..:: باقة زهور ::..
مرّه وانا ماشـي وادوّر للأمـل نقطـة عبـور = والعب بقلبي في جديل الليل واشـوف النهـار واهيم في سيد العـذارى والرسايـل والعطـور = وكيلة الحسن الطبيعي فـي زمـان الإحتكـار وامسح كباير شرهة الغيّاب في دقن الحضـور = واحمّي ادلال الوصـل علـى لهيـب الإنتظـار قابلت لي رجّال شايـب جـرّب الدنيـا دهـور = قلت انشده والفايده تجي مـن النـاس الكبـار ياعم عطني من تجارب رحلتـك باقـة زهـور = قدّام لا يمضي علـي العمر..ويفـوت القطـار قال اسمع الله لا يهينك وانت ما حولك قصـور = لكنّ عيبك تخنـق العبرات..وتعيـش بحصـار ودّك يبيّن في وجيه الناس ما تخفي الصـدور = وتُفرض عليـك الإنعزاليـه بـروح الإنكسـار إمّا تحمّل مايجيك امن البشـر وابقـى صبـور = ولاّ تحمّـل مايعقّبـه الغـضـب والإنفـجـار وان طعتني خلّي علاقاتك مـع العالـم تـدور = حول الحديث اللـي مراده(لاضـرر ولاضـرار) أي لاقريـب ولا بعيـد ولا خفيـف ولا فتـور = وتشوف لك عند العرب هيبه وتقديـر ووقـار واسعى لتعزيز الثقه..واحذر مخاليـب الغـرور = والإحتـرام الإحتـرام يليّـن قلـوب الحجـار وإعلم وانا عمّك ترى سرّ السعـاده والسـرور = اذا عرفـت ان الحكايـه كلها..جنـه ونــار يانار كبرى..فآخـر المشوار..ياجنّـات حـور = وانت الوحيد اللي فقط مسؤول عن صنع القرار يارب عفوك ياكريم ورحمتـك يـوم النشـور = ساعة يفوز اهل اليمين..ويخسرون اهل اليسار أمّا الأمور اللي تعلّمنـا علـى بعـض الأمـور = خذها من اللي لفّ فالدنيـا علـى رجلـه ودار الجهل آفه للعقل..والعلـم نـورٍ فـوق نـور = والدين رشفة سلسبيل يعين وقـت الإحتضـار والصبر مفتاح الفرج..والحقد مدعـاة النفـور = والصدق منجاه..وحبال الكذب للكـاذب قصـار والظلم يثبت إن الارض تدور..والدنيـا تثـور = والشاهد اقرا فـي هـدب صـدّام ذلّ الإنهيـار ولو كان مال الظلم ردّة فعل..وعـروقٍ تفـور = ماكانت اسرائيل تبنـي حـول دولتهـا جـدار والعشق حالة إندفاع مخزّنـه فـي اللاشعـور = بين الهزيمه فالعزيمـه.. والرجـا فالانتصـار والفقر فالنفس الذليله..والغنى غنـى الشعـور = والبخـل لعيـون الإهانه..والكـرم للإفتخـار وامن اصغر خيام البدو ..لين اكبر كبار القصور = مايملـي عيـون البنـادم غيـر ذرات الغبـار والمرجله حظ النقيّ العاقـل القـرم الجسـور = والسرج ما يركب على ظهر ال!!!! ابن ال!!!! والمشيخه ماهـي عشـا ولاّ غـدا ولاّ فطـور = حملٍ على كاهل هل المعروف وطـوال العمـار والمنصب اللي ما يخلّي في بني عمـك فخـور = ماكنّـه الا شجـرةٍ خضـرا ولا منهـا ثمـار هذي علوم الشايب اللي ما لقى ..نقطة عبـور = في عالم يغنّي(كـلام الليـل يمحـوه النهـار) واللي يبا الشايب يروّح له معه باقـة زهـور = الدور الاول ..عنبر احدعشر ..في مستشفى شهار فيصل السواط . . |
الدور الاول ..عنبر احدعشر ..في مستشفى شهار الله يستر اختيار موفق لكلمات رائعة ومعبرة سلمت يداك كلك ذوق ... |
الأخت الغالية ( سديم ) أسعد الله أيامك بالخير والسرور أختيار من ذهب لمتألقه ذهبيه تفاجئنا بين كل مشاركة وأخرى بكل ماهو أروع وأقوى تميزاً بين الجميع. بيض الله وجهك وسلمت يمناك على هذه الراقيه والمعبره اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
وصح لسان الشاعر فيصل السواط وبيض الله وجه على هذا الإبداع وتسخير القافيه وتطويعها. سديم ذوق لا يضاها وإبداع لا مثيل له ما شاء الله اللهم لا حسد لاهنتي أختي العزيزة ولاعدمناك ولاعدمنا إبداعك وتقبلي مني كل الود والتقدير . |
اقتباس:
لاتخاف ما راح نذكر اسماء نزلا هالعنبر :cool3: يسلمك ربي .. وافي .. وشكرا لحضورك |
والفقر فالنفس الذليله..والغنـى غنـى الشعـور
والبخـل لعيـون الإهانه..والكـرم للإفتـخـار وامن اصغر خيام البدو ..لين اكبر كبار القصور مايملـي عيـون البنـادم غيـر ذرات الغبـار الله الله الله روعه ياسديم كالعاده تسلم يمناك و صح لسان السواط تحيااااتي |
سديم
يالـــــــــــــــــــــــــــــــــــــــــــطيف الطف لطفك يالطيف سديم والله العظيم ماأقدر اقول عنها إلا قويه قويه قويه صح الله لسان بن سواط وصح الله يمينك على الاختيار الموفق والاكثر من رائع وتسلم يمينك على هذا النقل الجميل تقبلي خالص تحياتي البداح |
الله يسلمك ويعافيك .. عازف الناي ..
دائما تخجلني بأطرائك وتقف الكلمات عاجزه امام حضورك شكرا من الاعماق |
يسلم ذوق أخيتي سديم
ويسلم صاحب القصيدة والله اختيار ينم عن ذائقة فريدة يعطيك العافية سديم |
هلااااا وغلااااااا .. ليدي عمشا ..
يسلمك ربي يا الغاليه وشكرااا للمتابعه |
يسلمك ربي .. البداح ..
شكرااا لحضورك |
الساعة الآن 39 : 05 PM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas