وَلْ ياعصر الذيابه والصريف=وْهِبّ ياذيب(ن)عَرَفْ يحيا بها
يوم دوره مايجاريه الحصيف=والعرب ما تطعن بأنسابها
راح يبحث مايبى هيل (ن) وكيف=همَّه الأول بْفَرس اذنابها
الغدا شرَّق وهُو شَمَّل هَرِيف=والقوايل نَار من يَاطى بَهَا
كِل مايرسِي على صيد ويحيف=تنزع حظوظه جميل ثيابها
الشجاعه مالها كـم (ن) وكيف=لكن صروف الزمن واتعابها
لو ذراعك يستوي خنجر وسيف=رزقك اللِّي إنكتب بكتابها
لاتحاول بالغنم خَلَّكْ شريف=والضعاف أغلق عليها بابها
والقوي لاجاك مارحَّب بضيف=لا تحسّب للئيم حسابها
مزِّق ضلوعه وكِل يَاَمَا تعيف=مالخشمه غير واطِ ترابها
الفُرَص مثل المنايا للضّعيف=والشّجَاع اللِّي هَتَكْ جِلْبَابَهَا
بين برد وبين حر وبين صيف=السُّحُب من شافها حيَّا بَهَا
لَكِنَ الذيب بْخَيَاله كمّ طيف=رَكّبة رب البشر باصحابها
الغنم ومْن البشر بس السخيف=يقطع الذيب الشريف رقابها

المشاركة الأصلية كتبت بواسطة أبو خـ البجادي ـالد (المشاركة 867364) بين برد وبين حر وبين صيف السحب من شـــافها حيّا بـــها الله عليك يا ابو يوسف صح لسانك وتسلم هذه الأنامل التي تخط أجمل الحروف . بس انت قطوع من الدرجة الممتازة غياب في غياب .. عاد تصدق كتبت رد على النسخة اللي انحذفت وبقدرة قادر طفى الجهاز وراح الرد المتعوب عليه والحمدلله صار في الأمر خيرة .. دمت لنا شاعرنا الغالي ونسعد بتواجدك وتفاعلك ..

صح بدنك اخوي الغالي والقدير // ابو خالد

ومهما طال الغياب اللي في القلب في القلب

وقدرك يابوخالد فوق راسي

عسى ربي ما يخليني منك ومن معرفتك

الظروف وما ادراك ما الظروف ..؟

تخلي الواحد ياخذ مرتبه الشرف في الغياب


تسلم يابعدي شرفني حظورك العطر



دمت بحفظ الرحمن




مودتي

نعود للابداع،خيي ابو يوسف مبدع كالعاده ولاغرابه في ذلك
قصيدة جزله بالفاظها وساميه في معانيها
اعجبتني جدا وراقت لي،
الشجاعه مالها كم (ن) وكيـف********لكن صروف الزمـن واتعابهـا
لو ذراعك يستوي خنجر وسيف********رزقـك اللِّـي إنكتـب بكتابهـا
لاتحاول بالغنـم خَلَّـكْ شريـف************والضعاف أغلق عليهـا بابهـا
والقوي لاجاك مارحَّب بضيـف*********لا تحسّـب للئـيـم حسابـهـا
مزِّق ضلوعه وكِل يَاَمَـا تعيـف**********مالخشمـه غيـر واطِ ترابهـا
الفُرَص مثل المنايـا للضّعيـف************والشّجَاع اللِّـي هَتَـكْ جِلْبَابَهَـا
بين برد وبين حر وبين صيـف************السُّحُب من شافهـا حيَّـا بَهَـا
ابيات رائعه جدا،،استطيع القول انها مليئه بالحكم والمعاني الساميه
وخاصه(المعنى الحقيقي للشجاعه _ عزة النفس او الكبرياء .... الخ) جميله جدا تلك المعاني ،
قصيدة ذهبيه طرزت بمداد رائع من القيم الجميله والراقيه،
ابيات حوت الكثير والكثير من جماليات الشعر من المحسنات البديعيه والبيانيه،،اخي كانت قصيدتك لوحة رائعه وروضة غناء حوت الكثير من الورود والزهر الذي توشحت به تلك اللوحه
صح لسانك اخي مدد بلا عدد
دمت بسعاده دائمه اخي

المشاركة الأصلية كتبت بواسطة حسن المحمدي (المشاركة 867582) الغالي ابو يوسف صح لسانك وعلا شانك يقولون مصائب قوم عند قوم فوائد لنني كتبت بيتين على النسخه المحذوفه كمجاراه لكن الحمد لله انها حذفت لأن تخاريفي تتقزم امام ابداعك سجل اعجابي اخي الحبيب وتقبل تحياتي

اخي الغالي والقدير // حسن المحمدي

يعلم الله لما لك من معزّه في قلبي وقدر كبير جداً

وياليت القصيده لم تنحذف عشان يشوفون الناس

كم انت رائع بهمسك وبوحك وشعرك

دئماً أخي الحبيب الكبار هم اصحاب التواضع

وانت بلا شك منهم وتبقى كبير في قلبي

ويبقى قدرك سامي ..


دمت كما تحب




مودتي