صلي لحالش .... و انا باصلي لحالي

يا بنت ليجيت اصلي ما لـش ومالـي= لا اجيب لي عيـد لا بعـده ولا قبلـه
صلي لحالـش وانـا باصلـي لحالـي = اخاف قلبي هدب عينـش يوجِّـب لـه
واضيِّـع اللـي نويتـه بـاول وتالـي = وتصير عيني الامـام وعينـش القبلـه
وش عاد تنفع صلاتـي وانتـي قبالـي = لا قلت بدل الله اكبـر حـي ذا القبلـه
واعيد فرضي عشر مرات لـو جالـي = وفي كل مره هدب عينش يعرقـب لـه
اللي لقتـل الشجـاع يسيـر مختالـي = وان قيل له كم بتاخذ ؟ قال وش هبله !!
ما انلام لو قيل جـن وصابـه هبالـي = وانتي جميـع الخلايـق فيـش منهبلـه
تدرين وانتي بعيـده / كنـش ظلالـي = طيفش يدورج وعيني بس ترقـب لـه
ان قلت بنساش واعقد دونـش حبالـي = أقبل وقطـع حبالـي ثـم عقـد حبلـه
كنه حلف ويـن مـا الـد يتهيـا لـي = ولا حلف قال طرفك والله لانشـب لـه
اجلس مع النـاس لكـن دالـه ٍ سالـي = ولي عين كنها علـى السلهـام منجبلـه
وجيه تملا المكـان وناظـري خالـي = وان سولفوا تحلف ان اذني بـلا طبلـه
الا لما جابـوا اسمـش لحـت بعقالـي = وفزيت فـز بـدوي ْ لسارقيـن إبلـه
وليشفت نظراتهم تبحث خفـى احوالـي = وكنها مـن الشـك والتنغيـز معتبلـه
سويت كنـي ازبـط وضـع دسمالـي = وان قالوا اشفيك قمت الـف واستبلـه
ادراش عـن ناقليـن القيـل والقالـي = ما ابغاه يدري بش اللي ما يحطب لـه
وابعد عن الناس خوف عيـون عذالـي = العـاذل اللـي سببـه الكبـد مندبـلـه
في خايع ٍ فيـه كـن ذكـراش همالـي = وما غير طيفش معي من ربلـه لربلـه
كنـه ايتمايـل مـع دنـدان مـوالـي = ويرد ما قلت وانـا ارد واطـرب لـه
وقلبي من الشوق لا ميـل معـه مالـي = وليتثنـى يفـز القلـب يلـعـب لــه
من بن شوقـي مبهـر لاجلـه دلالـي = والشعر مثل القدوع اللـي يقـرّب لـه
اجمع غرامش مـن عروقـي بفنجالـي = واسقيه فنجال دون الخلق يسكـب لـه
يلعب على رمش عينـي ويتثنـى لـي = وليتعب يفترش جفنـي واطبطـب لـه
وليسرى شب ضو الشـوق فـي بالـي = يدفى على جمر حر ٍ مـا هـو بعبلـه
من كبر حبش غدى كنه اصغر عيالـي = ما اغير اداريه واراعيه واحسـب لـه
كتبت لش في غيابش مـا بـرا حالـي = يا كيف لو شفت زولش ويش بكتب لـه
كيف الشعر لا انتثـر يشبـه لشلالـي = روح بقلب ٍ شجاع ٍ كـم تزهـب لـه
ولا الجمر كيف يحمي المبسـم الحالـي = اللي هماجه رحيق النحـل ينسـب لـه
ويا كيف برق الثنايـا يشعـل اشعالـي = هو بس يقدح وشعـري ينهمـر وبلـه
وكيف الزهر من عبيره ينتشي الخـال ِ = اللي يحرس الزهر لا احد ٍ ( يهوب له )
ويا كيف عود ٍ مـع النسنـاس ميالـي = من قال بان لش شبيه يقول يا خُبلـه !!
يا كوثر الحب يـا ياقـوت يـا غالـي = يا كيف انا في يمينش ما احسد الدبلـه
ويا كيف اوفي الصلاه وترفع اعمالـ ي = وانتي قبالي وجفنـش مرخـي ٍ نبلـه
صلي لحالـش وانـا باصلـي لحالـي = يا بنت شوفتش لعبـت فينـي السبلـه

سالم بن جلعان

.



.

...............

...


الله الله الله


اختيار موفق
لكلمات رائعة ومعبرة



شكراً لذوقش الرفيع

كلش ذوق




...

كتبت لش في غيابش مـا بـرا حالـي
يا كيف لو شفت زولش ويش بكتب له



سديم


تسلم يمناتس ياغاليه

بس انا عندي سؤال

هي القصيده فيها روح فكاهه

و الا وش السالفه؟؟


تحيااااتي

إختيار رائع كالعاده

سلمت الايادي ياسديم

تحياااتي

محمد السبيعي

الاروع حضورك .. وافي ..

يسلمك ربي

وشكرا للمتابعه

الله الله الله الله
*
*
الأخت ( سديم )
يعطيك ربي الصحه والعافية
ويسلم لنا ذوقك الراقي وتميزك الذي يمتعنا بإعذب أنواع الإبداع
قصيدة رااائعه جداً وأتجاه جديد في روعة الإختيار
وأذا ما كنت غلطان فهذه القصيدة من الشعر الشعبي اليمني
صح وإلا لا يا سديم
صح لسان الشاعر / سالم بن جلعان
وسلمت يمناش ولا عدماش يامتألقة الوئام
وتقبلي كل الود والإحترام

اجلس مع الناس لكـن دالـه ٍ سالـي

ولي عين كنها على السلهـام منجبلـه

وجيه تملا المكـان وناظـري خالـي

وان سولفوا تحلف ان اذني بلا طبلـه

الا لما جابوا اسمـش لحـت بعقالـي

وفزيـت فـز بـدوي ْ لسارقيـن إبلـه

الله الله الله
صح لسان شاعرها
وسلمت على هالمنقول الرائع ياسديم

كل بيت اروع من الثاني

دام لنا تميزك

ودائما مبدعه باختياراتك

والف شكر

تقبلي تحياتي

هلااا وغلااا .. ليدي عمشا ..

مدري يا الليدي .. انا ما اشوف فيها فكاهه اشوف فيها تليّع من نوع خاص

يسلمك ربي يا الغاليه

وشكرا لحضورك

.




.

يسلمك ربي .. محمد السبيعي ..

شكراا للمتابعه

.




.

الله يسلمك ويعافيك .. عازف الناي ..

صراحه مالي خبره في الشعر الشعبي اليمني

واذا ماني مضيعه الشاعر .. سالم جلعان .. يامي

اسعدني حضورك

وشكرااا للمتابعه

.



.