الحزن كوووووووم
الحزن كوم وموت الأحلام في كوم=وقتل المشاعر كوم في حد ذاته الله اكبر ياعرب طاحت نجوم=قدام عيني حزن لحظه وفاته امشي مع العالم وانا شبه منجوم=عزيز نفس وغايتي في غناته ايام عشناها مثل امس واليوم=ما تختلف لاشك تفرق حلاته تأخذني الذكرى على بحره اعوم=كل ما تنفس اختنق ذكرياته اردد الآهات واقعد ولا اقوم=واقوم واقعد والاكيد زفراته اربع علي مرن من الوقت محروم=ولازلت ادور بعجها وغبراته تسلسل افكار الزمن طيّر النوم=واحترت ويش الخامسه في جهاته بعض المواقف كنها زرقه سهوم=اما هدفها تصيب ولا نجاته ماكل من مات ورحل قيل مرحوم=وماحدن تدخّله الجنان احسناته وماكل من ون وغفا صار محموم=ولا كل من نام اشتكى في مباته وانا ادري ان اللي مضى ذاك مقسوم=وقتٍ رحل ماهي ترقع عباته لاشك اسليّ نفسي بهرج وعلوم=عل وعسى الأحلام موته حياته ولّا الزمن عندي مقدّر ومحشوم=هذي سوات الله ماهي سواته رضيت باللي سيّر افلاك وجروم=سبحانه اللي ماتغير صفاته |
رد: الحزن كوووووووم
قصيده رااااائعه
صح لسانك وصح بوحك ماحييت |
رد: الحزن كوووووووم
صح لسانك وسلم بنانك
قصيدة جزلة من جزل لاحرمنا تميزك وابداعك سجل اعجابي وتقبل تحياتي |
رد: الحزن كوووووووم
الله أكبر ياعرب طاحت نجوم
قدام عيني حزن لحظة وفاته عندما يتحدّث الشعر بلحن الخلود تنتفض المشاعر ويطيب الإستماع لما يشبه الموسيقى الشعرية , أبيات راقية من شاعر متمكن من نحت الحروف العذبة , اذاً ابو يوسف هنا حاضر بقلمه الجميل ,, صح لسانك وتسلم هذه الأحاسيس المرهفة ,,, وتقبل تحيتي ,,,, |
رد: الحزن كوووووووم
رووووووعه يسعد ربي على رووووووووعه الطرح،،، |
رد: الحزن كوووووووم
|
رد: الحزن كوووووووم
اقتباس:
الله عليك شاعراخوي صح لسانك مدد بيض الله وجهك على هالرائعه اعجابي اخي الكريم ونحيتي |
رد: الحزن كوووووووم
بعض المواقف كنها زرقة سهوم
اما هدفها تصيب ولا نجاته شاعر كبيييييييير مبدع يابن هدلان |
رد: الحزن كوووووووم
الحزن كوم وموت الأحلام في كـوم
وقتل المشاعر كوم في حـد ذاتـه الله اكبـر ياعـرب طاحـت نجـوم قدام عينـي حـزن لحظـه وفاتـه امشي مع العالم وانا شبه منجـوم عزيز نفس وغايتـي فـي غناتـه الله الله مبدع صح لسااااانك ياابو يوسف |
الساعة الآن 23 : 04 AM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas