|
اي واحد متزوج
السلام عليكم ورحمة الله وبركاته
طبعا العنوان قوي ولكن انا قصدت الاثاره فقط....صراحه خبر غريب!!!!!!! وفيه تتجلى كل معاني الاستغلال...................... اليكم الخبر قدمت زوجة تعمل معلمة باحدى المدارس مبلغا وقدره مائة ألف ريال لزوجها مقابل تخلي هذا الزوج عن فكرة الزواج عليها حيث لاحظت الزوجة رغبة زوجها الملحة في الزواج من احدى زميلاتها رغم عدم تقصيرها في جانب هذا الزوج من جميع النواحي، الا انها كانت فقط تحتفظ براتبها أو معظم راتبها في البنك وعندما أدركت ان زوجها في ضائقة مالية وبحاجة لزوجة معلمة يستعين براتبها، قامت بصرف جميع ما في رصيدها بالبنك وقدره مائة الف ريال وقدمته لزوجها مقابل تعهد خطي من الزوج بعدم الزواج عليها، والا فانه ملزم باعادة جميع المبلغ لها. وهكذا تم الاتفاق ونجح الزوج في سحب الرصيد المحفوظ. هذا انتم يا الرجاجيل ما لكم امان ولا وحده من النسوان عايشه زين مع زوجها مع انها تخدمه بعيونها بس يقول المثل ما ادري هو مثل والا لا ما يملي عين الرجال الا التراب لا والله التراب بعد ما يملا عينه يا حرام دايم المره مجروحه -------------------- اللهم انصر المسلمين في كل مكان |
يسلمووووو على الموضوووع
بس راح اعلم ملجلج http://www.mahroom.net/showthread.ph...t=%E3%C7%C6%C9 تحياتي :):):):) |
لو كنت منه ...
اخذت المبلغ ... وتزوجت عليها الثانيه والثالثه بعد ... ياحليلكم يالحريم .... مره انانيين ما تحبون إلا انفسكم عندي كلام كثير ...لكن اخاف يفسر تفسير ثاني تحياتي الحسام |
اوش تعلمه عليه يا ساعي لا تفظحنا ما قلت شي انا
لحسام حرام عليك ليه فسرته بالانانيه ليه ما تكون تحبه ولا تبي احد ياخذوه منها شايف انكم انتم يا الرجاجيل ما توفون مع حريمكم اقول وشلون وليدك يا حبي له ايه صح ترى بعلم عليك زوجتك ميخالف تشوف اذا ما خليتها تطق عليك واحد |
عاشقه ادخلي على الرابط اللي انا حطيته في ردي الاول
وتعرفي ليش بقول لملجلج لانه مشرف المواضيع المكرره تحياتي |
اوله ورطه
كنت بعد بسألك غريبه راد علي لقيتك تفشلني ايه ميخالف عجزت احذفه |
عاشقة المستحيل
والله اني كني زعلت عاد ماهقيت انها تاصل لهذا المثل الله يهديك بس يقول المثل ما ادري هو مثل والا لا ما يملي عين الرجال الا التراب لا والله التراب بعد ما يملا عينه والله كبيره بالحيل يالرجاجيل ــ لقد هزلت والله لو تقول لي هذا المثل ــ والشرع يسمح الى العشرين زوجه ــ اني اتزوج عليها العشرين كلهن عناد وخليها تنطق بعد لكن تحمد ربها ان حدودنا اربع بس اعتبرن هذا مثل ــ وان حبيتن إنذار الرجال الى جاء عند موضوع الزواج ما يرده المال تحياتي للمدرّسه وغير المدرّسه (أهم شي احترام الزوج) كني هديت شوي تحياتي لك عاشقة المستحيل |
طويررررررررررررررررررررق
ما شاء الله عليك تقول والله لو تقول لي هذا المثل ــ والشرع يسمح الى العشرين زوجه ــ اني اتزوج عليها العشرين كلهن عناد وخليها تنطق بعد ومحتج علي المثل انتم يا الرجال كم لكم قلب مليووووووووووووووووووووووون تراني حمقت عصبت الحين تجيك المره تخدم زوجها بعيونها وعنده بنات وعيال والله رازقه تشيل اهله بعيونها وتشيله علي كفوف الراحه واذا جاء يروح للشغل قالت له تروح ترجع باسلامه واذا جاء من مشوار نصف ساعه قلت اشتقتلك ويروح يطق عليه وحده هاه والله ما يملا عينكم الا التراب واذا كانت زوجته قشراء وما عنده الا ولد والا تفشله عند ربعه وقالوله طلقها قال اخاف الولد يتشرد والله الي قلبها طيب يلعب عليها والي قلبها حسود حظها يكسر الحجر |
عويييييييييييييييييييييييييييشيقه المستحيل
تعصبين والا ما تعصبين تراي ما اهتميت اما موضوع تخدم زوجها بعيونها هذا من الواجبات اللي عليها ــ وراح اعاملها مثل ما تعاملني وافضل اما الحتسي الزين تبشر بأزين منه اما يروح يطق عليها وحده ـ فهذي وقفي عندها ــ وهاتي اذنك اجرها ووشوش لك فيها علشان الباقين ما يسمعون وانتي بعدين بكيفك علميهم : هاتي اذنك قربي بعد ترى المفروض ان الرجال ياخذ أربع زوجات اذا كان يستطيع واذا كان ما يستطيع ياخذ ثلاث واذا كان مايستطيع ياخذ ثنتين واذا ـ واذا مايستطيع ياخذ وحيده . تسنه جازلتس الحتسي ـ خلاص ابعدي اذنتس ياكثرهم ابو وحيده مثلي وامثالي بس انا معزم اني أكسر هالقاعده هاه هلا أم ..... ترى هذا الموضوع اللي كاتبه واحد ثاني مو انا ... اح ..اف.. آي.. آه آه .. يازين الوحده بس ــ دق وحده ولا دق ثنتين حسبي الله عليك عوييييييييييييييييشيقه فضحتي بنا ملاحظه: ترى هالكلام اللي فوق كلام واحد قاعد جنبي قال اكتبه وكتبته . ياعاشقه المستحيل ـ بس انا معزم على ما قال الرجال وما فيه شي مستحيل وعلى قولك والله الي قلبها طيب يلعب عليها والي قلبها حسود حظها يكسر الحجر اناعندي حل منصف ـ اللي قلبها طيب خليها هي تختار على ذوقها وتخطب لزوجها على نظرها اما اللي قلبها حسود هذي ازين شي ماتدري الا والثانيه داخلتن عليها في بيتها . والتراب خليه بعين العدو تحياتي .. |
طويرق
اها بس انا ابي افهم المره تجيب له عيال وبنات وكل شي يبيه وما شاء الله عايشين زين يقوم ويطق وحده طب ليش وش فيها الاولي كامله والكامل الله وانا اعرف ناس كذا ويقول المثل بعد ما ادري هو مثل ولا لا ما يملا عين الرجال الا التراب الحار بعد وبعدين الله رخص اربع حريم اذا كان في الاولي شي ويعدل |
عشوقه كلامك صحيح ... والرجال الحين ما يعرف يعدل أبد ...
|
مشكوره يا فجوره
يا بعد كل المعازيم |
أنا كفاية على حضرتي زوجة وحدة وبس ... وعساني أتحملها بعد ..
|
ياااااااااااااااااااااااااي
عساها تتحملك انت يا اسمير العفلق سمير وش معني العفلقه ادفع 13 دقيقه من عمري وارف وشي |
هههههه ... والله انتي رايقة على طووول ... الله يسعدك .. :)
العفلقة معناه .. الشقاوة .. وحب المزح والضحك والمقالب ... واضح يا آنسة ؟! :) بس أنا كمان عندي سؤال ... عاوز أعرف منك معنى هذه الكلمة القصيمية .. ( مــير ) .. لأن أحد زملائي القصمان ساكن بالرياض ... وأحيانا أروح عنده بالبيت ... وأضرب الجرس .. وتطلع لي أمه تقول لي : والله ياولدي .. فلان .. بوه .. مير إنه نيم ... حلوووووين والله القصمان ... :) |
اقول بلا عفلقه
كل من بغي يتطنز بالقصمان قال الجمله هذي انا به مير نيم يعني انا فيه بس نايم يا انووووم وبعدين فيه اغنيه لذكراى تقوا فيها مير |
ايه سمير وش معني
ذبها ذبيها باقمامه وش معني فيذا اجلس فيذا |
هههههههه ... :D :D :D
والله شكلك قصيمية متعصبة .... نصيحة لك ... لاتتحرشين بأهل الرياض ... ترا نصف المنتدى ساكن بالرياض .... أبرزهم سفاري .... ساكن في النظيم .... على فكرة ... ترا سفاري ... زعيم الحونشية في حارتهم ههههههه .. انتبهي منه ... :D :D :D |
اجل اقولك شي
تراى اصل الرياضيين قصمان |
عويشقه
انا ما قهرني الا هالمثل حقك هذا الله ياخذ بليسك ـ تراب وحار بعد والا انا من مؤيدين الوحده وعسى |
طويرق عصبت احسن
هذا الي انا ابيه ترا اخر جمله ما فهمتها |
عويشقه
وش فيك مافهمتيها ــ آكله فول هههههههه وبعدين القصمان قصمان ومعروف انهم حلوين ــ وانتي شكلك مو قصيميه 100% والرياضيين رياضيين واسألي سمير |
اختي عاشقه المستحيل حرام والله حرام
المثل هذا مايملى عين الرجاجيل ((( استحي اكمل المثل هذا يقال مايملى عين ابن ادم ,,,,, يبدوا انكي ضعيفه في حفظ الامثال هههههههه القصه هذي دليل عليكم وليس لكم ياذكيه زمانها ههههه لان الرجال جته فلوس والدين شارع له اربع (( في عين الحسود)) وتبينه مايتزوج تصرفه عين العقل وهذا دليل على سذاجة المراه (( الي في القصه)) عشان ماتفهمونها غلط يا معشر الحريم شكرا على هذه القصه وشهد شاهد من اهلها |
| الساعة الآن 03 : 12 PM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas
[ Crystal ® MmS & SmS - 3.7 By L I V R Z ]