يالله يالـلـي لصعيـبـات حــلال=يامًنـزل ايـاتـك وحـنـا قريـنـا
طالبك يارحمـن مـن درب الانـذال=باعـد خطاويهـم علـى مامشيـنـا
هذا السديري قال من ضمـن ماقـال=وش قــال بـالانـذال ياجاهليـنـا
((إن صار زود المال بيدين الانـذال=حنا من المعـروف تنـدا يدينـا ))
وفعالنـا لعيالنـا خـيـر الافـعـال=وحنا في ميـدان الرجولـة أعتلينـا
لنا مـع الامجـاد صولـة وتجـوال=ولنـا مـع الابطـال عهـد ووفينـا
دنياك ياجاهل مادامـت علـى حـال=طعـم الزمـن علقـم وحنـا روينـا
والمجد مانرخص مقامه ولـو مـال=والعـز والنومـاس لـه حافظيـنـا
يامن يدور من سرى الليـل رحـال=وعنده سؤال ؟ يذكـر الصبـح فينـا
الصبح مانمشية ولو واديـة سـال=والليـل لـو دونـه بحـر سابحينـا
اسمع كلامـي يامـدور لـه ضـلال=والشمس في كبـد السمـا تشتوينـا
علم الردي ماله مـع العـز مدخـال=ولـو زيـن اعلمومه وفيهـا حكينـا
ياساعـة قامـت تبـدل بـالاقـوال=وياكم من الاقـوال اصبـح سجينـا
يالحظـة قامـت تباهـا بــالازوال=وياكـم مـن الازوال قلـه عجيـنـا
... ... ... ... ... ... ...=... ... ... ... ... ... ... ...
..... ..... ..... ..... .....=..... ..... ..... ..... ..... ... ..
... .... .... ........=.. .......... .............
ياذيب خبر صاحبي والصبـر طـال=قلـة تعـال ايـام عمـرك تبيـنـا
والذيب طاح ودمعـة الذيـب تختـال=فوق السحاب ودمعـة الذيـب فينـا
والخاتمة صلوا على خيـر مرسـال=محمـد رسـول الله ولـه طايعينـا