بسم الله الرحمن الرحيم


السلام عليكم ورحمة الله وبركاته





دايم السيف

بدر بن عبدالمحسن

أرفض .. المسافة
والسور .. والباب والحارس ..
آه أنا الجالس ورى ظهر النهار ..
ينفض أغبار .. ذكرى
أرفض .. يكون الإنتظار .. بكرا
أبسقي ..عطش قلبي اليابس..
على اشفاهي ..
بقول أحبك ..



أرفض إني أموت في قلبك
مادرى بموتي أحد .. حتى أنا
أرفض الصورة .. على الرف البعيد
وجهك المحبوس في ورق وحديد
أرفض احساس الحبر
وجرح سكين السطر ..
أرفض الليل ..الحصار
حبنا خلف الجدار



آه أنا الجالس ورى ظهر النهار ..
أنفض أغبار ذكرى
أرفض يكون الإنتظار .. بكرا
مثل البكا .. حبيبتي تحتاجني ..تحت الظلام ..
ومثل الفرح .. حبيبتي أحتاجها .. وسط الزحام
الحب علمها السكوت ..
والحب علمني الكلام ..
أرفض الصمت .. الحوار
بيننا .. خلف الجدار ..


أبسقي عطش قلبي اليابس ..
على شفاهي .. بقول أحبك ..
أرفض إني أموت .. أموت في قلبك
مادري بموتي أحد .. حتى أنا



بدر بن عبدالمحسن

تساوت عندي الدنيـا تسـاوت=وهي يومك قريب(ن) لي تفاوت
حياتي عقب نورك مثل ليل(ن)=جميع نجومه من أدنى تهـاوت
ألا يا ناصح(ن) بالطب روحي=تراها لو لقت طب(ن) تـدوات
ولكن من يعوّضنـي بخـل(ن)=معاليق الضماير بـه تـلاوت
أنا وياه مـن عهـد الطفولـه=مثل قلبين في صدر(ن) تخاوت
يجي عقبه فرح و إلاّ حزايـن=تساوت عندي الدّنيـا تسـاوت

ألا يا ناصح(ن) بالطب روحي = تراها لو لقت طب(ن) تـدوات
ولكن من يعوّضنـي بخـل(ن) = معاليق الضماير بـه تـلاوت
أنا وياه مـن عهـد الطفولـه = مثل قلبين في صدر(ن) تخاوت
يجي عقبه فرح و إلاّ حزايـن = تساوت عندي الدّنيـا تسـاوت

يـا مبـعـدٍ عـنّـي خيـالـك قريـبـي = بالحلـم زولـك حاضـر مايغابـي
يـا روح روحـي منـك شقيـت جيـبـي = وعليك صحت و نحت من حر مابي
يـا صاحبـي صـار العنـا مـن نصيبـي = و هلّت دموع العين و الراس شابي
مـن لوعتـي مـن حسرتـي يـا حبيبـي = من دمعتي من عبرتي من صوابي
عالـج فــؤادي يـاهـواي و طبيـبـي = يا غايتي يا سلوتـي يـا عذابـي
ان غبـت عنّـي كــل شــئ يغيـبـي = و ان كان شفتك فاز قلبي و طابي
بالله شفنـي مــن غـرامـك صويـبـي = كنّي عضيض الغلث ممّا جرا بـي
اونسـت مـن فرقـاك حــر اللهيـبـي = و ناديت يالمملوح من ماصطابـي
نـاديـت لـكـن مالصـوتـي مجيـبـي = و عضيت راس ابهام كفّي بنابـي