في سنين مضت وانقضت
وذكريات حلوه

كانت هذه الردية بيني وبين عملاق الشعر

الغالي ابو خالد البجادي

تـقـدير لبو يوســف دعـــاني ولبّـيت=أكـتـب شـــعر لـو القـمر غاب نوره
العام اقول البـيـت في ساقة البـيـت=واليوم اشوف البيت مهدوم سـوره
مـا يـنـفـع الولهـان تـرديـد يــالـيـت=مـا دام خـلّـك ما تــراعي شــعـوره
يـبقى الأمل منها على كف عفريـت=دوري خــلاص وبــاقي اليـوم دوره
السّـر ما يخـفى على ذايـع الصـيت=لـو قـــال مهما قــال تـبقى جـــذوره
حب الشرف يحميك عن دخلة البيت=ان كـان لـــك عـورة فـلنـاس عـوره
وانا يا ابو يوسـف من الحـب ملّيـت=من سبّة اللي حـط في القلب صـوره

وهذا ردي المتواضع على الغالي ابو خالد

اهلا هلابك يابوخالد وحييت = الطيب يعلن في حضورك حضوره
هذا أسف اقدمة يمكن اخطيت= وذكرتك ايام وليال مهجوره
وانا لأمرك يالبجادي تحريت = والخاطر المكسور نجبر كسوره
ماض العمراحلام لوعنه صديت = في دفتر الأيام تقراء سطوره
واليوم ماشيي يتخفى لواخفيت = ايضا ولايمكن نداري شعوره
ولاكل من قال اني حبيت حبيت = ولاكل من عاش الهوى ذاق جوره
في حبي الأول رقيت وتعليت = وغيري ينبّش بالرذيلة قبوره
وياما تعديت الأماني وعديت = احلى ثواني عشتها قرب (نوره)
حد الأمل رغبة وفيها تهنيت= وأخذت معها ف اول العمر دوره
بس للحقيقة تاالي العمر مليت = وخلدت للراحة وهم البزوره

المشاركة الأصلية كتبت بواسطة حسن المحمدي (المشاركة 871923) محجوووووز

المشاركة الأصلية كتبت بواسطة wafei (المشاركة 871928) ................ ... الله الله الله صوت وصدى بين شاعرين عملاقين معزوفتين رائعتين ااروت وستروي كل ذائقة شعرية ابو خالد ابدعت وابدع ابو عبدالله ولاغرابة في ذلك فأنتما موطن للابداع ...

المشاركة الأصلية كتبت بواسطة الراقيــة (المشاركة 871931) قصيدتين رائعتين صحت السنتكم ومشاعركم ولاهنتوا

المشاركة الأصلية كتبت بواسطة راع المشاعر (المشاركة 871959) العام اقول البـيـت في ساقة البـيـت واليوم اشوف البيت مهدوم سـوره الله ياكبير الله ياعملاق الله يابو خالد ابداع من عمالقة شعر ولا غريب الابداع من ارض الابداع