منتديات الوئام

منتديات الوئام (http://www.alweam.net/vb/index.php)
-    بوحْ الشعِر والنثر .. (http://www.alweam.net/vb/forumdisplay.php?f=3)
-   -   شاعر الاسبوع .. الامير .. بدر بن عبدالمحسن .. (http://www.alweam.net/vb/showthread.php?t=46339)

سديم 01 / 09 / 2005 44 : 10 AM

شاعر الاسبوع .. الامير .. بدر بن عبدالمحسن ..
 
http://www.almton.com/vb/images/smilies/14.gif



http://www.elbader.net/marsam/big_images/2.jpg




التفت ...
وتوها ... توها ما اختفت ...
ماكساها الليل ... باللون الحزين ...
التفت ... وتعالت صرخته ...
في نظرته ...
صاح ... لكن بالنظر ...
وانكسر .... شوفه عثر ...





حسايف .. تذبل الضحكه وهى بين الشفايف ..
تذبل الفرحه وتضيع ...
ويصبح الكون الوسيع ...
مايكفي خطوتين .. لاكساه الليل بااللون الحزين ..
يوم مدلها يده ..
كانت الرجفه لقا ..
ودعت فيها الشقا ..
وتركت بين الاصابع ..
عطــرهــا ..
وعمرها ... ما جت على وقت الوعد ...
إلا ذاك اليوم ...
و عمرها ... ما بكت .. و ما ضحكت ...
ما حكت له .. واسكتت
مثل ذاك اليوم ...
كانت أجمل من خياله ... كانت انضر ...
كانت أكثر ... من أماني عمره الظامي حنين ..
و اختفت ... من كساها الليل باللون الحزين





اختفت في الطريق اللي معه ...
كانت تجيه ...
كيف دربٍ جمعه معها ... خذاه ...
ليتها اختارت سواه ...
تزرع القرقا لياليها ... عليه ...
وحسايف ... حسايف ...





http://www.almton.com/vb/images/smilies/14.gif

سديم 01 / 09 / 2005 49 : 10 AM

http://www.almton.com/vb/images/smilies/14.gif

لادمعة في العين تكفي ولا آه = لا من نوى لك صاحبك بالقطيعه
الله على بعض المحبـين ما اشقاه = يرجي زهــر روضٍ تولى ربيعه
ولا مـن خذا له ساعة قال ابساه = بانسى هوى اللي بـاعني قبل ابيعه
وده يعسر القلب عن غي مشهاه = هيهات ياقلب الخطا لو تطـيعه
الله يجازي الحب مااكبر خـطاياه = شره على اصحاب النفوس الرفيعه
اهـل الوفا واهل الشيم من سواياه = ضاقت بهم دنيا فججها وسيعه
والا الخبيث بمنسم الرجل ناطاه = يوم الغـدر والخبث عنده طبيعه
يالله عسى لي خيرة عقب فرقاه = لوكان فرقا الخل مثل الفجـيعه


http://www.almton.com/vb/images/smilies/14.gif

سديم 01 / 09 / 2005 50 : 10 AM

http://www.almton.com/vb/images/smilies/14.gif



وادعيني .. لا تردين الملامة

وادعيني .. لاتخافين الندامة

وادعيني يا حبيبة .. وسامحيني ياغريبة

ان جرحتك في اللي فات .. ذا ترى طبع الحياة

يا عسى اللقيا قريبة



لا تضنين الوداع .. بيننا هذي الدقيقة

من زمان الحب ضاع .. وما درينا بالحقيقة

كلنا نطرد سراب.. حظنا منه العذاب ..

وادعيني يا حبيبه.. وسامحيني ياغريبة..

لوجرحتك في اللي فات .. ذا ترى طبع الحياة..

يا عسى اللقيا قريبة



وادعيني بابتسامه .. نورها ينفي الشجون

واتركيني بالسلامة .. .يا عسى دربك حنون

واوعديني لو نسيتي .. قصة الماضي اللي راح

زي ما تنسي الامانه .. حاولي تنسي الجراح

وادعيني يا حبيبة.. وسامحيني ياغريبة..

ان جرحتك في اللي فات.. ذا ترى طبع الحياة

يا عسى اللقيا قريبة




http://www.almton.com/vb/images/smilies/14.gif

سديم 01 / 09 / 2005 51 : 10 AM

http://www.almton.com/vb/images/smilies/14.gif

آه ... من ليل التجافي ... ماطوله = ليلة العاشق ... ثوانيها ليال
من يقول الشمس باكر مقبله = كل شمسٍ مالها ... وجهك ظلال
بسالك باللي خذى منك الوله = وحطه اف صدري ... واعطاك الجمال
حاكني ... لجل الليالي ...الآوله = آه انا بموت من ذل ... السؤال
هو صحيح انك حبيبي اللي دله = واستوى ... عندك فراقي ... والوصال
كل جرحٍ غير ... جرحك بقبله = وكل ظلم ٍ ...غير ظلمك لي ... عدال



http://www.almton.com/vb/images/smilies/14.gif

سديم 01 / 09 / 2005 55 : 10 AM

http://www.almton.com/vb/images/smilies/14.gif



لاتلوح للمسافر

المسافر راح

ولا تنادي للمسافر

المسافر راح

يا ضياع أصواتنا .. في المدى والريح

القطار وفاتنا

والمسافر راح






يالله يا قلبي تعبنا من الوقوف

ما بقى بالليل نجمة ولا طيوف

ذبلت أنوار الشوارع .. وإنطفى ضيّ الحروف

يالله يا قلبي سرينا .. ضاقت الدنيا علينا

القطار وفاتنا

والمسافر راح





مادري باكر هالمدينة وشتكون

النهار والورد الأصفر والغصون

هذا وجهك يالمسافر لما كانت لي عيون

وينها عيوني حبيبي

سافرت مثلك حبيبي

القطار وفاتنا

والمسافر راح




http://www.almton.com/vb/images/smilies/14.gif

سديم 01 / 09 / 2005 02 : 11 AM

http://www.almton.com/vb/images/smilies/14.gif

قال : مجروح ؟ جاوبته : نعم = قال : ماشوف بك اثار دم
قلت : وان كان في ذاتي النزيف = قال : ما به نزيف ... من عدم
قلت : وان خان بي اغلا حبيب = قال : وهم بنيته وانهدم
قلت : ماعذبك يوم الفراق ؟!! = قال : درب وتمشيه القدم
قلت : ما به سوى جلدك شعور = قال : غيره فلا احس ... بالم
ياوسيم الناس لو قلبك وسيم = واكرم الناس في غير الكرم
عندك الظلم عدل ٍ في الهوى = واعدل العاشقين اللي ظلم
انت لو كان في حبك حياة = كان خلى حياتك له طعم
اتعس الخلق من يرجي هواك = ما اضيع النبض في قلب الصنم


http://www.almton.com/vb/images/smilies/14.gif

سديم 01 / 09 / 2005 05 : 11 AM

http://www.almton.com/vb/images/smilies/14.gif


http://www.elbader.net/marsam/big_images/101.jpg


فـ كل قصة حب أحلام ومدينة

ليل و نخيل و هبوب

لكل قصة حب لو كانت حزينه

أجمل ألوان الغروب

ناظري ضيّ الحوانيت القديمه

ونقش أبواب البيوت

كلها شعر ومواعيدٍ قديمه ..

وصوت قلبـي اللي يموت .. وما يموت



لكل قصة حب .. عذال وحسود

ليه تخدعنا الأماني .. والليالي السود .. سود

إشعلي جمر العناد .. قربـي معاد أشوفك ..

لا يفرقنا السواد

ارسمي وجهي بكفوفك

ولا تجرّحنا عيون الليل .. وحروف النميمه

ولا يعذبنا السكوت

إن عطشنا أو شربنا الدمع ديمه

للهوى بنحيا ونموت



لكل قصة حب أشواك و ورود

وليه نصرخ من ألمها .. وكلها تنبت في عود

ناظري هذا قمرنا لو تغطيه الغيوم

وناظري هذا شجرنا مهما تحرقه السموم

ولو تجرّحنا عيون الليل وحروف النميمه

ولو يعذّبنا السكوت

إن عطشنا أو شربنا الدمع ديمه

للهوى بنحيا ونموت




http://www.almton.com/vb/images/smilies/14.gif

سديم 01 / 09 / 2005 07 : 11 AM

http://www.almton.com/vb/images/smilies/14.gif

مما بروحي لا أزعج الصوت وادعيه = غديه يسمع صيحتي من عذابه
اللي هجرني ما درى ويش أنا فيه = أقفا وقفي ما يرد الإِجابه
لولا الحيا .. ثوبي من الغبن لا أفريه = وأجدع هدومٍ .. ما وقتني حرابه
وأبكي وأبكي من شكى ظلم غاليه = واللي فقد شوف الأهل .. والقرابه
وأصفق بكفٍ وأتبع الصبر باقيه = وأقول تكفى .. وآصله حد بابه
وأجعل ظلام الياس نور الرجا فيه = وأتبع ولو في القاع مغوي سرابه
عل الرجا يلحق على الطول راجيه = والا جريح الحب يشفى صوابه


http://www.almton.com/vb/images/smilies/14.gif

سديم 01 / 09 / 2005 14 : 11 AM

http://www.almton.com/vb/images/smilies/14.gif



يا صاحبي ..

ما في الهوى راحه ..

احذر تبيع القلب .. لجراحه ..

مسكين .. من قال الهوى جنه ..

يومين .. ويغير هواه ظنه ..

ويقول.. ما في الهوى راحه .. يا صاحبي ..

بحر العيون .. خذنا معاه مشوار ..

موجه غدى بينا ..

بحر العيون .. لا توهق البحار ..

يبعد عن المينا ..

ويا صاحبي .. ما في الهوى راحه ..

عمر الزمان .. ما لوع المشتاق ..

والله الزمن مظلوم ..

كيف الحنان.. يقسي على العشاق ..

صار الضنى مقسوم ..

ويا صاحبي .. ما في الهوى راحه ..


http://www.almton.com/vb/images/smilies/14.gif

سديم 01 / 09 / 2005 16 : 11 AM

http://www.almton.com/vb/images/smilies/14.gif

انا احبك مابها زيف وخداع = رغم الذي نخفيه .. واللي نخافه
أودعك .. ليت الألم لحظة اوداع = إلى مضت .. ننسى الألم والحسافه
وأفارقك.. لوالسفر .. يم وشراع = وبعد الفراق .. اللي نوده نعافه
لا صار مافي البعد راحه لملتاع = بالله وش نفع التعب والكلافه
من الجفا والصد .. يكفيني اذراع = لا جف نهر الحب ماتت اضفافه
املي يدك رمل وترى هذي القاع = ومدي النظر .. تدرين وش هي المسافه


http://www.almton.com/vb/images/smilies/14.gif

سديم 01 / 09 / 2005 18 : 11 AM

http://www.almton.com/vb/images/smilies/14.gif


يا حمامٍ ناح هيج شجوني

في هزيع الليل .. سهرت عيوني

ناحت الورقا في ليل .. ذكرت قلبي الرحيل

آه .. يا ويل المفارق .. ضاع في ليل المفارق

والذي صبره قليل لا يفارق ..




أول الغربه شجون .. باقي الغربه ظنون

آه .. يا قمر الغريب .. ساعة الظلما تغيب

والذي دمعه قريب .. لا يفارق ..




ليل .. يا ليل الدموع .. يا ترى كيف الرجوع

آه .. يا ظلم المسافر .. لو عن الغربه نسافر

والذي قلوبه شموع ..لا يسافر ..




http://www.almton.com/vb/images/smilies/14.gif

سديم 01 / 09 / 2005 20 : 11 AM

http://www.almton.com/vb/images/smilies/14.gif

ياللي نسيت الزمن وقلوبنا تعده = كم ليلةٍ غبت والهاجوس يلعب بي
لا انت مع القلب يالغالي ولا ضده = كله سوى راحتي والا تعب قلبي
يسيل قلبي على الخدين .. وارده = خبرت قلبٍ من اللوعات ينحبي
وان قلت لا بد يبرد زادت الشده = شقيت انا منك والشكوى على ربي
يا من يغيب القمر لا من ظهر خده = الزين زينك وانا كثر الوله ذنبي
من عانق السيف لازم يجرحه خده = ومن يعشق الجمر فيه النار تشتبي




http://www.almton.com/vb/images/smilies/14.gif

سديم 01 / 09 / 2005 21 : 11 AM

http://www.almton.com/vb/images/smilies/14.gif


http://www.elbader.net/marsam/big_images/4.jpg


اعلق الدنيا .. على مسمار

مدقوق فيه اجدار ..

وتسكن في ساسه ريح ..

من له سنين يطيح ..

ولجل الليالي اقصار ..

ممداه ..




اعلق اعيوني على نجمه ..

محبوسةٍ في غرفةٍ ظلما ..

ومقفول عنها باب ..

ولها حارسٍ كذاب ..

دايم يشيل كتاب ...

ويقراه وهو أعمى



اعلق احلامي على نصل

سهمٍ يشد افنبل ..

وترمى به الدنيا وبعد .. يخطي ..

أموت .. انا مبطي ..

لكن .. أحدٍ يبي ياخذ ..

مني .. وابي أعطي ..



اعلق افسمعي .. رعدغيمه ..

واشرب .. ذِِكِر ديمه ..

طاحت في بطن اليم ..

اغمض اعيوني عليّ ..

واحلم ..

بعرقي .. يعاف الدم .. شيمه ..

بروحٍ علي تندم ..



http://www.almton.com/vb/images/smilies/14.gif

سديم 01 / 09 / 2005 22 : 11 AM

http://www.almton.com/vb/images/smilies/14.gif

اللـي طعنّي بين الاضـلاع وأدمى = هذاك نــدٍ لي ونعمـين فارس
ومن ينطح الوقت الردي قلبه أعمى = كم عامـرٍ خـلاه بالقاع دارس
يـابنت مـالي قلب بـالحب يرمى = كفي سهـام الفاتـرات النواعس
المـا عيـوني أظهـريني مـن المـا = وأنـا غريـق الدمع والريق يابس
ظميـان من مثلي من النـاس يظما!! = وأنـا علـى أحلى الينابيع حارس
والله يالـولا فيّـة عيـون سـلمى = ماشوف كل الناس ضاحك وعابس
مـن طـاب لي بالنـور ماني بظلما = ومن جـادلي بالغيث مـاني بحابس



http://www.almton.com/vb/images/smilies/14.gif

محمد السبيعي 01 / 09 / 2005 22 : 11 AM

يطري عليه الوله .. وأطري على باله
يامرحبا لاضـوى خلـي علـى بابـي

هجيت حدب الضلـوع ونـوخ جمالـه
لاجله بكت دمعتي ولأجله ضحك نابـي

وكل ما ضحك لي لمحت النور في آماله
والى تجهـم ستـرت السقـم بثيابـي

وكل ما شكى من عنى همه وغربالـه
أقول لعـل بـه جـرحٍ مـن أسبابـي

طال الحكي ما لقيت الوصـل بوصالـه
لاني حبيبه ولا هو أقـرب اصحابـي

ناديت طـاري المحبـه مالنـا ومالـه
بالحيل أنا وانت ربع وكننـا أغرابـي

يا زين كانك حزين .. فحالتـي حالـه
بكفيك همك وأنا بصبـر علـى مابـي

لو الشجر له نصيب فـبـارد ظلالـه
ماحرق القيض جفني وأنت فـأهدابـي

سديم 01 / 09 / 2005 30 : 11 AM

لو الشجر له نصيب فـبـارد ظلالـه
.. .. .. .. .. ماحرق القيض جفني وأنت فـأهدابـي


السبيعي محمد

تسلم يمنااااك

سديم 01 / 09 / 2005 31 : 11 AM

http://www.almton.com/vb/images/smilies/14.gif



http://www.elbader.net/marsam/big_images/128.jpg


آه يا صحب .. راحوا الأصحاب

والزمن غالب .. والأمل كذاب

والوفا .. آه يالوفا .. خانوا الأحباب ..

ما بقى صاحب ياصاحب .. يستحق اعتاب ..

تضحك دموعي .. للزمن والناس ..

وغدت ضلوعي .. في الرجا والياس

وانت لو تدري شـ اللي في صدري ..

قلت لي .. لا باس ..

ما بقى صاحب ياصاحب .. يستحق اعتاب ..

ضاعت أيامي .. أرجي اللي غاب

شابت أحلامي .. والزمن ما شاب

وش بقى قلي .. غير أنا وظلي

في أرضنا أغراب ..

ما بقى صاحب ياصاحب .. يستحق اعتاب ..



http://www.almton.com/vb/images/smilies/14.gif

سديم 01 / 09 / 2005 35 : 11 AM

http://www.almton.com/vb/images/smilies/14.gif

فـ عيني تغيب الشمس ..وتشرق افـ عيني = في ناظري للشمس ..موتٍ وميلاد
لليل في دمعي سنا .. نجمتين = وللصبح في جفني شفق هم وسهاد
كن السهر دربٍ عليه ابـ تجين = ولا ودي أقطع درب لاماك برقاد
ياللي جميع الناس بينك وبيني = وكل لحظة أنا نتظر منك ميعاد
عذري لياسي منك .. إنك تبيني = خنت الرجا..وان صنت لي عهد ووداد
ولمصافحك ربي خلق لي يميني = أمدها لك وصل وأمدها بعاد
البسمتك ترخص غوالي سنيني = جرحي يهون ووجاير الشوق يزداد
أنسى عذاب العمر و ما أنسى حنيني = تبلى ليالي العمر وجروحك جداد

http://www.almton.com/vb/images/smilies/14.gif

سديم 01 / 09 / 2005 36 : 11 AM

http://www.almton.com/vb/images/smilies/14.gif


لاإانتي وردة .. ولا قلبي مزهرية من خزف

صدفه وحده جمعتنّا .. شوفي وشلون الصدف

التقينا في مدينه .. وفرقتنا الف ميناء

اغفري للريح .. والموج .. والسفينة

كانت الرحلة حزينة .. للاسف

كنت أحلم لما ناديتك بسافر

مع عيونك في شعاع الفجر باكر

والله اعلم إني صادق

كنت أحلم إني عاشق

لاأخاف ولا أضيع .. ولاأفارق

ويش اقول غير إني آسف ويش اقول

انا خانتني العواصف والفصول

آه .. ياتعب المسافر

في أراضي الجرح و في بحر المحاجر

مالهذا الحزن آخر .. او لهذا الجرح آخر

ياشمسي الأخيرة .. في اللحظة الأخيرة

أنا .. لي كلمة أخيرة

إغفري لي إبتسامي .. قبل جرحي

حاولي تنسي كلامي .. قبل صمتي

ولو زعلتي .. ياأعز الناس إنتي



http://www.almton.com/vb/images/smilies/14.gif

سديم 01 / 09 / 2005 38 : 11 AM

http://www.almton.com/vb/images/smilies/14.gif


لا تجرحيني .. جرحك العام ما طاب = داوي بحنانك ما مضى .. واجرحيني
ياللي حنانك نظرة بين الأهداب = ردي علي بعض العزا .. ناظريني
خافي على قلبٍ يحبك إلى ذاب = ذاب الهوى في خفقته .. والحنيني
لولاك ما زار القمر ليل الأحباب = ولا لوحت شمس المحبه جبيني
ولولاك .. ما يلفي على الدّار غياب = ولا تبكي اللي فارق الدار عيني
في غيبتك كل الملا عندي اغراب = ما أحدٍ أبي قربه .. ولا أحدٍ يبيني
لا ياغلا كل القرابه والأصحاب = ضاع العدل في الناس لو تظلميني


http://www.almton.com/vb/images/smilies/14.gif

سديم 01 / 09 / 2005 42 : 11 AM

http://www.almton.com/vb/images/smilies/14.gif



http://www.elbader.net/marsam/big_images/8.jpg



جمرة غضى .. أضمها بكفي
أضمها حيل . .
أبي الدفا .. لو تحترق كفي
وأبي سفر لليل


بردان أنا تكفى .. أبي احترق بدفا
لعيونك التحنان .. فعيونك المنفى
جيتك من الإعصار .. جفني المطر .. والنار
جمرة غضى


والله الجفا برد .. وقل الوفا برد
والموعد المهجور ما ينبت الورد
ياحبي المغرور .. ياللي دفاك اشعور
رد القمر للنور .. واحلى العمر .. في وعد
بردان .. بردان أنا تكفى.. أبي احترق بدفا



يا أول الحب .. شفتك أنا مره
واهديت لك قلب
ورديت لي جمرة
ومن يومها كان الرحيل
وليل الشتا .. القاسي الطويل
وآه يا الحنين
لليل باب له حارسين
برد وسحاب



http://www.almton.com/vb/images/smilies/14.gif

سديم 01 / 09 / 2005 44 : 11 AM

http://www.almton.com/vb/images/smilies/14.gif
البارحة والقلوب أصحـاب كنت القمر وأنت تمدحني= واليوم .. لي مخلبين ونــاب ومشا هد الـدم يفرحني
كذاب هذا المـدح كـذاب وكـذّاب ذنمٍ يجـرحني = إنسـان..ماني نجم وشـهاب وليتك مـلاكٍ وتصلحـني
لي صرت عـاري..علي ثياب بالله وشـلون تفضحـني = اخطيت واخطيت كافي عتاب إنطـق بحكمي وريحـني
ياصـاحبي ماقطعت أرقـاب عـدلٍ قصـاصي وتذبحني = ولاني بعد أجمل الأصـحاب الأجمـل إنـك تسـامحني

http://www.almton.com/vb/images/smilies/14.gif

سديم 02 / 09 / 2005 33 : 08 AM

http://www.almton.com/vb/images/smilies/14.gif



مرتني الدنيا .. بتسأل عن خبر ..

مابه جديد ..

عشاق ليلة تفارقوا ..

وصاروا بعيد ..

لا طاحت نجوم السما .. ولا تاه في الظلما قمر ..

لا تاقف الدنيا .. وتسأل عن خبر ..

مابه جديد ..

اسهل من الكذبة .. على شف الطفل ..

فرقى الأحبه يا هوى ..

أحلى من الحلم اللي ودي لو كمل ..

كانت ليالينا سوى ..

لا طاحت نجوم السما .. ولا تاه في الظلما قمر ..

لا تاقف الدنيا وتسأل عن خبر ..

مابه جديد ..

لا تاقف الدنيا .. على أول طريق ..

فرقى الأحبه يا هوى ..

لا تسأل جروحي متى خان الرفيق ..

عهد المحبه والهوى

لا طاحت نجوم السما .. ولا تاه في الظلما قمر ..

لا تاقف الدنيا وتسأل عن خبر ..

مابه جديد ..



http://www.almton.com/vb/images/smilies/14.gif

سديم 02 / 09 / 2005 36 : 08 AM

http://www.almton.com/vb/images/smilies/14.gif

الما ركـد والجريد الغض .. ما هـزّه = نسـايمٍٍ والـزمـن لا جـا ولا راحي
جمحت يا مهر حظي وأثر بك فـزّه = ما طـوّلت كلها غـارة ومشـواحي
لو كنت رمحٍ ٍ بكفّي كنت با هـزّه = لاشـك من هـو عليه أهوش بسلاحي
ولو كنت بيرق عقيدٍ ويـن أبا رزّه = وأطـول طويلٍ أشوفه .. هضبة جراحي
يا سـيّد الناس .. شمسك مالها حـزه = تعبت أمـاري بشمعي وضي مصباحي
من مس نورك جبينه يبشـر بعـزّه = ومـن مـر غيمك عتيمه بارقـه لاحي
يا سـيّد النـاس .. كلٍ لابس ٍ بـزّه = صعبٍ نفرّق ما بين الخبل والصاحي
كم واحدٍ مـر .. قال عيـوني تخـزّه = هو ما درى إني عمى عن قاصر أشباحي
أنـا عيـوني تتـل النجم .. وتكـزّه = عن حـارك الفلك ..هذي عادة رماحي
وما ألوم حظي .. تعب من كثر ما دزّه = لو هـو لغيري ..نسـاه الهم .. وإرتاحي



http://www.almton.com/vb/images/smilies/14.gif

سديم 02 / 09 / 2005 39 : 08 AM

http://www.almton.com/vb/images/smilies/14.gif



لعيونها ... بس لعيونها

قلبي سراب بدونها ..

قلبي سراب ... وعيني سراب

ما اقول أعشقها بعقل...

مجنونها...



البارحة مريت في أحلى الفصول

صيف وشتاء..

وناظرتها..

وقلبي يقول هذي العيون إلى متى

حبيبتي ياكثرها عيونك على هاالليل

وين ما التفت اشوفها ..

حبيبتي يازينها عيونك على هاالليل

سحرني برق سيوفها..

ما أقول أعشقها بعقل..

مجنونها..





قمري .. يا شمس الذهب

سفري وراء عيونك تعب

قلبي تعب... وصبري تعب

ومن الهدب لين الهدب...

بحر ومراكب من لهب

أمواج تبحر برضاه ..

وأمواج تلعب بي غضب



http://www.almton.com/vb/images/smilies/14.gif

سديم 02 / 09 / 2005 42 : 08 AM

http://www.almton.com/vb/images/smilies/14.gif

المحبة أرض والفرقا أراضي = والزمن كله ترى لاغبت ماضي
والله إني ما أشوف إلا عيونك = إن رحلت اليوم أو طوّل مراضي
قالوا العـذّال والعـذّال مرضى = وش بلا حالك من الاشواق قاضي
قلت يهجرني حبيبي لين يرضى = علّموا الظالم ترى المظلوم راضي
جرّحوني في هواك وقلت أبشكي = ماهو من جرحي ولكن لـ إعتراضي
وش علي لو قطّعوا لاجلك عروقي = من رضى بالحب .. يرضيه التغاضي




http://www.almton.com/vb/images/smilies/14.gif

سديم 02 / 09 / 2005 47 : 08 AM

http://www.almton.com/vb/images/smilies/14.gif


داوي قلبي واجرحيه ..

واللي ما مثله ابد .. مثلي ما حبك احد

ولو رضي قلبي بغيرك..

ما أبيه .. ما أبيه



تملكيني لوبـ غيتي .. تملكيني لو رفضتي

تسحريني لو حكيتي .. تسحريني لو سكتي

أنا نجمه في مدار ك ..

ضي عيني من نهارك ..

و انتي قلبي واللي فيه

لو رضي قلبي بغيرك ما أبيه ..




انتي اغلى من هجرني .. وانتي اجمل من يغيب ..

والله لو بعدك قهرني .. ما أبي غيرك حبيب ..

سافري والقلب دارك ..

راضي بـ ثلجك ونارك ..

حبي قلبي واكرهيه ..

لو رضي قلبي بغيرك.. ما أبيه




أنا أحبك لا تخافي .. الا قلبك لو هواني ..

هذا ضعفي واعترافي .. بس ما ارضى هواني ..

ابعدي هذا قرارك ...

ماني سجنك أو حصارك ...

روحي سوِّى اللي تبيه ...

لو رضي قلبي بغيرك .. ما أبيه

واللي ما مثله أبد .. مثلي ماحبك احد




http://www.almton.com/vb/images/smilies/14.gif

سديم 02 / 09 / 2005 56 : 08 AM

http://www.almton.com/vb/images/smilies/14.gif

هـــلي الجدايل.. ظــلليني عـــن الشمس = و داري جــبيني عــن لهيب الســـمومي
لا تســـــــاليني.. عن عذاب مضى امس = انـا نصيتك هـــارب مــن هـــــــمومي
ما تـلمسين الجرح في مهجـــتي لمس = جــــرح الهوى ما يسترنه هــــدومي
يظهر على صمتي.. ويــنزف مع الهمس = وبدمعةٍ يفضح.. بقـــايـــــــــا عـلومي
إن ما كفاك اني وهبتـــــك هوى النفس = وســـــهد الليالي يوم انا انكرت نومي
خذي الرجا .. خلي ولو راحة الياس = لمي الجدايل عن لظى الشمس قومي



http://www.almton.com/vb/images/smilies/14.gif

سديم 02 / 09 / 2005 05 : 09 AM

http://www.almton.com/vb/images/smilies/14.gif



قادر الله .. قادر الله

يالغضي ..قادر الله

نلتقي فـ وسط الطريق

خطوة مني ..وخطوه منك

شارع الفرقه .. يضيق

قادر الله ..

والمحبه .. هي من الله

حطها وسط القلوب

قلب يتهنى بشبابه

وقلب يتعذب يذوب

قادر الله .. قادر الله

لا .. ولا ياابو سن ضاحك

منك ما شفنا عبوس

ما تعودنا نشوفك

إلا بهجه للنفوس

قادر الله .. قادر الله ..

ليتني وانت في جزيرة

ما يجيها غيرنا

حولنا بحورٍ غزيره

نقضي فيها عمرنا

قادر الله .. قادر الله




http://www.almton.com/vb/images/smilies/14.gif

سديم 02 / 09 / 2005 08 : 09 AM

http://www.almton.com/vb/images/smilies/14.gif



إرفع جروحك عن نصـال الخناجـر = نـزفك عــزيز ومثلك النجــم لاطـــاح
ولاتنحني للريــح والذل فـاجـــر = والخـوف ســـاس الـذل والغبن ذبـّاح
مادام لك عن خفضة الهـام زاجــر = إمّــا إنكـســـر ولا تعــدّاك الاريـــاح
ماإنته بعشبٍ نـابتٍ وســط حاجـر = ولا إنته شـــراع التيـه والـوقت مـلاّح
إنت الّذي باسمك تضيق الحناجر = لو إنطقوا بك همس ..سمعوا بك صياح
تقفي وكن الحرف للحـرف هاجـر = وتقبل وقـلب الصـخـر بالشـعـــر بــوّاح
ولا من رمى صبحك عباة الدياجر = ثم إنتهض ما شـع بالنـور مصباح
إرفـع جروحـك عن تـراب الخناجـر = نزفـك عـزيــز ومـثلك النجــم لاطــاح

