أطلق وإلا أنتحر ((أنقذوني))

هذي قصة واحد يرويها بنفسه
...................................

أطلق وإلا أنتحر ((أنقذوني))
السلام عليكم

أنا ..
ماأدري وشلون أبدأ

القصة :
بدأت المأساة عندما تزوجت من فتاة قبل عام تقريباً
تزوجتها على أساس أنها بنت حموله ودينه
ولكن بدأت المشاكل تدب من أول ليلة ؟
حيث أني إكتشفت إن أمه وسط وراكبتن الأبو
قلت لنفسي
أنا أبتزوج البنت وإلا الأم ؟
طبعاً البنت
مضت الأيام ولايمر أسبوع بل ربما يوم
إلا وفيه مشكلة
فهي تريدني أن أدخل التلفاز
وحيناً تريد فيدو

ولا أخفيكم سراً أن لباسها كان سيء للغاية
وكل هذا وأنا أقول لعل وعسى أن يهديها الله
وبدأت الأوضاع تضطرب
إلى أن ذهبت بها إلى أهلها ثم عرضت المشكلة على أبوها
عندها علمت أن الخراب منه
فقلت لنفسي
ألا يوجد أناس أحسن من هؤلاء
ورجعت بها إلى البيت وأنا أفكر بالطلاق
بل جزمت عليه
ولكن المفاجأة
كانت حامل
عندها وقع الفأس على الرأس

والآن هي عند أهلها
عندما جاء أبوها وأخذها قبل شهر
ولالا... يقول أني أنا اللي جايبها عندهم
ومخليها معلق
مع أني أتصل على جواله ويصكه بوجهي ..
---
وحالتي النفسية الآن زفت الزفت
حتى أن الشيطان يعرض علي الإنتحار ليل نهار
=========
وماخفي عنكم من قصتي فهو أعضم
فأرجو المساعدة والمناقشة من ذوي الخبرة

انا من وجهة نظري يطلقها وياخذ ولده يربيه بنفسه لان الام اكيد بتربيه علي ماربوها هلها

الحين انت قلت عن زوجتك انها قليلة دين 00 لانها طلبت تلفاز وفيديو ولبسها مو عاجبك 00



أجل اخوي وايش تبينا نقول عنك وانت تبي تنتحر 00 احكم على نفسك اول قبل تحكم عليها 0



والله الموفق 0

احسن شي يسويه انه ياخذ زوجته ويكلمها بهدوء بدون تدخل من احد ويبين لها شنو اهو يبي منها وشنو اللي يبيها تراعيه خلال عشرتها معاه وبنفس الوقت يسمع شنو هي تتوقع منه وشنو اللي تبيه من زوجها ويتفقون فيما بينهم ويعلمها انها لازم تبعد عنها تدخل الوالدين وانه يبي حياتهم تكون خاصه فيهم دون تدخل من اي طرف ويسمعها شتقول ..اذا كانت عاقله وتبي تحافظ على زوجها راح ترضى وتتنازل وتوافق على طلباته او اغلب طلباته على الاقل ..

ونفس الوقت الزوج لازم يتناز ل ويتهاون ببعض الامور اللي فيها مجال للتهاون كاللبس وغيره اذا هي متغطيه مايهمك لبسها لما تروح للناس مع قعدة حريم مثا ؟؟!! ويعرف انه لها عليه حقوق مثل ما هو له عليها ..

انت عليك انها ما تطلع من البيت الى كلها اسود ما يبين منها شي خلاص ماعليك من اللي تلبسه تحت العباة (( طبعا في حدود الادب والشرع )) ..


باختصار لازم ما يعاند ويصر على بعض الامور وانما لازم يكون مرن ويحط بباله دائما ان (( المراه خلقت من ضلع اعوج )) فاذا شد معاها راح تنكسر وبالتالي هو الخسران وراح يعيش مشاكل مالها تالي .. ولا زم يحط في باله عدل ان بينهم طفل ..فلازم يهيء له جو منزل مناسب للتربيه عشان ما يتعقد بعدين ..

الخلاصه ..يقعدون مع بعض يتحاورون حول وجهات نظرهم وتوقاعتم تجاه كل واحد فيهم وينسقون حياتهم ويحطون لهم نمط معين يعيشون خلاله ويحددون مسؤلياتهم ..((( دون تدخل احد )) ..والله يوفقهم ..

اسفه على الاطاله ..

مــراحب اخوي العزيز

اخــوي اول شي الطلاق مو كلمه سهله ولا بالتصرف البسيط
ولا اعتقد بأنه حل مناسب

اول شي انا اتفق مع كلام اختي فطــامي
عليك اخوي انك تروح لزوجتك وتقعد وتتكلم معها او انك تأخذها لمكان هاديء
فمثلا اعزمها على العشاء في مطعم وجو رومنسي
وبعدها اتفاهم معها على طلباتها والاشياء اللي تبيها بهدوء والابتسامه على وجهك

المهم انت تقدر تأخذ طلباتها نقطه نقطه وتتفاهم معها عليها وتحاول تقنعها بوجهة نظرك
وصــدقني المرأه من النوع اللي ممكن تأكل عقلها بكلمه حلوه

اما بالنسبه لأهلها انت اتكلم معها قولها ان هذي حياتكم لازم ما احد يتدخل بينكم على الاقل علشان لا احد يتشمــت فيكم
يأخي ممكن تجيها بأكثر من اسلوب

اخـــوي لا تنسى بأن زوجتك حــامــل
مــاهو ذنب هالطفل المسكين لمن ينحرم من امه او ابوه

اخوي اذا فيه طفل جاي بالطريق
لازم تعرف انت وهي ان حياتكم مو ملككم لحالكم الطفل هذا اهم منك ومنها

اما من ناحية ملابسها
انت جيبها لها انك مثلا تغــار عليها وما تحب احد يشوف عليها هالملابس غيرك
وانك تخاف احد يحسدها والعين مـتا ترحم
وريها اهتمامك مو اعتراضك

اســمــــــع كلامي ..البنات يحبون الكلام الحلو....
وبعدها انت بتريح نفسك

والــلــه يسعدكم يا رب
شـــــــــــــــــــوق

sasa
مساء الخيرات

الاخوات ...دانه وفطامي ...وشوق

هم اعرف مني بطبائع البنات

واعتقد انهم قدوموا لك النصيحه الاكيده

واحب ان اضيف نقطه

حاول استراجعها من بيت اهلها

ثم ابداء في محاولة تغير مالا يعجبك فيها

وحده وحده

وبين كل تغير واخر اترك مساحة من الزمن

حتى لا تشعر هيا انك تحاول تغيرها وفرض

ارائك عليها .. ولا تنسى ان تقدم لها هديه

بين وقت وآخر ..


(( مجرد رائي ))..............وارجو ان اكون قد اصبت

تمنياتي لك بالتوفيق .. وبحياة سعيده

وسلم لي على هذا الواحد

شكرا لجميع من عقب علي هذا الموظوع ونصح......................

البعض منكم عرفت من كلا مه اني انا الزوج.......ههههههههههه

انا توني ما تزوجت عشان تكون عندي مشاكل زوجيه :D :D :D

وانشاء الله صاحب المشكله هذي يطلع علي ردودكم وياخذ بها.

يا أخي خذ زوجتك و أطلب نقل لمدينة أخرى


و عمم على أم زوجتك لدى الشرطة بعدم دخولها المدينة اللي انتم فيها



... و ارتاح


و لك مني التحية



فهد

مرحبا ساسا

اعتقد ان الحل في راس الزوج وهو من يقرر

وفي رايي الطلاق هو الاسلم له

والله اعلم

تحياتي