لبيك ياصوت على الحق ناديت=ياداعي المسلم إلفرضه ايصلي
حييت من كل الملايين حييت=افلحت ياصوت على الخير دلي
ياسامع الاذان في كل توقيت=واحد وكبر وستمع له وهلي
اقبل على الله كل ماصبحت وامسيت=وصل الفرائض حاظر مبتهلي
فرض عظيم لازمك وين حليت=وعرف ترا اللي مايصلي إمولي
ماتقبل اعمالك ولو كان حجيت=الا إلى صليت مع من يصلي
ياسعد عينك كان للفرض صليت=أوقرد حال اللي عن الخير ضلي
دنيا بليا دين شر وتشتيت=مهما يكون الشخص عايش إمعلي
لابد من يوم يجي بالخبر ميت=وحل إبمحل السوء بئس المحلي
لا شك ياللي في حياتك تماديت=واهلكت نفسك باالرذايل امدلي
حضر جوابك يافتى ويش سويت=با العمر كله راصد لك إسجلي
كل العمل مرصود لحسنت واسويت=تحصا لك الاعمال دقه وجلي
تندم على مافات وتقول ياليت=ياليتني طعت الذي ناصح لي
ياليتني حجيت والمال زكيت=وياليتني صليت وقت حصلي
كد قال الاول ليت ماعمرت بيت=هيهات يرجع مامضالك وزلي
دنياك هذي يافتى لو تهنيت=لا بد ماياتي مع العز ذلي
راجع رصيدك ويش قدمت وابقيت=قبل الوفاة اللي لزوم تحلي
جدد مع الله توبتك كل ماخطيت=الله غفور إلطالبه مايخلي
خذها نصيحة واحد ماتحريت=اهدي النصيحه دايم عادتلي
ماحج بيت الله وماطاف بالبيت =على النبي ازكى سلامي وصلي

صح لسان .. الصقري ..

وتسلم يمناك .. البداح ..