قصيده بها حكم

**LoOoly** ● · 16 / 07 / 2009, 47 : 09 PM

السلام عليكم ورحمة الله وبركاته

للشاعر // خلف المشعان العنزي

ياكثرهم .. لا قلت لك .. عـــرفة وجيه
وياقلهم .. لا قلت .. قـدر ومعــــــــزه
رجلٍ .. تعزه بعد ماتلتقـي .. فـــــــيـه
ورجلٍ .. قبل ماتلتقي بـه .. تعــــــزه

ورجلٍ .. ترزه بالمجالـس مباديـــــه
ورجلٍ .. فلوسه بالمجالـس تــــرزه

.. ورجلٍ يموت ولا يجيبون طاريــه
ورجل ٍ .. يجي طاريه في كل حــزه

ورجلٍ يهزه .. بعض موقف ويشقيه
ورجلٍ .. مهوب أيّات موقف يـهـزه

ورجلٍ .. ضعيف .. ويستفزه معاديه
ورجلٍ .. كلام اعـداه .. مايستفـــزه

ورجلٍ .. تلزه يعترف لك بخافــــيه
ورجلٍ .. على خافيه .. محدٍ يـلـزه

ورجلٍ .. يوزونه .. ويزعل بنيخيـه
ورجلٍ .. يزعّل من يحاول ، يــوزه

ورجلٍ .. تكزه لا زم انك توصــــــيه
ورجلٍ .. بليّا ما توصيـه .. كــــــزه

من لا فرش .. للمرجله ماتغطـــــيه
ومن لايخز .. الناس .. محدٍ يخـزه

ان كنت تعرفني فهي .. عرفة وجيه
مو شرط لك بالقلب قدر .. ومعـــزه

**طارق** ● · 16 / 07 / 2009, 01 : 10 PM

قصيده رائعه

صح لسانه

وسلمت يداك

**عازف الإيقاع** ● · 17 / 07 / 2009, 20 : 12 AM

قصيده رائعه

صح لسانك ولسان شاعرها

يعطيك الف عافيه

**أبو خـ البجادي ـالد** ● · 17 / 07 / 2009, 32 : 12 AM

ورجلٍ .. تكزه لا زم انك توصــــــيه
ورجلٍ .. بليّا ما توصيـه .. كــــــزه

-------------------------------------------

الله عليك لوووووولي

يازين اختيارك لهذه الأبيات ..

بس الله الله ما أوصيك يا لوووولي في القصيد الزين

تسلمي ياعزيزتي وتسلم اناملك

**LoOoly** ● · 17 / 07 / 2009, 22 : 06 AM

طــارق
تسلم شرفني مرورك

عازف الإيقاع
صح بدنك يعافيك ربي

أبو خـ البجادي ـالد
يخليك ربي
ابشر ولايهمك

**MS:بو** ● · 17 / 07 / 2009, 27 : 07 AM

قصيده رائعه سلمت..

**حسن المحمدي** ● · 17 / 07 / 2009, 25 : 08 AM

سلمت يدااااك

قصيدة راااائعه لشاعر ارووع

شاعر ظلم في المليون

وانصفه شعره

شاعر بكل ماتعنيه الكلمه من معنى

تمكن وجزاله وابتكار للمعاني

وخلق للافكار

سجلي اعجابي

وتقبلي تحيااااتي

**LoOoly** ● · 18 / 07 / 2009, 57 : 01 AM

MS:بو
منور اخوي

حسن المحمدي
الله يسلمك منور