ياصاح لاتحزن على اللي تمناه
ياصاحِ لاتحزن على اللي تِمنَّاه.
ماكلِّ مايطري على البالِ بيصير. دنيا المِقَفْي عن هواها تِلقَّاه... تمشي على كيفِ المِقَدِّر بتدبير.. ماكلِّ من حبَّ الرعابيب تهواه.. هيْ غايتن باالنفس فيها تعابير.. إتنوشكِ العبره ليا جبْتِ طرياه.. لا عادِ ينفعْ باالشرايينِ تخدير.. ليننِّ فيكَ القلبِ بيضا نواياه... با كتبْ لكَ أبياتن عن الحبِّ تحذير إحبسْ دموعك داوي جرحك بفرقاه لوكان دمعك من فراقه يبى يطير. الحبِّ يفني صاحبه لاتعلاَّه... تقلب كيانه العذارى الغنادير.. ويظنِّ زلاَّتَ الحبايب مزاياه.. وتعيش عينه للسهر والمداوير. الحبِّ شفنا منهِ نوعينِ ذقناه.. نوعن يسلي والنوايا مغاتير.. والثاني نارن للهواجيسِ سقناه. عشقه غرامه للحنايا وتخسير. وإنْ كانِ يسَّرْ جا على ما تِحراه إسرج حصانك ما على البالِ تفكير وإتبعْ هوى قلبَكْ وعَجِّلْ بممشاه.. وصونِ المحبَّه وسْطِ رقَّه وتقدير. وإقطعْ لحى العذَّالِ وإنْ جا لهم جاه الخيرِ منْ عندِ الحساسيدِ تقطير.. وإنْ كانِ قفَّى هانِ ودِّكْ تحدَّاه... جاتِكْ علومه يبغى راسِكْ بتعزير. إرجعْ على دربك وحبك تناساه.. وإدعي لمن ْ علَّمكْ وإرجا لهَ الخير منقول د0ساري الرياض |
رد: ياصاح لاتحزن على اللي تمناه
منقوووول جميل ومميز صح لسان شاعرها ولاهانت يمينك دكتورنا ع النقل : دمت بكل خير وسعادة |
رد: ياصاح لاتحزن على اللي تمناه
.. صح انتقاءك د. ساري الرياض لاهنت عل هذا الاختيار |
رد: ياصاح لاتحزن على اللي تمناه
.............
... اختيار موفق لكلمات جميلة ومعبرة كلك ذوق ... |
رد: ياصاح لاتحزن على اللي تمناه
مشكور يادكتور ساري الرياض على هذا النقل و الاختيار الجميل مما يعبر عن الذوق و الابداع
سلمت يد ناقلها وصح الله لسان قايلها دايم وانت مبدع يا دكتور في كل اختياراتك الجميله ولشخصك الكريم شكري وتقديري حفظك الله ورعاك |
الساعة الآن 35 : 02 AM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas