|
المسلسل المكسيكي المدبلج بالسعودية؟
تررررررررن تررررررررن ..صوت الجرس يرن والده نينيتا: نينيتا اقحصي وافتحي الباب يا بنيتي نينيتا :حسنا حسنا يا أمي اصبري شوي البس نعالي من الطارق: فتحت الباب .استرا خان وش عندك جاي وش تبي فيني. أهو موب من حقي اسلم على حبيبة قلبي نينيتا ولا ما تبيني اسلم نينيتا(طرااااااااخ كف على وجهه) جاي تسلم علي بعد ما شفتك مع ذيك المغفلة ضف وجهك ولا عاد تقبل علينا طلع استرا خان وهو حزين ومتنكد وهو في الطريق سوى حادث والسبه نينيتا وبعد برهة..ترررررررن تررررررررررررن صوت التلفون يشبه صوت الجرس الخادمة:منزل رابين كارلوس من معي؟؟ الو أنا الدكتور اوكيستو هل لي أن أتحدث من نينيتا؟ نينيتا:الو من أنت وش عندك بعد اوكيستو:أنا الدكتور اوكيستو وبصراحة مدري وش أقولك بس استرا خان تعرض لحادث مروري وهاهو الحين عندنا مرقّد بالمستشفى آآآآآآآآه يا إلهي هل أنت محق فيما تقول .....ذبت السماعة وأغما عليها والدتها:ااااااااااااااااااااه الحقوووووني ماذا دهاك بابنتي ......؟؟؟؟؟؟ اخضروا الماء والعطر نينيتا:أمي هيا بنا إلى المستشفى لقد سوى استرا خان حادثا وهو في حاله خطيرة الأم:حسنا حسنا طيب هيا بنا لنخرج بس دقيقه بغير هدومي نينيتا:حتى أنا بغير هدومي بس يا لله بسرعة وفي المستشفى: عند الرسبشن(الاستقبال( نينتا:من فضلك أريد غرفة استرا خان ماكسيما الرسبشن:روحي لأخر غرفه في السيب حسنا شكرا لك..هيا يا أمي انجزي بسرعة وعند باب الغرفة: يمه أخاف ادخل عليه ألقاه مكسر امشي بس يا بنيتي سمي ولا عليتس إن شاء لله والمفاجأة الكبرى عندما دخلت..........وجدت عشيقته لورانسا بجانبه نينيتا:بعد بعد هذا اللي ناقص وصلت فيك المواصيل انك تناديها عندك ولا وين بالمستشفى بعد الشرهة ميب عليك ولا عليها الشرهة على المتخلفة اللي تعبت نفسها عشان تزورك استرا خان:لورانسا هيا اخرجي أنا لا أحبك، نينيتا حبي الوحيد هيا اخرجي لورانسا:حسنا سأخرج ولكن سأوريك شغل الله مضبوط بس اصبر علي أنت وذا الحقيرة هه <<معصبه وطلعت استرا خان:تعالي بقربي حبيبتي تعالي هيا قربت نينيتا وعيونها تصبصب دموع قام استرا خان ومسحها لها وقال لا داعي لها ابتسمي نينيتا:استرا خان لماذا دعوتها عندك بالمتشفى؟؟؟؟ ألست أنا من أحببت إذن اتركها تكفى ودعنا نتزوج استرا خان:تأمرين أمر أصلا مدري وش جابها عندي(أبوك يالترقيع) خلاص يا روحي بكره بطلع من المستشفى ونتزوج اوكي؟ اوكي حبيبي قربت رأسها لمه وشوي شوي قربوا وبعدين فاصل إعلاني مع ملاحظه قطع المشهد الأخير ===================== اعلانااااااااااااااااااااات نتابع معكم المسلسل المكسيكي المدبلج (لماذا يا حبيبي لماذا( ===================== جا بكره ورجعوا للبيت وطق استرا خان عليهم الباب ودخل وكلم الأم عمه أنا جاي اخطب بنتك نينيتا وأبيها على شرع الله يا وليدي هذي والله الساعة المباركة بس خني أشاورها ..هاه يانينيتا يا بنيتي نقول مبروك حمرّت خدود نينيتا وقالت اللي تشوفينه يمه وقامت أمها طيب قبل ما تروحين خذي رقم الطقاقات من جارتنا اليفتيا عشان نسوي عرس وطقطقة وننبسط ولا تنسين تتصلين على الصبابات بعد استرا خان:أخيرا يا روحي تزوجنا ماني مصدق نينيتا:الله يا استرا خان هذا اسعد يوم في حياتي استرا خان:طيب يا حبي وش بنسمي ولدنا؟ طبعا بسميه رابين على اسم أبوي <<نينيتا اللي تتكلم استرا خان:اجل بيسموني انو رابين الله وناسه نينيتا:طيب حبيبي وين بنسافر شهر العسل له؟؟ والله أنا ودي أسافر للرياض بالسعودية يقولون جوها ماهنا أزين منه غير إنها منتجع سياحي هاه وش قلتي نحجز من الحين؟ اللي تشوفه يا روحي وين ما تروح خذني معك وفي المطار....... تعلن الخطوط المكسيكية عن انطلاق رحلتها رقم 656والمتوجهه إلى مدينة الرياض عن إقلاعها بعد عشر دقائق فعلى المسافرين التوجه لركوب الطائرة وشكرا نينيتا:يا لله يا أمي نشوفك على خير إن شاء لله أول ما أوصل أدق عليك لا يضيق صدرك امووووووووه بااي استرا خان:يا لله يا عمه توصينا بشي نشوفتس على خير يا وجه الخير الوالدة:هاه عاد يا وليدي يا استرا خان ما أوصيك على نينيتا ترا ما عندي غيرها حطها بعيونك ويا لله توصلون بالسلامة استرا خان:نينيتا بعيوني يا عمه مع السلامة مشت نينيتا للطيارة ولا حظوا إنها لابسه تنوره فوق ركبتها وبلوزه مزلطه ولا جابت معها عباية في بالها إنها مسافرة لأمريكا مثلا يوم وصلوا لمطار الملك خالد نزلت نينيتا على نياتها وطلعوا من المطار وراحوا يتمشون طبعا أول ما نزلوا من التاكسي جت الهيئة ومسكت نينيتا على اللبس اللي لابستها وقطوها بالسجن(مزدين فيها( استرا خان يصيح لااااااااااااااااا نينيتا ونينيتا لاااااااااااا استرا خان .استرا خان المسكين قاعد يتكلم مع اللي بالسجن شوي ويحب رجله وذاك يقوله ضف وجهك أنا ما اعرف إنجليزي عشان اعرف مكسيكي توكل على الله مل استرا خان من كثر ما يحاول يطلعها ومع الأسف مافيه فايده رجع لديرته الوسخ وراح وتزوج لورانسا حتى ما درت أمها انه رجع والأميمة مسكينة ما تدري عن شي والمسكينة نينيتا خاست سنة بالسجن وبعدها طلعها واحد على كفالته وسفرها لديرتها بعد ما راحت لامها وقالت لها السالفة راحت لاستراخان ولقته متزوج من لورانسا النذل قامت من العصبية ثورت فيه وفي لورانسا وفي الأخير ثورت في نفسها وبكذا خلص المسلسل لكن الحلقة الأخيرة منعتها الرقابة لأنها (لماذا يا حبيبي لماذا ماشفتوه) << يقلدون طاش ما طاش وبما أن رمضان على الأبواب ما بثوا الحلقة الأخيرة... ********** عجبتني ونقلتها لكم... |
:D:D:D:D:D:D ههههههههههههههههههههه حلو هالمدبلج فاتني والله ماتبعته من البداية;) رهيبة يوري لولوة |
:D:D:D:D:D
رهيييييب هـ المدبلج .. متعوب عليه .. |
لولوة المسلسل بينعاد بس ما أدري متى؟؟؟;);)
سديم أكيد متعوب عليه(خاصة في الترجمة ):D:D تحياتي لكم... :) |
| الساعة الآن 27 : 12 AM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas
[ Crystal ® MmS & SmS - 3.7 By L I V R Z ]