رد: يافتى الجميزة . . سؤال !؟!
الله اكبر
الله اكبر ولله الحمد والله أني داري انك شاح علينا بها الشعر الجزل لأنك ذاخره للي يستاهله وانا اشهد انه كفو ويستاهل العلم الغانم وودي أني شاعر على شان اجاريك يامبدع لكن قلتها لك مبطي تخاريف اخوك فرة جحش شبه كبير بيني وبين مالك معاذ و يا صاحبي وافي تراك احيان تسأل عن محال ...................................... في نشدتك للي لنا حنا نسميه الجدي اللي ليا تهنا يقدينا لو ان الوقت عال ....................................... اللي لو أطيب واحد منا يقارن به ردي النادر الكامل عريب الجد لله الكمال .................................... الصيرمي اللي اليا تهنا بنوره نهتدي تقصر حروفي عنه لو كانت يا وافينا طوال .................................. وشلون مثلي ياصفه وانا شويعر مبتدي ولي عوده اغفر لي تطفلي على الشعر رجعتنا للكيبورديات |
رد: يافتى الجميزة . . سؤال !؟!
اقتباس:
الشعر مايكمل بأكمل ما رأيت من الرجال ....................... من كثر مابالخاطر حروفه تلاشى وتغدي لا الشعر يجدي وصف شخص وعنه ماينصف مقال ......................... اما القلم جف بيدي والا تكسر في يدي انا اشهد انك يافتى الجميزة ارهقت السؤال ........................ سؤال ارهقني ومن قبلي ومن يجي بعدي اقسم بالله اني صادق والكلمات والحروف تظل عاجزة عن التعبير امام شخص بحجمك وقامة بحجم قامتك ومكانة بحجم مكانتك ولكن امممم عذراً لكلماتي القاصرة اما عااااد امريء القيس هههههه تكفى لايدري ثم يموت مرة ثانيه :( شاكر ومقدر لك تشريفك وتقبلك لكلماتي المتواضعه وفكني منك ترى حلفت ماترد واذا ملزززم خلني لين اصير كبرك :( شرفت فتانا الغالي ... |
رد: يافتى الجميزة . . سؤال !؟!
على الرغم من الترغيب بالنوم المبكر، والتشجيع على عدم السهر، إلا أنني أقول "بالفم المليان" أسهر يا مديرنا وكثر سهر . . ما دام أننا نبي نشوف مثل هالابداعات. حقيقة، وبدون مجاملة أبيات رائعة تضمنت سمو المضمون، صدق المشاعر، جمال المفردات، تسلسل الأفكار، دقة الوصف، . . . باختصار، استمتعت بقراءتها لأكثر من مرة، وفي كل مرة تزداد جمالاً. أخي الحبيب فتى الجميزه: أنت تحصد ما زرعت، فما تفضل به أستاذي وافي من ثناء عليك، ما هو إلا نتاج لعطاءك ومرؤتك ونبلك معه ومع غيره، فنحن وإن لم نتقابل إلا أننا نلمس سمو أخلاقك وكرم صفاتك، فنعم الرجل أنت. أستاذي وافي: عندما أريد أن أكتب عنك أقع في حيرة لسبب بسيط هو أن ما تقوم به تجاهنا جميعاً من كرم الأخلاق، وحسن التعامل، وسعة الصدر، وغير ذلك معروف وواضح للعيان، ولكني أعجز "وبقوة"عن التعبير عن ذلك لعدم وجود المفردات التي قد تفيك يا "وافي" حقك، ولكني أكرر ما سبق وأن قلته: جزاك الله عنا خير الجزاء، فذلك من أكمل الدعاء. ختاماً، لتسمح لي أختي رحيل بأن استعير عبارتها وهي: " وهنيئاً لنا بكما فمعرفتكما والله فخر". دمتما بخير، وجمعكما في الفردوس الأعلى من الجنة. |
رد: يافتى الجميزة . . سؤال !؟!
اقتباس:
هلا والله بــ غربة مشاعر :( ياحيالله غروووبة حمدالله عــ السلامه خيتوووو اممممم كل يوم راح اخرف دام التخاريف بترجع لنا الغالين :( الف شكر للتشريف وللاطراااء الرقيق والعذب والنعم بالفتى وفيك وجميعكم اخوة نتشرف باخوتكم ومهما حاولنا التعبير شعراً للتعبير عن المشاعر فلن يبلغ الشعر وصف الشعور شرفتي غربة مشاعر ... |
رد: يافتى الجميزة . . سؤال !؟!
اقتباس:
هههههههههه الا قسم يابو خالد انها تخاريف سهرااان :( ولو تدقق بتشوف النعاااس يداعب الحروووف . انت بحلق زين هههههه الغالي ابو خالد اشكرك للتشريف وللاطراء الرقيق والعذب ولمجاملتك اللطيفه ودعمك الذي تعودناه منك ولا غرابة في ذلك فأنت المعلم ولابد من تشجيع تلاميذك وهذا ماعهدناه منك :( شرفت ابو خالد ... |
رد: يافتى الجميزة . . سؤال !؟!
..................
... ياهلا وغلا رحيل اشكر لك تشريفك واطرائك الرقيق والعذب وماعليك زود يالأميرة وفتى الجميزة والله مهما كتبت ومهما قلت مااراح اوفيه جزء بسيط مما يستحق ! وجميعكم والله لكم مكانه لايعلمها الا الله ولاتفي الكلمات بحقها شرفتي رحوووله ... |
رد: يافتى الجميزة . . سؤال !؟!
الاخ الكريم وافي الوافي صح الله لسانك وبيض الله وجهك على القصيدة واسمح لي بالرد عليها وعذراً على التأخير الكامل الله والكمال لرب العزه والجلال ................................العالم اللي علم الأنسان علم الأبجدي الشعر جزاله وفن وذوق وأحكام ومثال ..............................واللي مايعلم ينشد الوافي وهو المرشدي حي الله اللي عرفته مكسب لنا مع رأس مال ........................... شكره علينا حق ومن شانه ببذل كل جهدي الوافي الشامخ شموخ الشامخات من الجبال ..........................رجل المواقف واللزوم بطيبه كلن يشهدي يانعم يانعمين بالوافي ليا جا له مجال ..........................لي الشرف دوم افتخر به وأشهد انه مسندي أنا اشهد انك منتخب مابين عـم وبين خال .........................يوم الحرايب يلطمون ويكسرون المعتدي وشلون تـنشد وأنت عارف بالجواب وبالسؤال .......................وكل الصفات اللي تقول انتم منبعها يابعدي ماقلت عنكم غير قول الصدق ياذيب العيال .......................وماقصدي أسوي دعايه عنك ولاهو مقصدي يارافع السماء ويامرس الجبال اللي ثقال .......................يالله عسى حظ الوافي طول العمر مايرتدي دنياك يالأنسان من خلقت نزولُ وأرتحال ......................ولايفوز فيها الاَ عظيم الحظ المسعدي لابد مانصبر على زماننا لو كان مال ......................وعن دبرة المولى وماقسم لنا وين نغدي وأنا تعلمت الجلادة والصبر في كل حال ......................وليا وعدت أثبت على الموعد وأنا عند وعدي |
رد: يافتى الجميزة . . سؤال !؟!
اقتباس:
!!!! هنا يخرس القلم وتتلاشى الكلمات وتنهار السطور امام اطرائك العذب والرقيق ! وقسم بالله حسستيني اني شاعر !! هيا عاد !! ترى اصدق واجيب العيد واحملك المسؤوليه :dizzy: الف شكر للتشريف وللاطراء الرقيق العذب . وشهادتك فخر لي ووسام اعتز به شرفتي خيتووو ... |
رد: يافتى الجميزة . . سؤال !؟!
اقتباس:
الله اكبر ليتك كملتها ياحسن ! لكن ماالومك " تقصر حروفي عنه لو كانت يا وافينا طوال " والله فتى وانت كلكم الله لايحدنا على وصفكم لا بالشعر ولا بغيره :laugh2: اشكر لك تشريفك واطرائك ومداخلتك الجميلة ومااااااعليك زود ياابو مشاري شرفت حبيب البي ... |
رد: يافتى الجميزة . . سؤال !؟!
..
اشهد ان فتى الجميزه يستاهل.. وبيض الله وجهك ياوافي ابدعت والقصيد بشخص مثل فتى يزين ويرتقي. صح لساانك يامبدع وصح لسان فتى على الرد الوافي للوافي.. دمتم مبدعين |
الساعة الآن 45 : 01 PM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas