تخاريف القوايل ..!

مابين الهم والحيرة بقيت مشتت التفكير = الا واغم من فكره رهين الهم والحيره
لطوابير الهموم اليا طوا (بير ) احتضنتنه بير = سقاها دمعه ودمع الحيارى فيه من غيره
تصبرت وقضى صبري وصبر اللي وعدته خير = وضاع العذر يوم ان الزمن كثرت معاذيره
وطاح الزير سالم وبمطيحه طاح سيف الزير = ولاحدٍ قال قم سالم ولافكر بتجبيره
وياكثر الكسور اللي بلا حصر وبلا تقرير = وكسير الخاطر بتحطيم عزمه زاد تكسيره
عن الأحلام لاتسأل ! هبا يذرو لها المعصير = ولا تسأل وش اللي صار !قل ياعلها خيره
وقل يارب وافي علها عن مامضى تكفير = وانا مؤمن بربي لاسخط لاشؤم لاطيره
بشر واحب هالدنيا وعليها مابكيت كثير = ومنها احتاج دون القبر بعض الشيء"تصبيره "
وقالوا مايصير وقلت صار اللي مااظن يصير = ولكن كل شيء بقدرة الخالق وتدبيره
زماني ! عدت لي نفس التساؤل يوم كنت صغير = وعرفت ان التجاهل منك مايحتاج تبريره
وعرفت انك تمشيها مع اغلب ناس بالتزوبر = ومع منهم على النيات من جرف لدحديره
ومع ذلك من الأعماق شكراً لك مع التقدير= بس والله ماني فايق لك الحين خلني اروح اشوف مشكلة شريط الاهداءات ترى سند يمسي مثل هالوقت .... سلام

مــابــيــن الـــهـــم والــحــيــرة بــقــيــت مــشــتــت الـتـفـكــيــر = الا واغــــــم مــــــن فـــكـــره رهـــيـــن الـــهـــم والــحــيـــره
لـطـوابـيـر الـهـمــوم الــيـــا طـــــوا (بــيـــر ) احتـضـنـتـنـه بــيـــر = سـقــاهــا دمــعـــه ودمـــــع الـحــيــارى فــيـــه مـــــن غـــيـــره
تـصـبــرت وقــضــى صــبــري وصــبــر الــلـــي وعــدتـــه خــيـــر = وضـــــاع الـــعـــذر يــــــوم ان الـــزمـــن كـــثـــرت مــعــاذيــره
وطــــاح الــزيــر ســالـــم وبـمـطـيـحـه طـــــاح ســيـــف الــزيـــر = ولاحــــــدٍ قــــــال قــــــم ســـالــــم ولافـــكــــر بـتـجـبــيــره

السلام عليكم ورحمة الله وبركاته
أستاذنا المدير العام ( وافي )
مساك الله بالنور والسرور
تخاريف القويل إذا كانت هاذي القايله أجل وش يصير بالأخير
سلامتك من التشتيت يا أبو الوفاء والله يعينك ويساعدك
نلتمس لك العذر لإنشغالك الدائم .
كلمات تنبض بروعة وجمال الحرف والمعنى ولا يستغرب على وافي مثل هذا التألق
صح لسانك ولاهنت يالغالي
تقبل مني بكل الود تحياتي وتقديري؛؛

السلام عليكم ورحمة الله وبركاته
وصلاة وسلام على أشرف خلق الله
محمد بن عبد الله وعلى آله وصحبه
وسلم ومن والآه

صح السانك ولا هنت يا بيه..

احلى تخاريف ,,


زهرة بنفسج.

السلام عليكم ورحمة الله وبركاته

هلا وغلا

وافي
متخيلك حاشر الزمن في زاوية

وتقول:

زمـانــي !!


زمــانــي ! عــــدت لــــي نــفــس الـتـســاؤل يــــوم كــنــت صـغـيــر
وعـــرفــــت ان الـتــجــاهــل مـــنــــك مـايــحــتــاج تــبــــــــــــريـــــــــــــــــــــره


صح لسانك

وبدنك وحالك

وربك كريم يعدلها من عنده

وااااااااااااااااااااااافي

مادام انك تخرف بالقوايل ما نبي تفسير
...............................توارى صمتنا خلف الكلاااام وقرب الـ......

.................................................. ............................


كاااااااااااااااااااااااان ودي اكمل

لكن خااااااايف من سند

ومن نفسي

تحيااااااااااااااااااااااااتي ياقمر

لي عوووده (ربما)

صح لساااااانك .. وافينا ..

وتسلم يمناك