ترى نار الهوى نار ٍ تضاعف بالحشا نارين = من اسباب المحبه حرها في وسط وجداني
ثمن حب الوليف اللي زرعته من ثلاث سنين = حرق نصف الفؤاد ومبتدي فى نصفه الثاني
غلاه ايعيش في قلبي ويحرقني بحين وحين = الى منه طراليٍ ثار حبه تقل بركاني
غيابه عن عيوني يوم كنه يافهد شهرين = انا بين العرب عايش تقول اعيش وحداني
بعدما غاب عن عيني سهرت الليل والليلين = حزين ٍ وانتظر لحظة رجوعه سيد خلاني
على الله صاحبي يرجع وتفرح فى لقاه العين = ويبقى عند ظني صادق (ن) لي ماتناساني
ابو-و جه ٍ مثل نور القمر في ليلة العشرين = جمال ٍ يوسفي في وصفها ماشافت اعياني
بياض الوجه داخل به حَما ر ٍ لوّن الخدين= يعذبني ليا منه ضحك في طرف نعساني
سواد الليل من فوقه ومسترسل على الكتفين = ومبسم ناعم ٍ يسحر مثل خاتم سليماني
اضيّع يوم أوصفها ملاكٍ كامله بالزين = قليل اللي يشابها ولو اتروح لبناني
يروح العقل من زينه يجنني ترى تجنين = انا المفتون في زينه وبٌعده سبّبْ اجناني
ترانا يا نظر عيني على هاك العهد باقين= وابا اصبر وانتظر حتى تعود وتمسح احزاني
لك اشواقي من اعماقي وفي حكم القدر راضين= اما نينا تحقق لا ملكتك والعمر فاني

على درب الهوى اللي لايعٍ قبلي قلوب رجال= سريت وصرت مثل اللي سرا فالليل منجومي
سهرت وزاد همي يوم صبري فاليالـي طـال = واظن ان الهوى هو الذي سبب لـي همومـي
تعب قلبي وزاد الحمل وحمول القلـوب ثقـال = واثر من يفقد الغالي يعيـش وهـو مسقومـي
وحارت دمعة عيوني وخيـل فالعيـون خيـال = خيالٍ ماطـره مافيـه لا بـرقٍ ولا غيومـي
ورقص قلبي على النغمه بعد ماغرد الجـوال = وحار الدم فعروقي وضاعت جملـة علومـي
وقالتلي علامك مرتبـك وش فيـك يارجـال = تحاول تكسر الحاجز وظن اليوم هـو يومـي
وجاوبت الجواب اللي عليه من الالـه ظـلال = وانا ماني مصدق ماحصـل واظنـه حلومـي
وقالت قصر الموضوع مانبغا الكـلام جـدال= وتوادعنا وعيني ودعـت مـن بعدهـا نومـي
وقمت ابحث بجوالي احسب ان الرقم مـازال = واثر جوالهـا يزهـم بليـا رمـز ورقومـي
وغابت بس انا مديت في رجوا لقاهـا حبـال = وطلبت الله عسى ماني بشوفتهـا بمحرومـي
ولا وجدي عليها وجد من حارب ميـة خيـال = وشاف الموت بعيونه وهـو يطيـح ويقومـي
ولا وجدي وجود اللي فقد فالحرب خمس عيال = كبيرٍ طاعن فالسن وفـارق خمسـة قرومـي
على بنت لها بين الضلـوع وفالحشـا منـزال = تثنت وسط قلبي ودعـت قلـب لعنـا يومـي
معربت المناسب تفتخـر مابيـن عـم وخـال = اقول الحق واعلنها واظـن القصـد مفهومـي