من ارشيف الوئام ..

وعليكم السلام ورحمة الله وبركاته ..


العفوا .. سند
شكرااااااا للمتابعه

وعليكم السلام ورحمة الله وبركاته


الله يسلمك .. حسام الشعر ..
شكرااا للمتابعه

شغلتي هاجس الشاعر اللي من الهوى حيران = كتب كل الحروف اللي حبرهـا دم وجدانـه
بغيتك يالحبيب اللي من اسبابك انـا ولهـان = بغيتك للعيـون اللي تبـات الليـل سهرانـه
بغيتك وكل آمالـي تجيني قاصـد العنـوان = تجي نكتب كلام الحب على صفحات جدرانه
مكانٍ لي قعدنا فيه غدا من فرحنـا بستـان = وشمسٍ من مشاعر حبنـا بتغيب خجلانـه
حبيبي كان لي خاطر فأنـا لك دايمٍ شفقـان = تعال نجـدد الآمـال ونسقي روح عطشانـه
تعال نعيش باقي العمر ونحصد همّنا بنسيـان = ونزرع حبنـا ورد على جـيلان غدرانـه
فقدتك وصرت انا وهمي حبيس بليلة الحرمان = بكيتك وانحدر دمعي وحزنـي هاك برهانـه
حبيبي طوّل غيابك عسى ما عذرك النسيـان = فوقتٍ ضاع من دونك يصعب اليوم نسيانـه

مواصل

سلمان بن عبدالله البريدي

واتـل قلبـي تلـة سبـوق صقـار = للطيـر يومـه بالمسابـيـق تـلـه
يبي المطير ولا حصلـه ولا طـار = ممسـوك بسبوقـه وراعيـه علـه
على الذي ماشفـت زولـه ولا دار = قدام عيني ولو هـي رسـوم ظلـه
عامين ما شفتـه ولا جتنـي اخبـار = وادعي عسى ما شر وشهو حصلـه
ماغير اهوجس وهاجس الحب جبار = انا اشهـد انـه سـم حالـي وسلـه
غروٍ سحرني وينهب الروح سحـار = اقفـا بقلبـي والخفـوق استحـلـه
ولا له مع الخفرات بالزيـن معيـار = ولـو بالشهـاده كلهـن يشهـدلـه
ولا اظن يوجد له شبيـهٍ ولا صـار = مزيـون متواضـع وطيـب وفلـه
وكل الادب كاسيه ويزيـد باشبـار = وعاقـل وفاهـم والوفـا عادتـلـه
وسارت محبتنا على سـر وجهـار = حـبٍ عفيـف ولا بدربـه مخـلـه
واليوم عن عينّي ركب الغضي سار = ولا عـاد ادري بغايتـه وجهتـلـه
غاب وتركني كامل الزيـن محتـار = ولا ادري علامه دربي الزين ضلـه
يمكن تعرضته صواديـف الاقـدار = او الليالـي وضيمـهـا عــرقلله
اجاهد الهاجوس واخلق لـه اعـذار = مـاودي اظلـم كامـل الـزيـن لله
حيثه عزيـز ولـه معـزه ومقـدار = باقصى الخفوق اللي من اول وطن له
ومن خوف سقف الحب ياقع وينهار = شديت انـا رحالـي ابحـث وفاًلـه
ودورت له واتعبت رجلي بالاسفـار = وحفيت ركابي وارجعن ما وصلن له
وارسلت له من اقرب النـاس دوار = وزرعت فيـه آمالـي المضمحلـه
وعود علي وقال لي يابـن الاخيـار = انسى عشيرك يابن الاجـواد خلـه
دورت لـه مابيـن وديـان وديـار = صاحبك مثل اللغز وازريـت احلـه
وساعة تكلم اهوج بصـدري النـار = واحس بالخافـق كمـا فـوح دلـه
وخيم علـي اليـاس والدمـع نثـار = سبايب اللـي ضـاع عنـي محلـه
ورموش عيني عن حلا النوم سهّـار = والقلب ينشدني عـن غيـاب خلـه
قلت احتمل ياقلب خابـرك صبـار = لو كنت ادري ويـن دربـه وادلـه
لاغوص له لووسط غبات الابحـار = وابحث عن المجمول حتى اصل لـه
مير البلا إنـه محيـلٍ عـن الـدار = وهـذا علـي مـزود الطيـن بلـه
وهذي دروب الحب ربحٍ ومخسـار = حكمه من الله خالـق الكـون كلـه
احدٍ خسر واحدٍ جنى حلـو الاثمـار = واحـدٍ تولـع بالرمـوش المظلـه
والحب قبلي متعب كبـار وصغـار = ويامـا شكـا رجـلٍ ودمعـه يهلـه
وانا من اللي بسكته ذقـت الامـرار = وجربت مـر الحـب دقـه وجلـه
ولا من خساره الخسـاره بالاعمـار = وما دام سلم راسي الباقـي فـداً لـه

فزاع

ناصر المحمدي

قضيت الوقت بغيابك مابين الضيق والأحزان = وسيّرت الألم مركب مجاديفه من آهاتي
وفلّيت ببحر همّي شراع العاشق الولهان = وتهت بغبة أمواجه وضاعت فيه وجهاتي
وصرت أذكر قبل ماألقى مماتي يالغضي غرقان = حكاية حب واقعها تصفق له خيالاتي
ذكرتك يوم تضحك لي وأحسك داخل الشريان = ذكرتك يوم تبكي لي وأحسك ساكنٍ ذاتي
ذكرتك يوم تشرحلي حكاية قلبك الزعلان = ذكرتك يوم تصرخ لي أحبك ياأجمل أوقاتي
ذكرتك تبتسم لأجلي ويخجل طرفك النعسان = ذكرتك تطرب لشعري وتحفظ أجمل أبياتي
عليّه حلفٍ بربي ومنّي أغلظ الأيمان = بأني خايفٍ لأحلم بغيرك في مناماتي
إذا بحلم أنا بغيرك ترى أحسن لي أظل سهران = وإذا لغيرك بظل أسهر عساها تزيد حسراتي
وإذا بحيا بدون ألقى لحبك داخلي عنوان = عساني أنتهي وأصبح أنا من ضمن الأمواتي
وإذا حبك أحد كثري أبد لاتعتبرني إنسان = أبك والله ماتلقى كثر شوقي ولهفاتي
كتبني الشعر وأنطقني وجيتك ذاويٍ تعبان = أبيك تحن لأحوالي وتجمع باقي أشتاتي
أبي ياجرحي الأجمل أبي ياوردي الذبلان = تعودٍ لخافقٍ حبك وروحٍ لأجلك تحاتي
أصبر نفسي بنفسي وألاقي بالصبر سلوان = وأقول إنك تجي بكره وعيّا بكره لاياتي

مخاوي الجرح

محمد السبيعي

ياعلي لاتنشد عن القلب وش فيه = القلب به ياصاحبـي كـل علـه
رحت الطبيب وقال صعبن نداويه = جرحك عطيب ولا لقينا دون لـه
وانا دوايه عارفن ويـن الاقيـه = دواي عند اللي رموشـه مظلـه
ابو جديلن فوق الارداف كاسيـه = الجادل اللي جـر قلبـي وتلـه
ادعج غنج ماشفت والله محاليـه = ولا اظن يوجد بالوطن صيفتن له
ابو عيونـن ناعسـات واشافيـه = حمرن وارق من الورق يشهد الله
والعنق عنق اللي بعيـد مرابيـه = عنق الغزال اللـي بعيـد محلـه
ان مرني بالسوق ما اقدر احاكيه = وان غاب عني دمع عيني تهلـه
يفز قلبي كل ما اوحيت طاريـه = وافز انـا ياعلـي مـن فزتلـه
يفز مثل اللي على كـف راعيـه = يكفـخ بجنحانـه سبوقـه اتلـه
ومـن لامنـي يالله يالله تبلـيـه = بقهر الرجال مع الخنـا والمذلـه
وعيونه اللي في طريقـه تقديـه = يفقد بصرها وفي مكانـه تشلـه
ويالله ترجع كـل غالـي لغاليـه = وتجبر ضمير اللي فقد شوف خله

حسن المحمدي

بسم الله الرحمن الرحيم


السلام عليكم ورحمة الله وبركاته


مواصل

فزاع

مخاوي الجرح

رهين العذاب

سديم الكون


كل الشكر والتقدير للجميع

وتستاهلوا



7


كل الود والورد

الرائعه سديم

اكرر اعجابي بما تقدمينه هنا

واكرر شكري الجزيل لوضعي ضمن هذه الكوكبه المبدعه من الشعراء

تحياتي

السبيعي محمد

وعليكم السلام ورحمة الله وبركاته ..



العفوا العفوا العفوا .. سندنا

السبيعي محمد

قصائدك بروعتها تفرض نفسها

شكرا لتواصلك