http://www.almton.com/vb/images/smilies/14.gif

سديم 02 / 09 / 2005 14 : 09 AM

http://www.almton.com/vb/images/smilies/14.gif



بين الحنايا 00 ذيب

مكسوره انيابه

شقق عواه القلب

تحت الجفن شوكه 00 تسهرني كتابه 00

وهذا الزمان الصعب

لو غاب 00 في غيابه

قمر الحزن بيغيب

بيني وبين الآه

اني اطلق ضلوعي

تركض في هاالشارع

بيني وبين الدمع

اني أسأل خضوعي

ليه الشجر فارع

بيني وبين الناس

آكل الم جوعي

وما بيعهم إحساس

يبكي ورى الألواح

ناي للحزن مجروح

يا اللي نبي فراقه

ويا اللي تبينا نروح

ليه تقفل الابوب

حنا سكنا دروب

وما للألم سارق

ونعاتب الاحباب

وما بينهم محبوب

نلقاه 00 ونفارق

اصبر معي 00 لاباس

روزنامه في صدري

ويمضي العمر انفاس



http://www.almton.com/vb/images/smilies/14.gif

محمد السبيعي 02 / 09 / 2005 56 : 02 PM

هيه ياغصنٍ تمايل بالدلال=ماتخاف الكسر لاهبّ الهبووب
وماتخاف الله وتسعى بالعدال=أنصف من لحاظ عينيك القلوب
لامتى ذبح العرب عندك حلال=تابت العالم متى عينك تتوب
مير قلبي يالغضي بيعه محال=ماأقدر أعطي لو تبي مني ذنوب
أشهد إنك بالحلى فقت الخيال=وعيب حسنك كان في حسنك عيوب
شارقه في طلعتك شمس الجمال=وجامعٍ في ضحكتك كل امحبوب
الخمل فيني أنا مابك خمال=مشملٍ نوّك .. وأنا نوّي جنووب

محمد السبيعي 02 / 09 / 2005 01 : 03 PM

لا شــاريٍ عــقـدِ ولا مـهـدي سـوار
لا تلحـقي نفـسك همـوم وحـسـايف

تريّثي يـا قــرة الـعـين مــقــدار
ما تشرب عـروق القصيـد الوصـايف

لا من قـدحت الشـعـر وشـبـيـت لك نار
نارٍِ على روس الـهضـاب الـنـوايف

يطرب لهــا السـاري ويسـري بها الطار
وتزهر بهـا عـقب المحول الشـفايف

باهديك أنا عمرٍ ولاكل الأعمار
يـفنى القلم قبــله وتفنى الصـحـايف

قـصيــدةٍ تـولـد ورى بـاب وجــدار
ســر الضلوع المرهفــات النحـايف

وإلى أصـبحت طارت على متن الأسـفـار
وغنت بهـا قـبل النفــود الصـحايف

غـيبي وشـيـبي وإتركي كل مـا صـار
يبقى جـمـالك في قـصـيـدي طرايف

وخـلي الكواكب من سـنا نـورك تغــار
ولا تلـحقي نفـسك همـوم وحـسـايف

محمد السبيعي 02 / 09 / 2005 09 : 03 PM

صحيح ان السحاب انتي ..
واعشاب الربيع انتي ..
وأجمل من على هذا التراب .. انتي
وفـ عز الليل لو بنتي يطير الصبح ..
من كف الربى عصفور ..
ولكن الليالي تدور ..
كفاك .. غرور
سقاني صوتك البارح .. مرار الحزن والترحال
صحيح ان البحر مالح .. ولكن العطش قتال
سألتك يا ظماي .. أمطار
سألتك عن هواي .. أخبار
سألتك كلمتين أعذار .. ولكن ما تعذرتي ..
وحقك لو تكبرتي ..
صحيح ان السحاب انتي ..
واعشاب الربيع انتي ..
وأجمل من على هذا التراب انتي ..
انا جرح .. وحنين وهمس
وقلبٍ ينبض بصدري ..
ولا ادري من حبيبي .. الشمس
ولا ودي بعد ادري ..
يكفيني دفى انسان ..
يشاركني فرح واحزان ..
ونورك فـ السما لو بان .. أشوفه مثل كل الناس
وأحسه .. مثل كل الناس
وصحيح ان السحاب انتي ..
واعشاب الربيع انتي ..
وأجمل من على هذا التراب انتي ..
وفـ عز الليل لو بنتي .. يطير الصبح ..
من كف الربى عصفور ..
ولكن الليالي تدور كفاك .. غرور
.
.

محمد السبيعي 02 / 09 / 2005 13 : 03 PM

ليلة تمرين .. عطرك السافر
فضح .. وردالبساتين
وكثر الكلام ..
صحيح .. جرحت الظلام ..
بالخد.. وبنور الجبين ..
ليلة تمرين ..

يا عذبة التجريح .. شفتك بعرس الريح
والشال الذهب ..
يحجب سنا الشمس الذهب
كانت عيونك حزن ..
كانت غضب .. وكثر الكلام
ليلة تمرين ..

يا غيرة الورد ..
جرحها الكلام ..
حبيبة الورد ..
عاتبها الظلام ..
مرت بليلة برد .. وكانت دفا
عطر ودفا.. وليه الملام
يامجرحة صدر الظلام..
بالخد .. وبنور الجبين
ليلة تمرين ..
.
.

محمد السبيعي 02 / 09 / 2005 23 : 03 PM

لا تعاتب .. ما اقدر أتحمل عتابك ..
قلبي ذايب .. وانت تشكي لي عذابك ..
بس لو تسأل عيوني .. راح تبين لك شجوني ..
لو أغير يوم حياتي .. عن هواكم ما تغير ..
إنت أغلى ذكرياتي .. انت غيرك ما اتخير ..
بس لو تسأل عيوني .. راح تبين لك شجوني ..
لا تعاتب .. لا تعاتب ..
نور حياتي في رضاك .. والسعاده كلمه منك ..
شوف هنايا في هواك .. لما نلتوا بحسن ظنك ..
بس لو تسأل عيوني .. راح تبين لك شجوني ..
لا تعاتب لا تعاتب ..

محمد السبيعي 02 / 09 / 2005 28 : 03 PM

من عيوني .. يا حبيبي
من عيوني .. اطلب والبي لك
من عيوني ..اتبسم انا اجيلك
واشعل في قناديلك ..اماني العمر
ونزرع شوق ..ونجني حب
من عيوني .. اطلب والبي لك
من عيوني ..
اجيب الليل اجيبه
من عيوني ..
قبل ميعاده ..
من عيوني ..
انا والشوق وطيفك
نرسم ابعاده
بس انا جاوزت حدي في هواك
مدري حتى وش ابدي في رضاك
واشعل في قناديلك ..اماني العمر
ونزرع شوق ..ونجني حب
من عيوني .. اطلب والبي لك
لو بيدي ..
القى مفتاح السعاده..
كل لحظة ..
كنت حبيتك زيادة ..
بس انا جاوزت حدي في هواك
مدري حتى وش ابدي في رضاك
واشعل في قناديلك ..اماني العمر
ونزرع شوق ..ونجني حب
من عيوني .. اطلب والبي لك

محمد السبيعي 02 / 09 / 2005 35 : 03 PM

ما بقالي قـلب يشفع لك خطيّه
ذوبـته اجروح صدّك والخطايا

صاحبي بالله ... لا تعـتب عليّه
العَـتـب ما عاد تاسَعه الحنايا

كلّ جرحٍٍ فات لي منك هديّه
وش بلاك اتخاف من ردّ الهدايا

الله أكبر ... كيف مالك مقـدريّه
وكل ما تحمله من هـمّي بقايا

لا تمنّيني ... سَرَاب المهـمهـيّه
الـقـرَاح اليوم ... ما يروي ظمايا

وان غَدى للحب في قلبك شظيه
وش يقـول اللي غدى قلبه شظايا

محمد السبيعي 02 / 09 / 2005 57 : 03 PM

إلى من .. يهمها أمرى .. إلى من ..
رجاءً .. إلى متى صبري .. رجاءً
أنا لن .. اشتكي .. همي لغيرك ..
ياروحي .. اشتكي روحي على من ..
رساله .. حبرها .. دمي ..
رساله .. تصرخ ابهمي .. إلى من ..
سألت الرمل .. في دروب القوافل ..
سألت الجدب .. عن لون السنابل ..
سألت الناس عن وجهك حبيبي ..
عن الشمس .. ومتى تشرق مساءً
أحبك .. يالصحاري اللي ..
فـ هجيرك .. احترق كلي .. وفاءً
كتبت لواحة عيونك رسايل ...
بسراب الدمع ... وانفاس القوايل ..
كتبت وذي ترى .. اخر رسالة
أحبك .. وان نسيتيني .. وداعاً ..

محمد السبيعي 02 / 09 / 2005 23 : 04 PM

قصت ظفايرها .. ودريت
البارحه .. جاني خبر ..
أدري لبست خاتم عقيق ..
وتقرا لها كتاب .. عتيق ..
كتاب .. واظنه شعر ..
أحفظ أنا حجار الطريق .. اللي يودي لبيتها ..
واعرفها زين ..
واعرفها زين ٍ وانا ..
لا شفتها ولا جيتها ..
قابلتها صدفه .. على شفاه الصحاب ..
همسة أمل حسيتها
ودمعة عذاب ..
وصارت هي الخبر الجديد ..
وعلومها همي الوحيد
وش عاد .. لو كانت بعيد ..
بين الحروف حبيتها ..

حبيبتي .. يا حلم ..
ياللي أعرفك اسم ..
وجهٍ تصوره الحروف .. واتخيله ..
نجم ٍ احس انه قريب .. ما اوصله ..
انتي اللي اعرفه .. زين ..
واللي اجهله انتي ..
حبيبتي .. وياليتها ..
اعرفها زين وانا .. لا شفتها ولا جيتها ..


الساعة الآن 44 : 09 AM بتوقيت السعودية

Powered by vBulletin® Copyright ©2000 - 2021, Jelsoft Enterprises Ltd.
new notificatio by
9adq_ala7sas

[ Crystal ® MmS & SmS - 3.7 By L I V R Z ]