![]() |
يافتى الجميزة . . سؤال !؟!
ماكامل الا الله ولا غيره تفرد بالكمال ....................... وباسم الذي كمل عباده نستعين ونبتدي الشعر مايكمل بأكمل ما رأيت من الرجال ....................... من كثر مابالخاطر حروفه تلاشى وتغدي لا الشعر يجدي وصف شخص وعنه ماينصف مقال ......................... اما القلم جف بيدي والا تكسر في يدي انا اشهد انك يافتى الجميزة ارهقت السؤال ........................ سؤال ارهقني ومن قبلي ومن يجي بعدي والله ماقصدي حسد في ذمتي يابن الحلال ................... ترى سؤالي بس لأجل اني بشخصك باقتدي اباسألك كيف احتويت لهالمناقب والخصال ........................ وحنا عجزنا نحتويها وباثرها نعدي عدي ! كرمك . طيبك . نخوتك . والبسمة وحلو القبال ....................... خذتك للعليا وبالعليا ارتقت بك للجدي وصبرك على جور الزمن ومسايرك سود الليال ..................... واوقدت شمعه لأجل غيرك يستنير ويهتدي ورغم الظروف اللي لوسع الصدر ماخلت مجال ............... ماغيرت بك ضحكة حجاجك ولا الكف الندي اسألك وانا اللي اليا ضاقت سريع الانفعال ..................... واليا انفعلت آخذ ثلاث ليال هاجر مرقدي على الزمن مامن جلد على الصبر ماش احتمال ........................... وماغير اردد آآه واعزاه يالحظ الردي من وين اجيب الصبر ؟ هذا اهم فقرة بالسؤال :( ...................وترى سؤالي بس لأجل اني بشخصك باقتدي تخاريف سهران :( وقسم ماترد عليها يافتى تراها مجرد بوح لاترقى لمستوى الرد . بس لاترد وتبلشني وانا بلشان بنفسي :brood: |
رد: يافتى الجميزة . . سؤال !؟!
أخيييييييييييراً أمطرت سحااابتك يالله عسى بداية خير لي عوودة على رواقه ان شاء الله.. |
رد: يافتى الجميزة . . سؤال !؟!
اقتباس:
الله الله ياوافي صــــح لسانكــ ياوافي اختصرت بعض من خصال (الامــيـــــر) والسـؤال لابـد بيجيكـ جوابه :)) |
رد: يافتى الجميزة . . سؤال !؟!
اقتباس:
ههههههههههههههههههه هذهي المعلقه الثامنه ولو يشوفها أمـرؤ القيس لازم ينـزل معلقـتـه ويعلق قصيدتك يالوافي مكانها وإذا كان هذه تخاريف سهران فكيف بالذي تـنظمها وأنت على رواقه وراحة بــال على كل حال صــح الله لسانك يالوافي وأعتلى قـدرك وشــانك وسلمت يمينك وسلم بوحك وروحك وبيـض الله وجـهـك ملايـين في كل وقت وفي كل حين رفعتـنا الله يرفع موازينك والله يجملنا فيـك ويقدرنا على الرد عليها أستاذي الكريم مهما شكرتك لن ولم أوفيك حقك وأن الكلمات لتـتوارى عن كل الثنـاء الذي يليق بكم إيُها الوافي حفظـك الله ورعـاك ودمـت في خـير وصــحه وســــعـــــاده |
رد: يافتى الجميزة . . سؤال !؟!
اقتباس:
كل هالعجاج وتقولي مطر !! :dizzy: اهلاً بك وبعودتك ... |
رد: يافتى الجميزة . . سؤال !؟!
اقتباس:
القناااص !! حمدالله عالسلامه شرفت من بعد طول غياب اختصرت نعم . وامام قامة فتى الجميزة تتلاشى الأحرف وتظل عاجزة حتى عن الاختصار ! شرفت القناص ... |
رد: يافتى الجميزة . . سؤال !؟!
استآذي القدير: وأفي صح لسآآنك مدد بلا عدد وعتلى شآآنك وسلمت يمينك لاهنت ..
ابيآآت جزله نآلت على إعجآبي ..لاحرمنآآ حرووفك ونزف قلمك ..~ بـــ إنتظآر جديدك القآدم بــ كل شووق..~ اقتباس:
ويستآهل كل الابيآت الجميلة والجزله..~ الله يحفظكم ويسعدكم. تحيآآتي وتقديري ..~ |
رد: يافتى الجميزة . . سؤال !؟!
انا اشهد انك يافتى الجميزة ارهقت السؤال ........................ سؤال ارهقني ومن قبلي ومن يجي بعدي والله ماقصدي حسد في ذمتي يابن الحلال ................... ترى سؤالي بس لأجل اني بشخصك باقتدي اباسألك كيف احتويت لهالمناقب والخصال ........................ وحنا عجزنا نحتويها وباثرها نعدي عدي ! الله الله لقد خالف الصواب من قال تخاريف سهران بل انها وصف دقيق واسترسال في فنون الشعر وبحوره فاضت به مشاعر وشعور شاعر .. هذه كتلة من الأحاسيس تم وضعها في قالب شعري جميل . قرأنا بين السطور روعة المعاني وتسلسل الفكرة من حيث تتابع الرصد وتناغم الصدر مع العجز . صح لسانك ملاييييييييين وافي فقد أوفيت للشعر ما ينشده المتلقي . اما اخينا فتى الجميزة فهو جدير بأن تتغنى الحروف بشخصه الكريم وتتعالى أصوات الكلمات إجلالاً وتقديراً له . |
رد: يافتى الجميزة . . سؤال !؟!
واااااااافي تكلم !! ما أصدق .. حيّ الله الشعر وحيّ الله السمووو نص شعري متكامل راااااااااااااائع جمع بين شاعرية وصدق الكاتب و كمال خصال الممدوح واستحقاقه لكل ماورد هنيئاً لك وجود قدوة كـ فتى الجميزه و هنيئاً لـ فتى الجميزه هذه الأبيات وهنيئاً لنا بكما فمعرفتكم والله فخر أبيات لا تقرأ بل تُغنى راقت لي ولامست احساسي و أوجعتني اقتباس:
صح لساااااااااااااااااااااااااانك ولا تكفيك |
رد: يافتى الجميزة . . سؤال !؟!
لا بالله امطرت واذا أمطرت سحابتك أخضرت فيافينا أهلاً بالشعر إن كان صائـغه وافي : إن كانت هذه تخاريف فما هو الجمال بعينك من المطلع إلى الختام مميزة ،وكل بيت يستحق وقفة له شاعر متمكن تجيد اختيار المفردة السهله وسبكها في قالب جزل طُرز بالجمال والإبداع هي مشاعر شاعر بالتعبير عن شعوره أجاد وماأجمل الشعر إن كان مضمونه بوح عن المشاعر مايميز نظمك اسلوبك سهل ممتنع وسلسل يجبرك على ان تستمتع بما تقرأ،اختيار مميز للمفردة تكرار لكلمات لم يخل ولكن أضاف ،صور بيانية جميلة ومحسنات بديعيه مميزة .. استاذي لحضورك الشعري تتوق أعيننا ففي ماتكتب نجد لذتنا وتطرب قلوبنا صح لسانك مليون ولايسدوووون وأما أخي فتى الجميزة فيستحق ماكُتب عنه ولمثله تفخر الكلمات عندما تُطوع فتتكلم عنه يستاااااااااااهل وتستاهل وكفوكم الطيب : "بصراحة من زمان مارديت بشيء عدل على قصايد حاولت إني أرد بشيء يفيء ولكن للأسف فعذراً لقصور الحروف وتواري الكلمات " |
رد: يافتى الجميزة . . سؤال !؟!
الله اكبر
الله اكبر ولله الحمد والله أني داري انك شاح علينا بها الشعر الجزل لأنك ذاخره للي يستاهله وانا اشهد انه كفو ويستاهل العلم الغانم وودي أني شاعر على شان اجاريك يامبدع لكن قلتها لك مبطي تخاريف اخوك فرة جحش شبه كبير بيني وبين مالك معاذ و يا صاحبي وافي تراك احيان تسأل عن محال ...................................... في نشدتك للي لنا حنا نسميه الجدي اللي ليا تهنا يقدينا لو ان الوقت عال ....................................... اللي لو أطيب واحد منا يقارن به ردي النادر الكامل عريب الجد لله الكمال .................................... الصيرمي اللي اليا تهنا بنوره نهتدي تقصر حروفي عنه لو كانت يا وافينا طوال .................................. وشلون مثلي ياصفه وانا شويعر مبتدي ولي عوده اغفر لي تطفلي على الشعر رجعتنا للكيبورديات |
رد: يافتى الجميزة . . سؤال !؟!
اقتباس:
الشعر مايكمل بأكمل ما رأيت من الرجال ....................... من كثر مابالخاطر حروفه تلاشى وتغدي لا الشعر يجدي وصف شخص وعنه ماينصف مقال ......................... اما القلم جف بيدي والا تكسر في يدي انا اشهد انك يافتى الجميزة ارهقت السؤال ........................ سؤال ارهقني ومن قبلي ومن يجي بعدي اقسم بالله اني صادق والكلمات والحروف تظل عاجزة عن التعبير امام شخص بحجمك وقامة بحجم قامتك ومكانة بحجم مكانتك ولكن امممم عذراً لكلماتي القاصرة اما عااااد امريء القيس هههههه تكفى لايدري ثم يموت مرة ثانيه :( شاكر ومقدر لك تشريفك وتقبلك لكلماتي المتواضعه وفكني منك ترى حلفت ماترد واذا ملزززم خلني لين اصير كبرك :( شرفت فتانا الغالي ... |
رد: يافتى الجميزة . . سؤال !؟!
على الرغم من الترغيب بالنوم المبكر، والتشجيع على عدم السهر، إلا أنني أقول "بالفم المليان" أسهر يا مديرنا وكثر سهر . . ما دام أننا نبي نشوف مثل هالابداعات. حقيقة، وبدون مجاملة أبيات رائعة تضمنت سمو المضمون، صدق المشاعر، جمال المفردات، تسلسل الأفكار، دقة الوصف، . . . باختصار، استمتعت بقراءتها لأكثر من مرة، وفي كل مرة تزداد جمالاً. أخي الحبيب فتى الجميزه: أنت تحصد ما زرعت، فما تفضل به أستاذي وافي من ثناء عليك، ما هو إلا نتاج لعطاءك ومرؤتك ونبلك معه ومع غيره، فنحن وإن لم نتقابل إلا أننا نلمس سمو أخلاقك وكرم صفاتك، فنعم الرجل أنت. أستاذي وافي: عندما أريد أن أكتب عنك أقع في حيرة لسبب بسيط هو أن ما تقوم به تجاهنا جميعاً من كرم الأخلاق، وحسن التعامل، وسعة الصدر، وغير ذلك معروف وواضح للعيان، ولكني أعجز "وبقوة"عن التعبير عن ذلك لعدم وجود المفردات التي قد تفيك يا "وافي" حقك، ولكني أكرر ما سبق وأن قلته: جزاك الله عنا خير الجزاء، فذلك من أكمل الدعاء. ختاماً، لتسمح لي أختي رحيل بأن استعير عبارتها وهي: " وهنيئاً لنا بكما فمعرفتكما والله فخر". دمتما بخير، وجمعكما في الفردوس الأعلى من الجنة. |
رد: يافتى الجميزة . . سؤال !؟!
اقتباس:
هلا والله بــ غربة مشاعر :( ياحيالله غروووبة حمدالله عــ السلامه خيتوووو اممممم كل يوم راح اخرف دام التخاريف بترجع لنا الغالين :( الف شكر للتشريف وللاطراااء الرقيق والعذب والنعم بالفتى وفيك وجميعكم اخوة نتشرف باخوتكم ومهما حاولنا التعبير شعراً للتعبير عن المشاعر فلن يبلغ الشعر وصف الشعور شرفتي غربة مشاعر ... |
رد: يافتى الجميزة . . سؤال !؟!
اقتباس:
هههههههههه الا قسم يابو خالد انها تخاريف سهرااان :( ولو تدقق بتشوف النعاااس يداعب الحروووف . انت بحلق زين هههههه الغالي ابو خالد اشكرك للتشريف وللاطراء الرقيق والعذب ولمجاملتك اللطيفه ودعمك الذي تعودناه منك ولا غرابة في ذلك فأنت المعلم ولابد من تشجيع تلاميذك وهذا ماعهدناه منك :( شرفت ابو خالد ... |
رد: يافتى الجميزة . . سؤال !؟!
..................
... ياهلا وغلا رحيل اشكر لك تشريفك واطرائك الرقيق والعذب وماعليك زود يالأميرة وفتى الجميزة والله مهما كتبت ومهما قلت مااراح اوفيه جزء بسيط مما يستحق ! وجميعكم والله لكم مكانه لايعلمها الا الله ولاتفي الكلمات بحقها شرفتي رحوووله ... |
رد: يافتى الجميزة . . سؤال !؟!
الاخ الكريم وافي الوافي صح الله لسانك وبيض الله وجهك على القصيدة واسمح لي بالرد عليها وعذراً على التأخير الكامل الله والكمال لرب العزه والجلال ................................العالم اللي علم الأنسان علم الأبجدي الشعر جزاله وفن وذوق وأحكام ومثال ..............................واللي مايعلم ينشد الوافي وهو المرشدي حي الله اللي عرفته مكسب لنا مع رأس مال ........................... شكره علينا حق ومن شانه ببذل كل جهدي الوافي الشامخ شموخ الشامخات من الجبال ..........................رجل المواقف واللزوم بطيبه كلن يشهدي يانعم يانعمين بالوافي ليا جا له مجال ..........................لي الشرف دوم افتخر به وأشهد انه مسندي أنا اشهد انك منتخب مابين عـم وبين خال .........................يوم الحرايب يلطمون ويكسرون المعتدي وشلون تـنشد وأنت عارف بالجواب وبالسؤال .......................وكل الصفات اللي تقول انتم منبعها يابعدي ماقلت عنكم غير قول الصدق ياذيب العيال .......................وماقصدي أسوي دعايه عنك ولاهو مقصدي يارافع السماء ويامرس الجبال اللي ثقال .......................يالله عسى حظ الوافي طول العمر مايرتدي دنياك يالأنسان من خلقت نزولُ وأرتحال ......................ولايفوز فيها الاَ عظيم الحظ المسعدي لابد مانصبر على زماننا لو كان مال ......................وعن دبرة المولى وماقسم لنا وين نغدي وأنا تعلمت الجلادة والصبر في كل حال ......................وليا وعدت أثبت على الموعد وأنا عند وعدي |
رد: يافتى الجميزة . . سؤال !؟!
اقتباس:
!!!! هنا يخرس القلم وتتلاشى الكلمات وتنهار السطور امام اطرائك العذب والرقيق ! وقسم بالله حسستيني اني شاعر !! هيا عاد !! ترى اصدق واجيب العيد واحملك المسؤوليه :dizzy: الف شكر للتشريف وللاطراء الرقيق العذب . وشهادتك فخر لي ووسام اعتز به شرفتي خيتووو ... |
رد: يافتى الجميزة . . سؤال !؟!
اقتباس:
الله اكبر ليتك كملتها ياحسن ! لكن ماالومك " تقصر حروفي عنه لو كانت يا وافينا طوال " والله فتى وانت كلكم الله لايحدنا على وصفكم لا بالشعر ولا بغيره :laugh2: اشكر لك تشريفك واطرائك ومداخلتك الجميلة ومااااااعليك زود ياابو مشاري شرفت حبيب البي ... |
رد: يافتى الجميزة . . سؤال !؟!
..
اشهد ان فتى الجميزه يستاهل.. وبيض الله وجهك ياوافي ابدعت والقصيد بشخص مثل فتى يزين ويرتقي. صح لساانك يامبدع وصح لسان فتى على الرد الوافي للوافي.. دمتم مبدعين |
رد: يافتى الجميزة . . سؤال !؟!
اقتباس:
وقفت عاجزاً امام مداخلتك لما تضمنته من مشاعر اخويه فضلاً عن الاطراء الرقيق والذي والله انني اخجل منه كعادتي اذا ماامتدحني احد ثم صارت خديداتي حمراااء فاقعَ لونها :( انما مااستطيع قوله . . اننا ولله الحمد اخترنا لهذا البيت اسم " الوئام " فكان اسم على مسمى . . وبفضل الله وبلا ارادة منا فقط بالاحترام والأخوة الصادقة التي فرضها كل منا على نفسه ليجد المعامله بالمثل . ونجد كل من دخل " الوئام " يتصف بصفة الحب والوئام والاخاء ! وكل من انتسب للوئام والله انني لم اجد منهم الا الأخوة الصادقة البعيدة عن اي مصالح او مطامع ! واعتقد انهم جميعاً وجدوا مثل ماوجدت ! ومن فضل الله علينا انه حتى وان دخل هذا البيت من لايحمل صفة " الوئام " فانه لايمكث طويلاً بيننا ! وحتى ان دخله من يحاول الاساءة لأي منا فان امره ينكشف للجميع ويجد نفسه منبوذاً بينهم ! فسبحان من سخر هذه القلوب لبعضها وألف بينها . :( ولهذه الأخوة ولهذه القلوب النقيه نظطر للبوح احياناً عن مايختلج في صدورنا وعن ماتكنه ارواحنا عاد هالمرة جات بفتى الجميزة ولو ان الشعر يجود في كل مرة فلن يبقي ولن يذر احد :( اشكرك للتشريف ولمداخلتك اللطيفة ولمشاعرك الأخوية وربنا يديم الوئام والحب والاخاء بيننا شرفت ابو عابد ... |
رد: يافتى الجميزة . . سؤال !؟!
