أبيات مســــــــــــــنده للسيف,, اتفضل
 

[poet font="Simplified Arabic,24,purple,bold ,normal" bkcolor="" bkimage="http://www.mahroom.net//backgrounds/6.gif" border="ridge,4,gray" type=0 line=200% align=center use=sp char="" num="0,black"]
عزيزي السيف:
استلم هالابيات المتواضعة,,,


يالسيف يامااحلى طعم صافي النوم
عند الذي قلبه من الهم خالي



مير البلا قلب(ن) من العشق مقسوم
قسم(ن) جنوب وقسم شرق(ن) شمالي



نورة على بالي على دايم الدوم
واشقا بذكرايات هاك الغزالي



ما مثلها لا فالعرب لا ولا الروم
ام الثمان اللي سواة اللوالي



جسم(ن) تقول انه على الزين مرسوم
فصّل جماله من وصف بالجمالي



شقحا ترفع عن هل الشين وتشوم
تبغا لها رجل(ن) ذخاير رجالي



يالسيف كيف المنسدح يفرق السوم???
لا صار ماله عند اهلها مجالي


وتقبل تحيات
المنســـALMNSDHـــــــدح

[/poet]

[c]المنسدح
اسعد الله مساءك بكل خير
يسعدني ويشرفني
ويرفع راسسي ان توجه الي هذه الابيات القيمات
واتمنى ماقدمته ان يفي بالواجب ويحوز على اعجابك
واليك ردي المتواضع
اخوك السيف[/c] [poet font="Simplified Arabic,18,seagreen,bold ,normal" bkcolor="" bkimage="http://195.42.183.14//backgrounds/31.gif" border="groove,4,gray" type=3 line=200% align=center use=sp char="" num="0,black"]
يالمنسدح والله ما يلحقك لوم= واللي جرالك ياعزيزي جرالي
هذا شقا بايامنا صار مقسوم = وا بري حالي منه وابري حالي
ان كان قلبك من هوى الزين ماسوم= فانا من اسباب الهوى عزتالي
حبيتها حبا مضرّف ومختوم = مايعلمه ياكود منشي الخيالي
خلي ترى مثله مع الناس معدوم = ماله شبيه ٍ بالحسن والدلالي
مثل القمر والناس من حوله انجوم= صورته دايم ماتفارق خيالي
يالمنسدح ملزوم اواسيك ملزوم = تفداك روحي يا صديقي ومالي

السيف
[/poet]

تسلم يالمنسدح .. قصيده جزله من راس جزل


صح السانك .. والله ما قصرت ... والسيف قدها وقدود ...


.......................


صح السانك اخوي السيف ...


ابدعت في الرد .. كفيت ووفيت ... شاعر .. متمكن ..

رد على شاعر ... مبدع ...


استمتعت بكلتا القصيدتين .... بارك الله فيكما ...




تحياتي


الحسام

مراحب بالمنسدح


قصيده رائعه في الألفاظ والمعنى


ورد جزل من اخوي السيف


الله يعطيكم العافيه على امتاعنا بهذه الدرر المتناثره


وتقبلوا تحياتي واعجابي


اخوكم / الجهني

............

....


يالسيف يامااحلى طعم صافي iiلنوم


آآآآآآآآآآآآه

بس الشطر هذا يكفي

ايوالله ماحلا النوم

لكن اقسم بالله اني نسيته ونسيت شكله والظاهر لو يقابلني
مااسلم عليه




الله اكبر عليك
يالمنسدح ليتني انسدح مثلك بس
بلاش انام
المهم انسدح واكتب مثل هالقصيدة




سلمت المنسدح

وبانتظار الذيب



كلكم ذوق ...

الأخ العزيز المنسدح 10
أسعد اللـــه صباحك


كلمات رائعـــــة وجميلة فضت بها لشخص نكن له كل التقدير والاحترام،،




تسم على هذه الرائعـــــة أخي العزيز ،،،،




تقبل مني أطيب التحية والاحترام ،،،،





أخوك
بوصالح

أخوي وعزيزي السيف

لا هنت يالذيب وتسلم على هالرد السريع والطيب
يالشاعر الموهوب,, نفتخر اننا نرى مثلك في هالمنتدى ونحتك بهم لنصقل هالموهبة اللي رايحه في عين امها على قولتهم!!!

يعطيك العوافي ولا يهونون باقي الوئـــــاميين والسلام
المنسدح
بارك الله فيك

اخي الاستاذ الحسام
تسلم ياالغالي على تشريفك هالمشاركة المتواضعة وتسلم على هالتعليق ,,

لا عدمناك ياطير حوران
والحمد لله ان الاشغال انتهت ورابطت معنا !!!
والسلام
المنسدح

الاستاذ الجهني

الرائع والله انت والا القصايد بكيفها,,

تعجبني بخلقك يالخلوق

لا هنت يالغالي..
والسلام
المنسدح

استاذنا الوافي
وجا الذيب وكفّا ووفّا ,,
وعلى ذكر النوم ,, انا اشهد انه نعمة من حرمها لا تنشد عنه,,

والله شرفتنا بإطلالتك يا وافينا
وان شا الله يجيك النوم وتعرفه وترجع المياه لمجاريها,

تحياتي لك يالغالي

والسلام

المنسدح