يا غالي اكتب غلاك بقلب محبوبك = لولاك أنا ما كتبت الشعر لولاكا
تنثر ورووود المحبة واتبع أدروبك = من وين ما رحت ابا أمشي مثل ممشاكا
الفكر لا سج دايم رايحٍ صوبك = يعيش لحظه بلحظه طيب ذكراكا
مندوبي القلب وانت القلب مندوبك = غلاك عندي يزيد أقول ما اغلاكا
في عالم الفن لو شافوك هجوبك = على غلاف المجلة شوف ما احلاكا
يا ليتني شك وإلا خيط في ثوبك = وإلا احمر الروج لا زينت به فاكا
ما أحلاك ما حلى كلامك عايش أسلوبك = ما غيرتك السنين وعالمك ذاكا
ما فيك عذروب غير الطيب عذروبك = يا طيب الأصل طبت وطاب منشاكا
الطيب منك أنت وانت الطيب منسوبك= لو يزعل الناس أبيع الناس لرضاكا
ياليتني يا لطيف الروح مشروبك = لا روق البال أطالع في محياكا
اشتقت لك والشقاء في قلب محسوبك = رد الفرح وسط قلبٍ ما تعداكا
ادعي من القلب ربي يغفر ذنوبك = لو غبت عني شهر ما غاب طرياكا