الفرح حلم
سال سيل المشاعر من هماليله=وانسكب مثل طشن عقب رعادي وانحدر شعري الموزون مع سيله=ثم صخرت عجز البيت للشادي خربتها الظروف السود اكاليله=بين نبح الكلاب وحظي الغادي ياليال القهر زودتي الكيله=مع صباح الألم ودروب الاجهادي ويازمان الشقاء والهم والميله=ياسنينٍ عجافٍ ظلمها سادي يامواويل حزني يامواويله=ردديني على تلعات اكالوادي واعزفيني ألم والصوت اباشيله=والصدى من دموع العين ينعادي غني الحزن فوق الرجم غني له=وذكريني حبيباً غاية امرادي جيت في موعده والقلب يدعي له=ياعسى ما تشوفه عين حسادي لكن الحظ صح صح عقب تعسيله=وأكتشف خطة الفرحة لميعادي والقرار اصدره من بعد تحليله=تم منع الفرح عن جيت اعيادي دام هذا نصيبي حتماً اتكي له=ومن تعود على الآلام يعتادي الفرح حلم : لكن صعب تأويله=اكتنفه الغموض وخفت الالحادي وبين هذا وهذا طاحت الحيله=من يديني وكل اللي بقى عادي |
رد: الفرح حلم
اقتباس:
صح صح الله لسانكـ وبيض الله وجهك إبدااااااااع غير مستغرب من شاعر مثلك تجلت فيها قدرتك على الجمع بين الجزالة ومخاطبة الجنس الآخر حبك وسبك وما اقول الا يسلم فكرك تسلم ولا هنت اخوي تقبل إعجابي تحياتي |
رد: الفرح حلم
اقتباس:
ياسلام عليك شاعريه عاليه بحق جزاله سبك وحبك تسلسل رائع مفردات عذبه احساس رائع قوة معنى غيرمتغرب عليك كل هذا وشهادتي في شاعريتك مجروحه ياشاعر بيض الله وجهك تحياتي وعجابي |
رد: الفرح حلم
اخي الكريم الشاعر عبدالله بن يوسف هدلان
درر مابعدها درر يابو يوسف وش خليت لمبتدئين الشعر (مثلي) كلام وصف معاناة امل فلك كل تقدير واعجاب يعجز القاف ايلحق في تحاليله =============== قافكم يا بو يوسف طب الاكبادي د ساري الرياض |
رد: الفرح حلم
................
... العنوان : الفرح حلم والحلم هنا يحتمل معنيين وجميعها كانت ملائمة ومتوافقه مع النص كلمات راائعة ومعبرة وابداع عهدناه من ابو يوسف سلمت يداك كلك ذوق ... |
رد: الفرح حلم
تحيتي للشعر وتحيتي لبو يوسف
مــــــــــــــــــــــــــبدع تستاهل وقوف وتصفيق على هالرائعه صح الله لسانك ملاييين سجل اعجابي وتحياتي لك |
رد: الفرح حلم
قصيدة رائعه
صح لسانك اخوي ولاعدمنا تواصلك |
رد: الفرح حلم
بسم الله الرحمن الرحيم
عبدالله بن يوسف السلام عليكم ورحمة الله وبركاته الله الله لا فض فووووووووووووك اخي الغااااااالي صح الله لســـــــــــــــــــــــــــــــانك مليووووون وبيض الله وجهك على هذه القصيده الرائعه تقديري واحترامي اخوك حسام الشعر |
رد: الفرح حلم
لم اجد لك عنون فبحثت عنك ثم بحثت فوجدك في مدينه الابداع تسكن في قمه الشعر بحي الوئام الكل يبحث عن السهل الممتنع وانت تبحث عن الصعب الممتنع
|
رد: الفرح حلم
اقتباس:
اخوي وشاعرنا العذب عبدالمحسن الحربي صح بدنك يالغالي ولا هنت حضورك شرف لي طال عمرك انتظرك دائما وابدا جل مودتي |
الساعة الآن 40 : 03 AM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas