خيوط العنكبوت.......
لاتقول الوجد جابك والشـجـــن = لاتـقـول انك عـلى حـبي تمـــــــوت وينك امن سنـيـن يـوم اني اون = وازعج الونات صوتٍ عـقب صوت جيتني والشيب بالراس استـكن = والجسم مثل الشجر صار محـتـوت صرت كـني لاجيٍ ذاق المـحــن = او يتيمٍ مالـقى بالدار قــــــــــــــوت دوك جسمي لاعبٍ فيه الوهــن = صار اوهن من خيوط العـنكبـــــوت غيرن بُعدك وغيرني الـزمــــن = عن لذيذ الهـرج فـضلت السكـــوت مابقي بالعمر شيٍٍ له احــــــــن = غير ذكـر الله ودعـوات الـقــنـــوت لايضيع العـمـر في فـن ولـحـــن = دام عـندك وقـت ترجـع للـثـبـــــوت اغـنم ايامك قبل لبس الكـــفـــــن = العمر لحـظه وما اسرع ماتـفــــوت ورزقك المكـتوب لو كان بـعــدن = ماترده عـنك اهـالي حـضرمـــــوت اشهد ان المال في الغـربه وطـن = واشهد ان الفقر غربه في البيـــوت والوطن غربه اذا مـالك ســكـــن = السكن هو الوطن ياهل البـشــــوت وش يضر الميت لامنه انـدفــــن = باللـحـد والا بزينات الــتــبــــــــوت احمد بن عبدالرحمن العريفي (نديم المجره) |
رد: خيوط العنكبوت.......
الله الله
صح لسانك أخوي أحمد نص رائع وجميل سجل إعجابي |
رد: خيوط العنكبوت.......
اقتباس:
مبدع ويكفيني ويرويني ذا الابيات. صح الله لسانك ولا هنت على هذه الرائعه. اخي تقبل مروري المتواضع |
رد: خيوط العنكبوت.......
.
. . وش يضر الميت لامنه انـدفــــن = باللـحـد والا بزينات الــتــبــــــــوت تغرف من بحر يالعريفي ورب البيت انك نسجت الشعر وش اقول ووش اخلي فوق الابداع كتبت |
رد: خيوط العنكبوت.......
اقتباس:
:( كلمات راائعة ومعبرة ابدعت ياعريفي وكما هو الابداع المعهود منك سلمت يداك كلك ذوق ... |
رد: خيوط العنكبوت.......
ماشاء الله تبارك الله ابدعت مليون ولايسدووون ابيات جزله ،،قوة حبك وسبك حوت حكم راائعه وقيمه جداً فيها مواطن عديده للابداع .... أخي نديم : كل قصيدة عن سابقتها تختلف وكل مره يزداد اعجابنا بهذه الشاعرية اكثر صح لسااانك مدد بلا عدد ورفع الله قدرك دمت ودامت سعادتك ،،وبكل خير وسعادة تعيش |
رد: خيوط العنكبوت.......
الله الله الله عليييييك ياشاعرنا
وربي مبدع سلمت يمناك وصح لسااااانك |
رد: خيوط العنكبوت.......
شرفني مروركم واسعدني ثنائكم الله يسعدكم تحياتي |
الساعة الآن 31 : 05 PM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas