ابو ثمان ابروقها 000000

ماكل زولِ بين الازوال مملوح
ولا كل وجهِ بالمكاييج يحلو
وما كل بسمه تسلب القلب والروح
غير ابتسامه بالحشاء تشعله ضو
اضحى كما الدلَه على حامي الفوح
ابو ثمان ابروقها تسبق النَو
حارت بي الاقدام لا قف والا اروح
كني غريرِ فارق الديد للتو
لا تفتحين الجرح من تحته اجروح
ما نختلف واللي تبي تفعله سو
جيت الوئام وجيتك دون مصلوح
لا يمكن ارجع والعرب كلهم جو
خلك وحيد ابحالتك واحذر البوح
اشرب عواقب فعلتك وغترف (رو)
اتهى النص الاهداء (اليها ) مع تحياتي
للجميع
د ساري الرياض

ماكل زولِ بين الازوال مملوح
ولا كل وجهِ بالمكاييج يحلو

فعلا كلام واقعي وحقيقي .. ماكل وجه بالمكاييج يحلو

صح لسانك اخي ساري

وتسلم اناملك سيدي ..

الاستاذ الكريم ابو جالد البجادي
ويسلم ذوقك واحساسك العاطر سعيد جدا وانا ارى لك بصمه
في متصفحي وماكل وجهِ بالمكاييج يحلو
لما اشرت يا ابو خالد الى هذا البيت حسيت اني اول مره اشوفه
وش السبب لا ادري تقبل تحياتي
اخوك د ساري الرياض

..


صح لسانكـ ..


قصيده جزله .. لها معاني فريده ..


كـل الشكر لك ..



..

.
.

صح لسانك ولا هنت يالشاعر ..

انا اشهد ان كل بيت يزحزح الثاني ويقول انا احلى منك ..

عشت

.
.

الاخت الكريمه زهور الغرام
اشكر لك ثنائك اللطيف وعباراتك الراقيه وجودك بين احرفي
يعني جمال التواصل واريحية النفس شكرا للزياره بورك فيك وتقبلي تحياتي اخوك د ساري الرياض

الاخت الكريمه متعاطفه بحدود
شكرا للزياره والثنائك العذب منكم نستلهم الابداع
وصفة شاعر كبيره اشوي لست الا هاويا للشعر مثل ماتشوفين اللخبطه ولكن هذا من ذوقك فقط كعادتك تحبين التشجيع
والاخذ بخاطر الجميع دون تخصيص وتلك صفه حميده
ولا ادري هل اطلعتي على الالغاز الاخيره (الوعد تم ) وتقبلي تحياتي اخوك د ساري الرياض