/


ابيات ظريفة لبديوي الوقداني رحمة الله عليه

:(



قصيده لبديوي الوقداني
المتوفي قبل 200سنه حيث كان يسكن الطائف وقد وجه هذه القصيده
لأبنه عبدالعزيز ينصحه فيها تجنب البــدو

يقول فيـها:


عبدالعزيز الليث ياسبع غابه
ياشين ويش اللي مع البـدو نشبك

مااخبلك ياباغي من البدو ثابه
البدو لا شافت معك شي تنهبك

خــل البـــدو لعلهم للذهابـه
حيث ان مذهبهم مخالف لمذهبك

احذر تطرف ياخذونك نهابه
والا ترافقــــهم يحــتون مذهبــك

ان جو على العيشه سواة الذيابه
ترفع مخالبهم عن الزاد مخلبك

الديك يذن ...لو عليه الجنابـه
والكلب مايومن ولو كــان صاحبـك

ورجالهـم عنده من المدح صــابه
لو تسمعه في بعض الالحان شيبك

وان جيت تذكـر في النبي والصحابه
ماواحد صلى عليـهم وجـــاوبك

ماعندهم حشمه ولا به مهابه
وان جيت تهــرج طارف القــوم كذبك

:(


القصيدة ظريفة ومضحكة رغم ان فيها تجني على البدو . . الله يسامحك ويغفر لك يابديوي الوقداني !



" منقول بتصرف "

...

اخوي الوافي اسعد الله مساك
واسعد الله صباحك واسعد الله جميع اوقاتك
بالخيرات والمسرات والبركات وبعد

ارجوا ان تقبل هذا التعقيب على قصيدة بديوي الوقداني
رغم ما بها من تجني على اهل الباديه ومبالغه وتهويل
وتصوير يخالف واقعهم وما هم عليه والغريب
ان بديوي الوقداني من اصل بدوي ينتمي لقبيلة عتيبه الهيلا والغنيه عن التعريف
وقد تأثر بحياة الشريف حاكم مكه المكرمه حيث انه كان خوي مع الشريف
وهذه النصيحه اعتقد جازماً انه يصور واقعه الذي عاش فيه
وليس على جميع البدو فهؤلاء البدو هم اهل الشيم والكرم
والقيم والعادات الحميده وردا ً عليه وعلى غيره ومن ينتقص
الباديه يقول الشاعر محمد الحمراني :

أنا بدوي واحـب طـاري البـداوه ــــــــــــ يامعذربين البدو مافيكـم إحسـاس
قالو بدو قلـت الصفـى والنقـاوه ـــــــــــ يازين شوفتهم على الضوء جـلاس
قالو بدو قلـت الكـرم والنخـاوه ـــــــــــــ وأفعالهم فى ذمتى ترفـع الـراس
قالـو بـدو والبـر فيـه الشقـاوه ـــــــــــــ قلت الوناسه عندهم فوق الاطعاس
قالو بدو ونشـوف فيهـم قسـاوه ـــــــــــ قلت الخشونه يامعذرب لهم سـاس
ابن البداوه صلف ما بـه رخـاوه ـــــــــــــ اليا زهمته جاك ماهـو بيحتـاس
بينه وبين الاش حـرب وعـداوه ــــــــــــــ وحلفه مع أهل الطيب والاش ينداس
شف لك من البدوان واحد وخـاوه ــــــــــ حتى تفرّق بيـن مطلـق وعبـاس
وان كان ما صدقـت عالـج وداوه ـــــــــــــ قلبك مريض وفيه حقـد ٍ وسـواس
فى مجلس البـدوان تلقـا حفـاوه ـــــــــــ وترحيبهم لضيوفهم مالـه اقيـاس
ويقدمون الطيب من عـود جـاوه ـــــــــــــ في سلمهم طيب ومعـزه ونومـاس
هذي فقط نبذه عن أهـل البـداوه ــــــــــــ حبيت اوصلها لاجل تاصل النـاس

وارجوا من سعادتك وسيادتك تقبل مروووري ولك شكري وتقديري ياوافينا
ودمت بحفظ الرحمن

تصويب ( يحتون مزهبك )