هبايب الحرمان بروحي وهبّت
وسوط الحنان اللي كفربي ولاتاب

ولعبت بي آهات الوله وأستتبّت
من يوم دقّت خيمة الوجد بطناب

من غبت ناري بين الاضلاع شبّت
نار الكريم اللي يشبّه للأجناب

ومن وين ماصبيتها طيب صبّت
بفنجانك التقدير مني والآعجاب

لك رغبة الفارس بمهرن تربّت
بسطبل كل اللي ربن فيه لعقاب

يالعيطبول الحلم يالخود تنبّت
صحرى بصوتي لا تهجّيتك أعشاب

يالغانية من حبك النفس طبّت
في حلم نهرن يجري بسر الأحباب

في سرمديّه نشوة آمال لبّت
وأغتبت منها كل ماكنت أبغتاب

أعذبه بانت نجمتين وتخبّت
من تحت عنّاب الخجل ألف عنّاب

تبّت دروب البعد والهجر تبّت
والخطوة اللي مالها وجه وأسباب!!