منتديات الوئام

منتديات الوئام (http://www.alweam.net/vb/index.php)
-    ||ترفيه وَمسآبقآت (http://www.alweam.net/vb/forumdisplay.php?f=27)
-   -   اغرب قصة حب (http://www.alweam.net/vb/showthread.php?t=82326)

التوليب 07 / 11 / 2010 36 : 05 PM

اغرب قصة حب
 
أغرب قصة حب بالرياض

يقول بطل القصة

رحت لمحل بيع الكتب المستعمله المكتبة ذي تبيع الكتب الرخيصه
رحت لها وشريت لي كتاب وكان عندي اختبار له في اليوم الثاني.. (هذي طريقتي في الاختبارات).. المهم فتحت الكتاب
فتحت الصفحة البيضاء اللي بعد الغلاف لقيتها مكتوبة بقلم حبر ناشف، واضح إنه مكروف لين قال آمين، المهم ..
الكتاب طلع لبنت قبل ما تبيعه والغريب إنها كاتبة الكلام هذا:

( أنا أدري إنك أول ما تقرا الورقة ذي بتنهبل، بس خلّني أقول لك شي.. أنا صراحة مثلك في الكلية ومقهورة..
ما كتبت هالكلام إلاّ من القهر.. وعندي إحساس إنك بتقدّر ظروفي كونك مثلي عايش نفس الأجواء الحين )!!
وقامت تسب في دكتورة اسمها .... !! وبعد ما شبعت من سبّها.. قالت: (وعموماً فرصة سعيدة جداً إني تعرفت عليك، وأشكرك على قراءة كلماتي بس والله ما كتبت إلاّ من الطفش -عموماً- أنا فضولية شوي.. ممكن بعد ما تخلّص من الكتاب.. تكتب لي على الوجه الثاني ردّك لي.. ورجعه وأنا بقرا ردّك.. وإن شاء الله إني أبي أجي أشتريه في تاريخ كذا كذا )
ناظرت في التاريخ.. لقيته بكره !!!!!؟

ياساتر وش أسوّي؟ طيب أنا ما ذاكرت.. وش ذا الحظ؟ المهم إني رحت وطي)..
وقررت إني أكتب لها الرد وبرجّعه.. بس قبل كل هذا رحت وصورت الفصول اللي داخله بالاختبار عشان اذاكر
ضبطت لها رد محترم وقلت لها: ترى أبي أشتريه عقب أسبووع .. ورحت أرجعه ..
وفعلا رجعته وشراه الزوووول مني بنص السعر
اليوم الثاني بالليل رحت للمحل لقيته الكتاب مباع سألت الـزووول : الكتاب اللي شريته منك أمس وينه؟ قال: امبارح اجت
.بنت وشالته !!

.وانا اللي تنفتح كشرتي لين وصلت اذاني
المهم أخذت أنا ويّاها ثلاثة أشهر وحنّا شارين الكتاب بايعين الكتاب.. والمستفيد الـمحل حق الكتاب المستعمل..
لا وبعد صار ما يحطّه في الدرج.. خلاص فهم علينا وصار يخليه عنده على الطاولة ويسلمه لي أو لها أول ما نجي ..
مررررررت الأيام وجيت مرة قلت للـزوول وين الكتاب؟ قال: ما أدري امبارح

جاء راجل أخذ الكتاب.. قلت: يا ابن الحلال قل غير هالكلام الكتاب قديم ومعفّن وأوراقه نصها كتابات.. قال: آآآآآي
.عليك الله أخدوه الزول الكتاب الأصفر ..

المهم طلعت وركبت السيارة.. ويوم وصلت الإشارة قلت : لحظة يا رجال، الـ..... الحين يقول الكتاب الأصفر.. يا خي هو
أحمر أصلا مهوب أصفر ..

المهم ديورت بسرعة ودخلت المحل بسررررعة.. تتوقعون وش شفت؟!!!



V
v
v
v
v
v
لقيت الزول ماسك كتابي الأحمر وقاعد يكتب الرسالة اللي أنتظرها
طلع الزول الله يرجه هو البنت خخخخخخخخخخخخخخخخ


http://www.dreams4ever.net/vb/images/smilies/24.gif http://www.dreams4ever.net/vb/images/smilies/24.gif http://www.dreams4ever.net/vb/images/smilies/24.gif http://www.dreams4ever.net/vb/images/smilies/24.gif

ابورائد الجابري 07 / 11 / 2010 34 : 07 PM

رد: اغرب قصة حب
 
هههههههههههه

لوعندي محل شغلته عندي براتب محترم

التوليب يعطيك العافيه على هيك قصه

مياسم 07 / 11 / 2010 32 : 10 PM

رد: اغرب قصة حب
 
هههههههههههههههههههههههههههههه

يعني بالاخير ظحك عليه خطيييير هالزول نفع نفسه
هههههه
الله يسعدك توليب ومشكوووووره

التوليب 08 / 11 / 2010 42 : 02 PM

رد: اغرب قصة حب
 
أبو رائد

مياسم

تسلمو عالمرور نورتو

عبدالمحسن الحربي 11 / 11 / 2010 42 : 04 AM

رد: اغرب قصة حب
 
ههههههههههههههههههههههههه حب تحطم على زول هههههههه الله يرجك التوليب

شكله حب من قلب بس انقلب

تحياتي

الراقيــة 12 / 11 / 2010 04 : 05 AM

رد: اغرب قصة حب
 
ههههههههههههههههههههههههههههههه

اجل الزول شايف شغله زين وعارف يستثمر من الدلوخ هههههه


اضحك الله سنك توليبا

عازف الإيقاع 13 / 11 / 2010 21 : 01 AM

رد: اغرب قصة حب
 
هههههههههههههههههه


رهيب الزول وذكي \\\\


يسعدك ربي توليب

تلميذة الحياة 13 / 11 / 2010 54 : 01 PM

رد: اغرب قصة حب
 
:stars:

طلع زووول مسكييين

:inquisiti

التوليب 19 / 11 / 2010 03 : 02 PM

رد: اغرب قصة حب
 
دوووووووم هالضحكة يارب
منوووريين كلكم بالمرور عالموضوع


الساعة الآن 42 : 03 PM بتوقيت السعودية

Powered by vBulletin® Copyright ©2000 - 2021, Jelsoft Enterprises Ltd.
new notificatio by
9adq_ala7sas

[ Crystal ® MmS & SmS - 3.7 By L I V R Z ]