|
ماذا اعددتم لرمضان
مع اقتراب حلول هذا الشهر المبارك جعلنا الله واياكم من الصائمين القائمين ماذا اعدتتم لرمضان؟؟؟ سؤال يتبادر كثيرا هذه الايام في المجالس النسائيه الاجابه غالبا واحده رحنا للمحل الفلاني وكان زحمة موووت كأنه يوزع ببلاش بس الحمدلله قدرنا نشتري كل مقاضي رمضان طبعا وماهي المقاضي اشكال والوان من المؤكولات والمعلبات بمختلف انواعها واشكالهاتكفي لعام كامل وليس شهر وكان البيوت اصبحت فارغه من الاكل عادة ذميمه لا ادري متى سوف نتخلص منها وكان قد انطبع في عقولنا ان رمضان شهر الاكل المصيبه ان نصف هذه الاغراض قد تنتهي صلاحيتها وهي لم تستخدم ونصف الاكل الذي يتم اعداده يوميا خلال الشهر مصيره سلة المهملات بالرغم من الجهد والتعب وضياع الوقت في اعداده وانا لا الوم الزوجه وحدها في ذالك بل الزوج ايضا ملام فكثير من النسوة يشتكين ان ازواجهن هم من يطلبون منهن ان تكون سفرة الافطارمليئه بما لذ وطاب اتمنى فعلا ان نبدا بتدريب انفسنا بالتخلص من هذه العاده الذميمه وان نعي تماما ان شهر رمضان شهر صوم وعبادة وان القليل من الطعام بإذن الله فيه البركه....... |
اهلين بنت عنيزه ......
موضوع جا في وقته بصراحه يعني بالفعل تشوفي الناس موائدهم مليئه بالاكل وكانهم مااكلو منذ قرون وهذا شي سيئ وتبذير واخرتها في الزباله وتشوفي القطط من كثر الاكل تصير اسمن من خروف العيد والله من جد لازم نعود انفسنا واجيالنا على عدم التبذير والاسراف وشهر رمضان في الاكل زيه زي غيره كله واحد بس الناس لما تصوم تشوف انها في حياتها مااكلت ;) وبالذات الرجل كانه مااحد صام الا هو :rolleyes: مع العذر انا اقول الصراحه:D :D :D انا راح اختفي عن الانظار بعد هذه الكلمه ساصبح غير موجوده في الخدمه مؤقتا الى ان تهدا الاوضاع ومشكوره يالغاليه على هذه المواضيع القيمه تحياتي |
للجميع التحية والسلام
اقول رنيم انتي وبنت عنيزة ..:mad: شكلكم عاملين حملة ضد الرجل في المنتدى اليوم ..وش السالفة اقول والله الرجال مسكين .. شهر رمضان شهر خير ومغفرة .. ولكنه بالنسبة للرجل من ناحية المصروف شهر ..الطواريء .. مقاضي رمضان ..وبعده تاتي السكتة ..المصروفية وهيا العيد .. لكن الله يعين .. وبالنسبة لرمضان ..فعلا الانسان لما يجوع يصير يتخيل كل الاكلات اللي يحبها ..وهذي المشكلة .. وفي اعتقادي الحل ..شراء الحاجات للطبخات على فترات ..وخصوصاً للبيوت الصغيرة .. سلاااام وبطلوا حرب :D |
مرحبا...بنت عنيزه.,..
ه المره..لعبتيها صح... فعلا...اول مايجى..رمضان.....الشى الوحيد..الى نسويه الهجوم على المحلات..والسبورماركت.. تقولين..ماكاننا صامين..طول السنه..والحين .جى وقت الاكل..مو العكس.... الله يساعدنا..على الافاده من العباده..ويرحم.. البطون من كثر الاكل... شهر الاكل..والمقاضى..والباحث..خلاه طوارى..بعد.. الميزانيه تخترب فى ه الشهر...... :) سلام... |
مرحباااا بالجميع
رنيم..... الباحث عن...... ابس مشكورين على التعقيب تصدقون عاد توني جايه من سوبرماركت:cool: ولاتفهمون غلط:o كنت رايحه اشوف جايبين تموين كفايه للناس خلال رمضان والا لا:D المهم والله انه شي خياااااالي الزحمة كانت بشكل غير طبيعي يمكن لو كان في امكانيه ان الناس يمشون فوق بعض كان ماقصرو ياربي والله من جد عاااده سيئه جدا جدا ياليت لو نتخلص منها .. مايجينا الا نرحم اصحاب المراكز من زحمة الارباح :rolleyes: مشاء الله اللهم لاحسد :D ....... |
مرحبا بالجميع
يا جماعه مسألة الشراء قبل رمضان بكم يوم أعتقد إنها أصبحت مسألة عادة ...على فكرة أنا بأنتقد وضع للأسف أعيش فيه مع الوالدين الله يطول بأعمارهم..يعني ليش ما نجهز أغراض رمضان من شهر رجب مثلاً وبكده راح نتلافى عدة أشياء أهمها الزحمه وإستغلال بعض التجار باللي يرفعوا الأسعار حتى ملابس العيد مثلاً على مستوانا كرجال , ليش مانجهز ثيابنا ونخيطها قبل رمضان ..عندنا في جده مثلاً الثوب يخاط ب 80-100 ريال, ومن منتصف شعبان السعر يصير من 100-140 ريال (طبعاً خياطه فقط من غير قماش) والله الظواهر دي نفسي إنها تنتهي ونتعدى مرحلة إنتقادها الى مرحلة البدء بتنفيذها الف شكر أختي العزيزة بنت عنيزه على الموضوع الرائع تحياتي |
مرحبااااا بك اخي محسون يعيطك العافيه على هالاضافه مهي فرصتهم للتلاعب بالاسعار وعلى قولتهم يصير الطاق طاقين واذا حاولت تنزل من السعر مايعطون وجه لانهم عارفين ومتأكدين اذا ماشريت انت في الف واحد غيرك بيشتري ياليت بس لو يتعاون الجميع على ترك هالظاهره لكن ياليت ماتعمر بيت:rolleyes: المطلوب بس تدريب انفسنا شوية شوية على ترك هالعاده الذميمه لاجل نرحم انفسنا شويه من هالزحمه ونرحم جيبونا من هالاستنزاف المادي..... الله يعين الجميع تحياتي لك اخوي محسون...... |
| الساعة الآن 42 : 09 AM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas
[ Crystal ® MmS & SmS - 3.7 By L I V R Z ]