يانفس هدي لاتزيدين الاوجاع !!

08 / 09 / 2013, 42 : 09 AM

يا.. نفس هدي لاتزيديـن الأوجـاع
كافي من الدنيا نشـوف العجايـب..

ماني على من صد ضايق ومرتـاع
لاهو مـن الغاليـن والا القرايـب..

لاصـار مابينـي ولا بينـه نـزاع
ولاجيتـه بزلـه ولاعلـم خايـب..

حق الرفيق انـي نهيتـه ولا طـاع
والراي مابه فرض والا غصايـب..

يومه غدا بينت لـه كـل الأوضـاع
ماقلت اخلي سايب الوضع سايـب..

ناديت لـه لكـن تجاهلنـي وضـاع
صد وعلى عمياه سـاق الركايـب..

اقفا علـى رايـه ولافيـه مرجـاع
مثل السحاب اللـي قفتـه الهبايـب..

للعلم بين النـاس مدخـل ومطـلاع
واللي يجود حامض العلـم صايـب..

ومن ينطح المويه ولاعنـده شـراع
ان عاش يرجع من هك الموج هايب..

والعاقل اللي لا خطا يرجـع بسـاع
يسترجع ولاياخـذ الـراي عايـب..

واللي يصير لرغبة النفـس مطـواع
لابـد مايلقـى العنـا والمصايـب..

والناس مختلفه لها اشكـال واطبـاع
بعض المعارف عرفهم لك نشايـب..

بالناس من يلبس علـى وجـه قنـاع
حسود لكـن فـي ثيـاب الحبايـب..

هذاك مانـي فـي مخـاواه طمـاع
من قبل اجيه وخاطري منه طايـب..

ولا الرجال اللي لهـم بالوفـا بـاع
وقفاتهم تبري الجـروح العطايـب...

واللي لفـاك بحـزة الضيـق فـزاع
مادار وجهه عن سمـوم ولهايـب..

ماصد يوم انك مـن الوقـت ملتـاع
ماغاب يوم ان اكثر الناس غايـب..

هذاك تشـري خوتـه كيـف تنبـاع
هذاك من شانه تهـون الصعايـب..

قلتهـوانا مالي ورى هرجي اطمـاع
على افراقـه لاتصيـر السبايـب..

اسمع مادام الصوت ياصل للاسمـاع
ان تبت والا ياعسى منـت تايـب..

مادامها صـارت حـزازات واتبـاع
مالي ومـال مدوريـن الطلايـب..

واعرف تراها لو شكت ثقلك القـاع
مصيرها تركـز عليـك النصايـب ..

ممـــــا راق لي..

08 / 09 / 2013, 41 : 10 AM

ابيات رائعة

صح لسان الشاعر

ويسلم ذوقك غربة مشاعر

08 / 09 / 2013, 08 : 01 PM

...............

...

جميلة ومعبرة

احسنتي الاختيار

كلك ذوق

...

08 / 09 / 2013, 28 : 02 PM

جدا جميلة تلك الابيات
والعاقل اللي لا خطا يرجـع بسـاع
يسترجع ولاياخـذ الـراي عايـب..

واللي يصير لرغبة النفـس مطـواع
لابـد مايلقـى العنـا والمصايـب..
:
صح لسان شاعرها وسلمت يمينك ياغرووبه ع النقل
احسنتي الاختيااار يا مبدعه
دمت بكل خير وسعادة

08 / 09 / 2013, 36 : 07 PM

أقفا على رائــه ولا فيه مـرجــاع ...... مـثـل السحــاب اللي قـفـته الهـبـايــب

وللعــلم بيـن النـاس مـدخـل ومـطــلاع ....... واللي يـجــود حــامــض الـعـلـم صــايــب

قصيده جزله في كلماتها وجميله في مضمونها ومعانيها صــح لسـان قايلها وشــاعــرهـا
وسلمــت يمين ناقلها وناشــرها غــربـة مشــاعـــر شكراً لك على حسـن الأختـيـار وشكراً لـذوقـك الـــرائـــع
ولـك أجمل وأطيــب تـحـيــاتــي وأمـنــيــاتـــي ودمتــي بـصـحـه وســلامــه

09 / 09 / 2013, 14 : 01 PM

..
قصيده جزله وفيها حكم

ذووق رفييع لاعدمنااااااه

يسلم فكرك ويسلم ذوقك وصح كلك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
يانفس تكلمي !! مالي أرى فيك تغُّـــير الحال ؟!	samantha	‏ بوحْ الشعِر والنثر ..	15	22 / 04 / 2008 14 : 01 AM
كثر الاوجاع	ديمة الشوق	‏ بوحْ الشعِر والنثر ..	14	13 / 06 / 2003 08 : 02 PM
ابكي يانفس وانظري الى اين انت ذاهبه	لجينه	‏ \|\| اوْرآق مُلَوَنة ..	3	16 / 01 / 2003 41 : 01 AM

الذين يشاهدون محتوى الموضوع الآن : 1 ( الأعضاء 0 والزوار 1)