اهداء للوئاميين
احوال واهوال
........
....
...
..
.

ياشيب راسي من تداوير الايام=دارت ولفت واستدارت رحاها
الشعب في صنعا يشيلون الأعلام=فيها وفي ميناء الحديده وراها
وصالح يخادعم بماني وبوهام=لوكان يقدر للذخيره شراها
مر. يتحدى باكثر اعداد وارقام=ومرٍ يلاطفهم وينخى ومراها
ومرات يستنجد بفدحين الاقرام=اهل الخليج اللي يذري ذراها
معاد تجدي لك مباهات الإعلام=الكبت ماينفع وجمع وسراها
والكذب بان وسجلت عنه الاقلام=بانت علوم مزمنه في خباها
شفنا زيود تشبه الموج لا عام=قامت تحشد حشودها وانصراها
وقدامهم في مصر في بضعة ايام=اومو بحسني لين ظيع هواها
وخلو مبارك جعل شرواه ماقام=في مزبل التاريخ يكتب خطاها
ومعمر المعتوه عريض الاكمام=ابو همول قمل راسه ملاها
خله يولي جعل مثله للاعدام=بقنابلٍ تظرب تناثر شظاها
والا بشنق يشنقه مثل صدام=ابوعدي اللي دعته ودعاها
واليوم هاجت في وصط حمص والشام=واللي يدور للمصيبه لقاها
وبشار يوعد والمواعيد قدام=يبي يداويها وضيع دواها
خيوه ماينفعك ترزيز الاصنام=والله لتعَرف خطوها من قداها
وابن على . وغيره من الناس حكام=غرتهم الدنيا بقوة دهاها
هذي شعوب نصرها في السما حام=الله وكبر كشَفت عن عراها
وحنا بدوح ٍ ظلها وارف عام=من لطته ويلات بقعا نصاها
ماهمنا اللي هام من ظمن من هام=بهيام واوهام تقطع عراها
الله يديم الامن ويعز الاسلام=في ظل حكام طوال يداها

18/5/1432 هـ

صح لسانك أخي الكريم الجسر

حقيقة، وصفت بكل دقة حال بعض الشعوب العربية مع حكامها الطغاة والمصابين بمرض يصعب التخلص منه وهو مرض "حُب كرسي الحكم" مهما كلف الثمن حتى وإن تطلب الأمر موت الألوف من الشعب كما هو حاصل الآن في بعض الدول العربية.
نسي هؤلاء الحكام بأن العدل هو أساس الحياة.

دمت بصحة وسعادة.
وحفظ الله بلادنا العربية والإسلامية من كل سوء.

أبدعت اخي الجسر
لاهنت على الجزلة وانت راعيها
قصيدة وصفت الواقع الذي عاشته تلك الدول ومازالت تعيشه
والحال الذي وصل اليها حكامها..
اخي صح لساانك مدد بلا عدد
دمت وداامت حياتك بكل خير وسعادة

اشكر كل من مر من هنا وتصفح وسجل اعجابه
كما ان لاخي( د ـ ساري الرياض) شكر خاص
لحيث انه كان بيني وبينه مساجلات قديمه

.....

اكرر شكري وتقديري لكل الاخوان والاخوات المتصفحين
اللتي وجدت اثارهم من هنا
تحياتي للجميع


.....

الجسر