|
وش هقوتك باللي سرى تالي الليل.......؟(مصافحه)
وش هقوتك باللي سرى تالي الليل = مـتـنـحـرٍ درب الـمهـالـك لحـالـه يوم انها كـثـرة عـلـيـه الغـرابـيـــل = والصدر ضاق وخبث الوقت باله وضاقت به الدنيا ولاعاد به حـيــل = وزاد الحزن والقلب زاد اعـتلاله حمل فـراشه والعـزب والمعامـيــل = واركى على جيبٍ يسابق ظـلالـه يبي ديارٍ أمـس قـالـوا بهـا سـيـــل = يبي نـفــودٍ حـايـر الـمـاء بجـالـه يبي يتعـلى عـلـه يـشاهـد سـهـيــل = يـبـي يـنـادم كـل نـجــم بـدالــــــه يبي يـشـب بيابـسـات الـغــرامـيــل = في راس طعـسٍ يتعب اللي رقاله يبي يـبهـر دلـته باخـضـر الـهـيــل = يـبي يـفـوح فـوق الارطـى دلالــه يبي يغـنـي بالـلحـن والـمـواويــــل = يبـي يـبـدد بالـصـحـاري هـبـالـــه وإلى صفى راسه بـدا بالـتهـالـيــل = وسبح بحـمد الله وخـلـى الجهالـه ولاحـدٍ معه يفك الاطناب ويـشـيـل = ولاحـدٍ يـزود بالـرحيـل انـفـعـالـه لطاب شفه من هـوى البر بالحيـل = يرحـل على كيفه متـى ماطـرالـه ياكـثـر مانـبغى ولامـن محـاصـيـل = ماكـل مـن يـبـغـى لـشـيٍ يـنـالـــه هـذي أمانـي والامانـي تـعـالــيـــل = تـسـلى بهـا نـفـسٍ تعـثـر مـنـالـه احمد بن عبدالرحمن العريفي (نديم المجره) |
رد: وش هقوتك باللي سرى تالي الليل.......؟(مصافحه)
يبي يغـنـي بالـلحـن والـمـواويــــل
يبـي يـبـدد بالـصـحـاري هـبـالـــه الله الله عليك نديم المجرة فكرت وأبدعت من خلال هذه الذائقة الشعرية صح لسانك وتسلم اناملك . ومنور الوئام بهذه الإطلالة وحياك الله ... |
رد: وش هقوتك باللي سرى تالي الليل.......؟(مصافحه)
صح لسانك مليوون
اخوي احمد وجودك بالوئام مكسب كبير سعدنا بانضمامك لنا اعجبتني عندما ذكرت مناسبة القصيده التي نقلتها الاخت شموع تحياااتي لك |
رد: وش هقوتك باللي سرى تالي الليل.......؟(مصافحه)
صح لسانك شاعرنا أحمد العريفي
وسعداء بانضمامك لنا |
رد: وش هقوتك باللي سرى تالي الليل.......؟(مصافحه)
احمد العريفي.
ياهلا ومسهلا بك سعداء بنضمامك يالغالي.. وصح الله لسانك قصيده جزله من راس جزل .. ومادمت راعي بر وطلعات خلك حولي يابعدي. ولاتشيل هم ماني بقايل لك زهب خيمتك لين ماشوفك طايبن خاطرك. نديم المجرة... داام ابداااعك ولاتحرمنا هذا التميز. ودمت بخييييير |
رد: وش هقوتك باللي سرى تالي الليل.......؟(مصافحه)
قصيده رائعه
صح لساااااااااانك وحياك الله بين إخوانك ونتمنى لك إقامه سعيده في ربوع وئامنا |
رد: وش هقوتك باللي سرى تالي الليل.......؟(مصافحه)
نديم المجره
من يوم قريت اسمك وانا قايل انك شاعر جزل قصيده رااااقيه جزله متكامله زدنا اخي الحبيب ولا تحرمنا شرفت بك منتديات الوئام تحياتي وتقديري |
رد: وش هقوتك باللي سرى تالي الليل.......؟(مصافحه)
حيا الله الشاعر نديم المجرة كتبت فأجدت فأبدعت قصيدة جميله راااقت لي كثيرا قوة المعنى والمبنى بسهولة اللفظ جزله من رااس جزل ياكـثـر مانـبـغـى ولامـن محـاصـيــل مـاكـل مـن يـبـغى لـشـيٍ يـنـالــــــــه هــذي أمـانـي والامــانـي تـعــالــيــل تـسـلـى بها نـفـسٍ تـعـثـر مـنــالــــه صح لساانك مدد بلا عدد ورفع الله قدرك وحياك الله في منتدى الوئام فاهلاً وسهلاً بك دمت ودااامت سعاادتك |
رد: وش هقوتك باللي سرى تالي الليل.......؟(مصافحه)
...............
... بداية جميلة وموفقة من خلال هذه القصيدة الجميلة والمعبرة سلمت يداك كلك ذوق ... |
رد: وش هقوتك باللي سرى تالي الليل.......؟(مصافحه)
.
. . حبك شاعر كبير وانت كبير يا احمد صافحتنا بالشعر وننتظر الكثير من مصافحاتك فـ كفوفنا عرقى !! |
| الساعة الآن 58 : 07 AM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas
[ Crystal ® MmS & SmS - 3.7 By L I V R Z ]