النهر الجاري
هبايب الحرمان بروحي وهبّت وسوط الحنان اللي كفربي ولاتاب ولعبت بي آهات الوله وأستتبّت من يوم دقّت خيمة الوجد بطناب من غبت ناري بين الاضلاع شبّت نار الكريم اللي يشبّه للأجناب ومن وين ماصبيتها طيب صبّت بفنجانك التقدير مني والآعجاب لك رغبة الفارس بمهرن تربّت بسطبل كل اللي ربن فيه لعقاب يالعيطبول الحلم يالخود تنبّت صحرى بصوتي لا تهجّيتك أعشاب يالغانية من حبك النفس طبّت في حلم نهرن يجري بسر الأحباب في سرمديّه نشوة آمال لبّت وأغتبت منها كل ماكنت أبغتاب أعذبه بانت نجمتين وتخبّت من تحت عنّاب الخجل ألف عنّاب تبّت دروب البعد والهجر تبّت والخطوة اللي مالها وجه وأسباب!! |
رد: النهر الجاري
اقتباس:
صــح الله لسانك وأعتلى قدرك وشأنك أخوي عبد الله العتيبي وبيض الله وجهك ملايين ياكريم اليمين قصيده جميله وجزله من شاعر جزل ومبدع ومتمكن وبقوه شاعر ولافيك حيله ياعبد الله حفظك ورعاك اللـه ودمت أخي العزيز في خير وصحه وسلامه وسعاده دائــمــه |
رد: النهر الجاري
ماشاء الله تبارك الرحمن
رائع جدا ..~ |
رد: النهر الجاري
اقتباس:
صح لسانك ياعتيبي ... |
رد: النهر الجاري
.,
صح لساانك لاهنت اخوي عبدالله العتيبي ., قصيدة جزله وابيآآت رائعه ., يعطيك العافيه ..كل الشكر لك |
رد: النهر الجاري
..
الله عليك ياعبد الله ياعتيبي.. شاعر متمكن وتتميز بالمفرده ياخي لازم اقراء قصيدتك كذا مره ولا املها. ماقول الا دام نهرك جاري وصح الله لسانك يامبدع |
الساعة الآن 23 : 07 PM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas