ياليل الهواجيس والمخططات ..

..

ابفهم شي واحد ورى الواحد ما تطري عليه الخطط و يجيه الحماس للشغل الا في موسم الاختبارات



اول ما تبدا هالهواجيس تجيك مدّعية و البينة على المدعي و اليمين على من انكر انها تبي مصلحتك و ان التخطيط السليم هو سر ظهور الناجحين و ان تسانك تبي تنجح يجب عليك ان تبدأ التخطيط لإجازتك من الآن - الآن اللي هو طبعا موسم الاختبارات - عاد انت خلقه ما يبي لك شي . . وهات يا تخطيط


ما خليت دورة ما سجلت فيها، ولا خليت كتاب ما شريته و قريته، و حفظت القرآن و راجعته و صرت داعية و كاتب كبير و سياسي محنك و صور و اكشن و اوتوجرافات و تواقيع و اضواء وحاله حاله الله يعينك بس <--- جاز لها النصب



بعد 5 الى 6 ساعات تطلع بخطة كاملة فل للصيف كامل ، حتى يا الله يا الله تلقى لك وقت تنام فيه على اساس توصل للثمان مية هدف اللي انت حاطهم، يعني صيفك كله مشغووول

قضينا من خطة الصيف . .



تلتفت على اللاب توب تلقى الشاشة تسنها تسنها مغبشه، ثمن يصول عليك الحرص و الاهتمام وهات يا تنظيف
تقضى تلتفت على الكي بورد




خلصنا من الكي بورد قلت يا الله جا موعد القهوة مع اميمتي والواحد ان ما جلس مع اهله و سولف معهم من بيجلس معه أجل، والله ياخذ الدراسة تسانها بتشغلنا عن اهلنا او يستمر معك هالبر لين يشيلونك أهلك بهدب عيونك لغرفتك و يعطونك كتابك و يقولون ما نبي برك الله لا يبارك بالعدو


تفتح الكتاب و تلقاه تسنه مستقصدك و خابرن ان تفكيرك هاليومين صاير لبعيد

و يعطيك من قصص النجاح اللي بدأت بخطة دقيقة و كيف هالمحلات الشهيرة انتشلت نفسها من الفشل بالتخطيط الدقيق الرقراق ، وقتها تلتفت على عمرك بنظرة صارمة

أوه الخطه يبي لها تحديث











و رجعنا على طيري ياللي











- لكل القايز والقايزات اللي بيمرون من هنا، شاركونا بخططكم اللي تطري عليكم ايام الاختبارات خلنا نسوي التحديث مرتن وحده -









..

هههههههههههههههههههههههه


هلابكـ حلوومـه


اي تخطيــط الله يرحــم والديــكـ

ماعمري خططت من زود الدجـه نعيش كل يوم بخشته


لكن انتن يالنسااوين والنسوة والحريم(حاولت اجمع بعض الاسامي )

عالمكـ غير مصايب مانبي نبّـش شيء



يسلـم لنا تخطيطكـ مسويه على غفلــه ربـع.. برج التجارهـ


ترى ماأقصد شيء

انا ولله الحمد ما عندي اي خطط الا أني وضعت خطه لاخواني علشان أدرسهم


وبالنسبة لي رح أكون مشدورة الاعصاب لين تنتهي الامتحانات

طبعا بعد الامتحانات تبداء العطلة
والله المستعان

ولوقتها يفرجها رب العالمين
وكل هذا طبعا بأذن الله تعالي


أيلان


تسلم يدك

..

	ماعمري خططت من زود الدجـه نعيش كل يوم بخشته

ههههه علينا .. يعني ماعمرك فكرت وخططت

	عالمكـ غير مصايب مانبي نبّـش شيء

اوووووه لو تشوف اختي الحين شلون تتشرط قبل الاختبارات واذا جا الاختبار هههههههههه

تصدق عاد ان بنت عمتي اذا قلت لها زيني لي شي قالت اصبري لين تجي الاختبارات وازين لك اللى تبين اما الحين لا ..

	يسلـم لنا تخطيطكـ مسويه على غفلــه ربـع.. برج التجارهـ

	ترى ماأقصد شيء

ايه ماشاء الله ماتقصد شي ابد

..

..
هلا والله النبض

الله يوفقك ويعطيك على قد نيتك وينجح خوانك يارب ..

..

انا مخطط اني انام الليله بس ماجاني نووووم .. وش اسوي ؟!

تجري الرياح ....

اي تخطيط الله يخلف

<<<<<<< دابة الله في أرضه

أيييييييييييييه
الله يذكر الأمتحانات بالخير

<< محششه ههههه
..

والله اناا اللي ما عندي الا الدجــه
لا امتحانات
ولا هم يحزنون

سبع صنايع والبخت ضاااااايع
..

وربي يوفق الجمــــــــــــيع

هذا يسمى هروب من الواقع ... ويساعد في ذلك الفراغ حيث أن برنامجك اليومي شبه ممتلئ ولم تقف مع نفسك ولو لساعة للتأمل حياتك لذلك لا تجد هذه الفرصة الا أيام الأختبارات طبعاً هذا الكلام ينطبق على الي يحاول أن تنتهي فترة الاختبار بسرعة ويرجع لروتينه وحياته الطبيعية لانه ببساطة لم يتقبل الأختبارات وكدرها. فيهرب من الواقع الى الخيال............ والله أعلم .... لكن على فكره مرة علي كثير أيام الدراسة .....
الله يسعدك رجعتنا سنين للوراء... الله يوفقك ويكلل أجتهادك بالنجاح والتفوق.

..

اكشخ البنت طايحه بالتخطيط من ورا ظهري

اقول البنت لها ايام سافهتن ولا كأني هوون ..!!

وش السلافه ام عويض طايحة بشغل الشغالات والتخطيط

من تخططين عليه على ولد جيرانكم ولا منهو << فاهمه غلط ههههههههههههه

اقول ياحبي لتس انطقي وتقهوي وترا ماامدانا نعطل ياحلوه

كلها يومين ونص ..

..