اقتباس:
الله يهديك يافتى !! انا حلفت ماترد حتى لااجد نفسي بمثل هذا الموقف !! فــ هنا امام هذه الرائعه تخونني الكلمات وتتلاشى الحروف ولا املك الا الصمت :brood: ابدعت ثم ابدعت ثم ابدعت وكفيت ووفيت وبيض الله وجهك ولا فيك حيله واوعدك بعد هالقذيفه ماعاد اتعرض لك . ابد ابد ابد :( امممم لكن والله ان حبك وخصالك ومناقبك ممكن تخليني مااوفي بوعدي وارجع اخرررف :laugh2: اقتباس:
وانا اشهد وانا اشهد قول وفعل والله يشهد وخلقه تشهد انك تقول وتفعل يالذيب فديتك ... |
رد: يافتى الجميزة . . سؤال !؟!
اقتباس:
أستاذي الكريم وافي الوافي الله يسعدك ويسعد جميع أوقاتك بكل خير وبكل سعاده سيدي أن الحروف والكلمات والأقلام لتعجز عن وصفك وعن أحصى مزاياك الكريمه وماردي على قصيدتك والتي كلها درر وجواهر ولا تقدر بالأثمان أعتبره شبه عذر ولا ترقى إلى المستوى المطلوب لقصيدتك التي نظمتها في عقد من الؤلؤ والمرجان وماذكرته عن سعادتك من صفات ومزايا حميده وكريمه لاتساوي قطره من بـحـــر ولكن الجود من الماجود سيدي تسلم وبيض الله وجهك ملايين الملايين وصـح الله لسانك وأعتـلى قــدرك وشــأنـك ومنك نتعلم الوفاء والأبداع وعلوم الرجال وأنت الذي يشـهــد لك الرجال بالوفاء والكرم والفعل وصدق القول أستاذي الكريم جعل والله يفداك كل لاش وكل ردي وكل عدو وكل من لايقدر الرجال وينزلهم منازلهم ويوفيهم حقوقهم مثلك وشرواك يا الأمـيــــر وأعـذرني أعجزتني الكلمات والله بحثت عن كلمات تليق بمقامك وبشخصك الكريم ولكن لم أجــد فمعذرةً ســيــدي والله يحفظك ويرعاك ودمت في خير وصـحـه وســعــــاده دائـــمــه |
رد: يافتى الجميزة . . سؤال !؟!
:
وافي وفتى صحت ألسنتكم ملاااين شعراء وحروفكم ابدااااع وفتى يستاااهل الطيب كلكم مبدعين |
رد: يافتى الجميزة . . سؤال !؟!
اقتباس:
الكامل الله والكمال لرب العزه والجلال ................................العالم اللي علم الأنسان علم الأبجدي الشعر جزاله وفن وذوق وأحكام ومثال ..............................واللي مايعلم ينشد الوافي وهو المرشدي صح لسانك يا فتى نعم كلنا ننشد الوافي فهو استاذنا تسلم يمينك ولا هان منطوقك يالشيخ .. |
رد: يافتى الجميزة . . سؤال !؟!
اقتباس:
أختي العزيزه والغاليه غلا أشكرك جزيل الشكر على كريم مرورك وطيب شعورك وثنائـك الجميل والراقي وصــح الله بدنك وروحك وعقلك والله يسلمك يالمبدعه وهذا من طيب ذووقك هـذا ولشخصك الكريم أطيب وأحلى وأرق تحياتي |
رد: يافتى الجميزة . . سؤال !؟!
اقتباس:
حياااااااك الله ياشيخنا أبـو خـــالــد وأهلاً وسهلاً بـك وبزيارتك الكريمه والتي شرفتنـا بها وبـيـض الله وجـهـك وصــح الله لسانك وبدنك وروحك ياشيخنا الغـــالي وسلمت من كل شر وغنمت من كل خير نعم صـدقــت يا أبو خالد كلنا نـنـشــد الــوافي فهو أستــاذنـا ومعلمـنا ومنه نستفيد ونستزيد في مجال الشعروفي كل علوم الرجال أستاذي وشيخي الكريم الشكر والتقدير وجميل العرفان لك ولطيب منطوقـك وثـنـائــك الجميل وأسلوبك الراقـي ومعدنـك الأصـيـل والله يحفظك ويرعاك ودمت في كل خير وصـحـه وســـعــــاده ســــيـــــدي |
رد: يافتى الجميزة . . سؤال !؟!
اقتباس:
شرفت خلف ... |
رد: يافتى الجميزة . . سؤال !؟!
اقتباس:
وانا اشهد انه يستاهل ماهو اكبر من ذلك شكراً للتشريف وللاطراء الرقيق خيتووو شرفتي غلا ... |
الساعة الآن 09 : 02 PM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas