|
من يعيد إلي زوجـــــــــــــــي؟؟؟؟؟؟؟
السلام من جديد
اخواني رواد المنتدى موضوعي يناقش قضيه مهمه كثرت في مجتمعنا اصبحت كل زوجه تعاني من غياب زوجها خارج المنزل كل ليله يغيب هذا الزوج ليسهر بالاستراحات ولا يعود حتى طلوع الشمس وخاصه في الاجازات اتمنى اسمع راي الشباب والبنات في هذي المشكله وكيف يمكن ان نحلها بعقلانيه تحياتي |
مرحبا رحايل
بدينا بالحرب:( عموما اضن ان سبب هروب الزوج هي الزوجه فهي تطفش الزوج وتطين عيشته بكثره الكلام اللي ماله داعي والطلبات الممله وروتينها تجدينها تلبس كل يوم نفس اللبس وسواليفها يالطيف حش بهالعالم ومشاكل من المؤكد يبي يهج الزوج:) |
السلام من جديد
بدينا بسم الله الرحمن الرحيم
شف اخوي خالد بالنسبه لنظرتك للموضوع انا ما اعارضها بصوره عامه بس انت عممت الوضع على الكل مع اني اعرف كثير حريم يهتمون با نفسهم وبازواجهم اكثر من اللي تتصوره بس مع كذا ازواجهم يتركونهم للاستراحات وبعدين اذا الرجل شاف زوجته ما اهتمت بنفسها هل برايك انه يستسلم للامر ويروح للسهر وما يحاول انه يغيرها ؟؟؟؟؟؟؟؟؟؟ عموما ما زلت انتظر بقية الاراء تحياتي |
تحياتي رحايل
والحمد لله على السلامه ومن طول الغيبات جاب الغنايم وين نصيبي وبالنسبه لسهر الازواج انا في رايي فيه اللي يسهر بتعقل حيث مايكون السهر سمه دائمه بل هو على فترات غير متواصله وذلك للترفيه وتجديد روحه المعنويه وغسل هموم العمل وفيه من هوسهره سمه دائمه وهذا اثر على زوجته واولاده حيث اصبح مشغول عنهم وبدون مراقبه مم نتج عنه بعض المشاكل وهدم البيوت واثر بدوره على المجتمع 0 وفيه من تدفعه الزوجه الى السهر خارج البيت لكثره المشاكل وعدم الاهتمام به حيث يكون اغلب وقتها في نقاش حاد معه مم يدفعه الى ترك المنزل وكذلك بسبب اهتمامها بابنائها وتهميشه مم يدعه للتفكير في طلب السعاده في مكان اخر وهذه وجه نظري المختصره الرايق |
رحـــــــــايــــــــل
انا اقول رأي مثل رأي خـــــــــــــــــــالد بس كل زوج يختلف عن الثاني وكل زوجه تختلف عن الثانيه يمكن يكون من الزوج نفسه يكون ماهو مخلي وقت لامرته او لعياله ويمكن تكون الزوجه على رأي خالد ما تنحمل بالمره وحتى لو يسهر الرجل اهناك اوقات محدده يعني ان طول طول الساعه 12 بالنسبه للمتزوجين ........... اما العزوبه لو يبون ما يجووووون لووووووووووووووول وانا من رأي ان اللي متزوج ويسهر طوالي يعني ان الزواج ماراح يتم بسعاد وهذا رأي وموضوع حلووووووووو بالمره تحياااااااااااااتي ولـــــــــــــــ(الحــــــــــــــــب)ـــــــــــ ــــــــــيد |
تسلم وليد فخور ان رايي له مؤيدين
ولااخلي ساحه الرجل ابد بس رحايل كانت كاتبه الموضوع تبي تخلي اللوم علي الرجل عارف:) |
هلا بالأخت رحايل بالنسبة لموضوعك فهو موضوع مهم يحتاج إلى نقاش مستفيض وأما بالنسبة لراي في الموضوع فهو مايلي :- إذا إفترضنا هناك رجلا لديه زوجة تعرف بل تتقن كيفية التعامل مع زوجها بمعنى إذا حضر إلى المنزل هيأت له كل ما تستطيع من أسباب الراحة في نفسها ومنزلها وأولاده وكذلك في ماكله ومشربه . هل ترينه سيبحث عن سهرات خارج المنزل؟ إذن المسئولية الأولى والعظيمة تقع على المرأة ولكن هذا لا يخلي الزوج من المسئولية فهنالك بعض الأزواج تعودو على نمط معين من الحياة ومنها السهر خارج المنزل ومثل هذا الشخص تستطيع المرأة اللبيبة ان تغير من حياته تدريجيا حتى ترغبه في البقاء في البيت تحياتي وبتروح لك مشوار قلت لها ياليت |
السلام من جديد
اخوي الرايق
الله يسلمك اولا ثانيا بصراحه رايك جميل جدا وماعندي اي شي اضيفه اكثر تحياتي وتقديري لك |
السلام من جديد
اخوي وليد
لو الزوج يسهر ل12 ماكتبت هالموضوع لكن رجاجيلنا الله يهديهم يتركون حريمهم لطلوع الشمس وبعدين انا ما ابي اتكلم عن مرأه او رجل ولسنا هنا لنلقي اللوم على الزوج كما يدعي اخي خالد ولكننا نناقش القضيه ككل ولتمنى اسمع اراء هادفه وبدون تحيز مشكور اخوي ويشرفني اعجابك بالموضوع تحياتي |
السلام من جديد
اخوي خالد
شكرا لمتابعتك للموضوع اتمنى تكون ارائك بناءه وحنا هنا مو نصر وهلال احنا بشر ونهتم في بعض والمرأه لا تستغني عن الرجل هذي وجهة نظري من اول عموما المرأه اذا ما لقت تشجيع من زوجها اكيد راح يبرد حماسها ويقل اهتمامه به تحياتي |
| الساعة الآن 10 : 03 PM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas
[ Crystal ® MmS & SmS - 3.7 By L I V R Z ]