البجادي : ممنوع ترسل ... !
ممنوع ترسل على المجهول نظراتك=تبغاني اقول قلبـي حـب مجهولـه صحيح كل الغلا والزين فـي ذاتـك=من يوم شفت الجدايل سود مجدوله وش هالني غير رمشك فوق وجناتك=يرسل تقارير عن حي ٍ سكن حولـه وقفت حيران اترجم بعض همساتـك=وقمت اتلعثم بكلمة شبـه مشلولـه ارجوك عودي وروحي صوب مرآتك=تعطيك أوصاف بالتفصيـل مدبولـه توّك صغيرة قطار الحظ ما فاتـك=انا دخيلك عن التعذيب وشهـو لـه في العيد مشغول يسعد كل لحظاتـك=والناس تبقى ثلاث ايـام مشغولـه هذي خواطر توضّح بعض لفتاتـك=كتبت من هاجسي ما قلت منقولـه |
:(
الله الله الله ياهووووه ايه ده كله !! رااائع وكلمات راائعه ومعبرة ابداااااع بماتعنيه هذه الكلمة اقول يالبجادي ثاني مرة اذا طلبنا جديدك لاتتغلا ترى اللي مايجي بالطيب يجي بالقوة :( وعذراً للقافه ... |
قصيـدة راائعــه
سلـمــت يدااكــ وصح لسـانكـ يالغاالي ولاعدمنــا نزفكــ الرااقي :: وافي شكـرا لإمتااعنا بــ هذه الراائعــه مبــدع يالبجــادي :: |
هذا البجادي ياطويل العمر
قام يتغلا علينا ورحت قربعت الادراج وسحبت لكم هالرائعه :( شرفت المتهور ... |
حسبي الله على ابليسك يالوافي
هههههههههههههههه ما انت صاحي بالله عليك من وين نبشتها ؟ على كل حال .. ما دام هذه المحاولة طرّزتها كلماتك وثنائك وإعجابك فأنا فخور لأنها من شاعر مثل حضرتك بس دخيلك لا عاد تجيب شيء انا اخدمك وابشر طال عمرك . مع خالص تحياتي |
اخي الغالي المتهور
تسلم ياعزيزي وكلك ذوق وكم سعدت بهذه الإطلالة الكريمة ,, وتقبل من اخيك أجمل تحياته |
اقتباس:
الله الله الله كلمات رائعه الوافي يعطيك العافيه وصح لسان البجادي |
قصيدة رائعه
البجادي ,,, صح لسانك وافي ,,, اشكرك على النقل الرائع |
وقفت حيران اترجم بعض همساتـك
.................وقمت اتلعثـم بكلمـة شبـه مشلولـه مشلووووووووله صح لسانك يا البجادي على هالدره وسلمت يداك ياوافي على النقل الحلو اللي مثلك:( تحياتي |
البجادي !!
ماغيره ؟ والا الشمس ضيعت بقايا مخيخي !! صح لسااااااانك .. البجادي .. وتسلم يمناك .. وافي .. . . . |
الساعة الآن 12 : 03 AM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas