ياللي زعلت أزعل ولاني مراضيك =اشرب كدر ماي البحر كانه أرضاك
لا تحسب اني عقب صدك بداريك = بعز نفسي عنك مدراك مدراك
اربع سنين وانا متحمل تغليك = راضي بتعذيبك لجل قلب أغلاك
وخليتني واليوم والله لخليك = وأدوس قلبي لينه يقول خلاك
قبل توريني الحسايف بوريك = ليمن قال فلان هانك ووراك
كانك تحداني فانا اقبل تحديك = وانسى الغرام اللي مضى واتحداك
ماني بقايل لك عسى الله يهنيك = الله يحرمك كل ماكان هناك
عسى العمى ياخاين العهد يعميك = فوق الغرور اللي عن الماضي اعماك
وعساك ما تسمع قريب يناديك = حيثك تجاهه صوت محروم ناداك
وعسى الشلل يعوق رجل تمشيك = لينك تندم ليش غيرت ممشاك
وعسى حياتك بس فرحه لشانيك = يلقا بها الفرصه عدوك ويشناك
وعسى الليال اللي تجيني بطاريك = يصبح عليها الصبح وتموت طرياك
وعسى المنام وكل راحه اتجافيك = آمين حتى اللي تمناه يجفاك
وعساك ما تفرح وتكثر بلاويك = وأمك تشق الجيب من عظم بلواك
ولا مت ،جعلك في جهنم اتصاليك = نار الجحيم ونار دنياك تصلاك
الله يكره فيك حتى دوانيك = غشاش خاين من من الناس داناك
هذي النهاية روح والله يجازيك = امسك ويومك عن هوى الغد يجزاك

لــ(طلال السعيد )

شذى الأوركادي

ماهذا !!!!!!!!
ايوجد بشر بهذا الشكل!!

ياساااتر يارب

ولو كان ألمي ينزف بحرقه لن تصل لهذه الدرجه

لربما يبالغ شاعرنا ..



شكرا اختي شذى للإختيار القاسي
لاعدمنا وجودك

هلا عيوني شوشو
وهلا باطلالتك المميزه

وسلمت يمينك على النقل
اختيار موفق

مع انو قمه في القسوووووووووووووه بس يمكن احسن
بس وربي اعجبتني

وعسى الشلل يعوق رجل تمشيك
لينك تندم ليش غيرت ممشاك
حلووووووووووه هههسع بس وربي حرام بكيفه خلاص

لالا عدمنااااااااااك
كانك تحداني فانا اقبل تحديك
وانسى الغرام اللي مضى واتحداك
مشكوره حبيبتي
الف شكررررررا

وتقبلي الود قبل الورد اختك

شذى الاوركادي

اسعد الله ايامك بطاعته اخيتي

أختيار جميل على رغم قسوة العبارات

الله لا يحرمنا تواصلك

وقد ذكرتيني بتخاريف لرهين مغايرة تماماً لهذه القصيدة

ولو أنها لم تكتمل يقول فيها المخرف رهين:

أرضى لعل الناس تزعل وتغتاض.... ما لي بهم لعلهم يزعلوني

أنت الذي لولاك يازين ما هاض.....شعري ولا سهرت لك الله عيوني

ولولاك والله يا ادعج العين ما فاض...دمعي ولا كثرت علي الطعوني

لك مني اصدق تحية

ولا تذهبي بعيداً

ياشذى الاوركادي