رثيت العمر قبل ابدا بداية دربي المجهول=وشلت الهمّ في قلبي وقلبي ياكثر همّه
تعبت امن التعب حتى لقيت ان التعب مخذول=بكيت امن العنا حتى دمع عيني شكى غمّه
حزينٍ والحزن طبعي وحزني ناتجٍ محصول=من ظروف الزمان اللي يبث بخافقي سمّه
اسافر للفرح والقى نهاية هالفرح مقتول=واسافر للحزن والقى نهاية هالحزن قمّه
انا من جيت للدنيا احسّ ان الجروح تقول=ترى جرح الزمن قاتل وقلبك ملزم يزمّه
وشلت الجرح واخبّي همومٍ خايفٍ لاتطول=وانا ماعاد في جسمي مكانٍ همّي ماعمّه
يقولون اني متشائم وهمّي جاوز المعقول=يشوفون اني متعافي وحالي يخفي مطمّه
انا وإن سركم حالي ترى قلبي يشيل حمول=يشير حمول بإثر حمول كثير حمول ملتمّه
انا مثل السراب اللي يدوّر للسحاب وصول=انا مثل الرضيع اللي فقد قبل الفطام أمّه
اعزّ النفس واكرمها عن دروب الخطا وأقول=عزيز النفس لو عانى يصون العهد والذمّه
كريم ولاعرفت أبخل وعمري للغلا مبذول=وفيّ ولاعرفت اجحد عطا الغالين وأذمّه
رغم كل اللي يحصّلي رجايه في الولي موصول=أجيه من الألم عاني وراسي منحني يمّه
الا يالله ياربي تساعدني الاقي حلول=لهمٍ ساكنٍ صدري قتل قلبي ونزف دمّه
عليك الشكوى ياربي تنوّر دربي المجهول=بنور يسكن بقلبي يبعد همّه وغمّه

اخوي الحسام

مجرد قرائتك لقصيدتي يكفيني

اشكرك على مرورك وردك

وااااافي يالغالي

ابهجني حضورك

تقبل تحياتي

مخاوي الجرح

اسافر للفرح والقى نهاية هالفرح مقتول
.~. ~ ~ . واسافر للحزن والقى نهاية هالحزن قمّه


راااااااااااااائعة هالكلمات
راااائعة فعلاً بكل ماتعنيه الكلمة من معنى
أبدعت يامخاوي الجرح في نزف هذه الأبيات
الصمت أحياناً يكون أبلغ من الكلام
صح لسانك مليون ورى مليون
وسلمت أناملك
لك أعذب التحايا
:)

الاخ الغالي ابو منذر

ياهلا والله بها الطله

اسعدني مرورك ايّها الرائع

وازداد شرفي بردك

اتمنى ان اكون عند حسن ظنك دائماً

تقبل فائق احترامي وعظيم امتناني

مخاوي الجرح

اختي العزيزه جنان

ازدادت هذه الصفحة نشوةً بعبير ردك

صح بدنك اختي

شاكر لك مرورك

ولاهنتي على ردك

تقبلي تحياتي

مخاوي الجرح

اختي الليدي عمشا

صح بدنك

والله يسعد اوقاتك بكل خير

شاكر لك مرورك وردك

تقبلي تحياتي

مخاوي الجرح