب جميع المفاهيم
ياعزتي له علقوه الشغاميــــــــم
-------------- والصبر زين إلا بسهم المواشي
والياء الاهي طالبك ترحم الناس
---------------- وان تنتقم من فعل الأنجاس
ولا باس ياللي صابه الهم لا باس
------------- والصبر زين إلا بسهم المواشي

لبنى : لبنى العليان
ابراهيم : ابراهيم الراجحي

الشكر والتقدير للجميع .

..........

...

مابعد الرعد الا المطر
:monkey2:
هلا والله وغلا

والف شكر للمشاركة الرائعة والمعبرة
ولاختيارك الموفق

شكراً لذوقك الرفيع


كلك ذوق


...

الاخ الغااالي رعد

الله يجيب المطر

مشاركة رااائعة في فكرتها ومضمونها

لكن ننتظر ابداعااااك ياغااالي

وننتظر المطر



تقبل تحيااااتي

....
.........................
الله يعافيهم ولا يبتلينا اهـــل الاسهم..
اثره يجي لهم مثل هالبلاوي..
!!!!!
---------> تصدقون كان يفكر انه يجرب...

لاو الله الا التوبه وابعد عن الشر وغني له
:monkey2:
فعلا قصيده طالعه من قلب..
منك لله يالمواشي وش سويتي بوه ..

اخوي رعد زارتناا البركه..
شكرا لك على تشريفك منتدى الشعر والادب..
واختيارك الجميل..
السيف

وافــــــــــــــي

مرحبا بك

الله يجيب الرعد الاول !!

وبك من الترحيب اكثر .

الشكر لكم انتم يا عزيزي من ادارة ومشرفين

ثم الاعضاء الفاعلين , وما ردودكم على مشاركتي المتواضعه

الادليل على اهتمامكم قبل كل شئ في مشاركات الاعضاء , و

ومتابعة ما يطرح اولا بأول , وهذا دافعا مشجعا للمشارك للاخلاص

للمنتدى , حيث يرى أن هناك من ياخذ بيده للاستمرار , ومواصلة الركض .

كلماتك العطرة , اسعدتني .

لك كل الشكر .

والى اللقـــاء .

(بقية الردود تتبع لاحقا )

بسم الله الرحمن الرحيم

رعد الثاني

السلام عليكم ورحمة الله وبركاته

يااااااااااااااااااااااااااااااسلام عليك اخي الفاضل

صرااااااااااااااااااااااااااااحه قصيده راااااااااااااااااااااااقيه

وقصيده جميله جدا جدا ربما تحكي عن واقع عاشه الكثير من الناس

خلال الأياااااااااااااااااااااااااااااااام الماضيه حسب ما نسمع

بارك الله فيك وفي ما قدمت

اخووووووووووك


الحســـــــــــــــــام

رهيــــــن العــــــــــــذاب

مرحبا بك :

اللهـــــم آآآآآآآآآآآآآآآآآآآميـــــــــن .

وانت اروع في تفاعلك الجميـــــــــل

لعــــــل ذلك يحصـــــل مستقبـــــــلا .

كلنـــــــا كذلك .

عزيزي كم انا سعيـد بتشريفــــــــــك .

لك من اخيــــــك عاطر التحيـــــة .