|
التباريح,,,
ودع الصبر المخيم على البال الوسيع .. .. .. .. .. .. .. وانتبه لا تطرق ايديك باب المستطاع .. هات روس المستحيلات وأقرنهن جميع .. .. .. .. .. .. .. أنت جايع والمشاريه من حولك جياع .. جعل حظك ينبت الورد ما ينبت ضريع .. .. .. .. .. .. .. صرخةٍ من واقع الحال تعطيك اندفاع .. خابر إن الضيق فـ الجاش والقلب الوجيع .. .. .. .. .. .. .. ما درت عنه التباريح وكبود الشباع .. أمسك الضلع القصير قلم سحر وبديع .. .. .. .. .. .. .. والدقل باقي ضلوعك تعلق به شراع .. ارسم البسمات والشمس وأزهار الربيع .. .. .. .. .. .. .. وأفتخر لو كان ما من عبير ولا شعاع .. السنين أوحش من الليل في عين الفجيع .. .. .. .. .. .. .. وأكذب من الذمة اللي مخابيها وساع .. ليت غايات النفوس العفيفة ما تضيع .. .. .. .. .. .. .. بين قلة ذات الأيدي وسطوات السباع .. لا رعى الله من تولى سياسات القطيع .. .. .. .. .. .. .. استطاب الجمر والجمر ما يصلح متاع .. وين حق الناس مثل المهادي مع سبيع .. .. .. .. .. .. .. مزج ما بين التفاني وعلم الإجتماع .. ينفطر قلب الحمامه على الغصن الرفيع .. .. .. .. .. .. .. والورق يندى محياه من نزف اليراع .. كم وديع ٍ مقدر أقول ياهل الوديع .. .. .. .. .. .. .. بينك وبين الوداعه مساحة واتساع .. لاتغرك ضحكةٍ في فم الطفل الرضيع .. .. .. .. .. .. .. آه لو تدري بما بعد ضحكات الرضاع .. وكم فقيرٍ كل ما حاول إنه يستطيع .. .. .. .. .. .. .. ما لقى له من يد الفقر تسليمة وداع .. لو بدا له في الدجا نجم واقتاده وزيع .. .. .. .. .. .. .. .. تاليته يودع الصبر ما للصبر داع .. يمكن أن الجرح ما مر في عمره سريع .. .. .. .. .. .. .. بس عمره مر فـ الجرح من بدري وضاع .. ناصر بن ثويني العجمي |
رد: التباريح,,,
رااااااااااااائعه راااااااااااااااائعه
كلمااات وشيله وربي هيضتني صرت اغني وانا بلحاالي الطرقي رائع منقوولك والاتحرمنا من ذووقك الرفيع وصح لسان الشاعر دمت يالطرقي مبدع |
رد: التباريح,,,
.
// . إبداااااااااع و قمة الروعه رائع ناصر بن ثويني في كلماته ورائع سعد اليامي في أدائه رائع يالطرقي بذوقك الرفيع مودّتي . // . |
رد: التباريح,,,
رائع منقولك الطرقي وصح لسان الشاعر وياليت كل المنقول مثل ما نقل الطرقي
كل الود |
رد: التباريح,,,
...............
... رااائعة ومعبرة ابدع بن ثويني واحسن الطرقي الاختيار شكراً لذوقك الرفيع كلك ذوق ... |
رد: التباريح,,,
بسم الله الرحمن الرحيم
الطرقي السلام عليكم ورحمة الله وبركاته يعطيك العافيه على روعة اختيارك قصيده رائعه ومن اروع القصــــــــــــــائد بارك الله فيك وفي روعة اختياااااااااارك اخوك الحســـــــام |
رد: التباريح,,,
خلف لك الف تحيه على مرورك العطر بس نصيحه مني لاتغني وانت لحالك يحطونك ((مهبول)) وحيد الشرقيه الاروع مرورك الجميل تحيااتي لك ابو رائد الف شكر لك اخوي اسعدتني بمرورك الجميل لك مني تحيه عطره واافي تحياااتي لك على مرورك الرائع الحسام هلا بك ياحسام الشعر اسعدني مرورك لك مني اجمل تحيه |
| الساعة الآن 52 : 11 AM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas
[ Crystal ® MmS & SmS - 3.7 By L I V R Z ]