في زحمة همومي وحزني وشكواي..=من وقتي اللي بالعنا مبتليني!
جيتي بصوتٍ فيه من بحة الناي=حزين ، لكنّه يداوي الحزيني!
جيتي بلا موعد ، على نفس مبداي=" ما للمحب إلا البكا والونيني "!!
وحيّيت حزنك وأبعدت بي تحاياي=لين عرقت يمناك في راحتيني!
قلت إسمعيني ، وإفهمي سر نجواي=(وإن قلت أحبك إسكتي وإحضنيني)!
أقول ويني لين وصلت بي خطاي..=عندك ، ولحظتها تيّقنت ويني!
يا غايتي وإبدايتي وأجمل مناي=يا أناي ياللي تحتفل بك سنيني!
يا نبض قلبي يا إبتهاجة محيّاي=يا بعد بيت بما حوى يحتويني!!
يا برد صيفي يادفا شدة شتاي=يا مبعدة بي عن عيونٍ تبيني!
يا باكر اللي كنت أحسْبه ما هو جاي=ليتك من أيام الطفوله بإيديني..
ما كان حزني حدّني أعلن بكاي=بين الملا وأفرّح العاذليني!
لكن عسى مافات لي من فداياي=حتى لو إنّه جاب ما في كنيني!
ما دمتي في قلبي تعيشين وياي=اللي حصل قبلك ما عاد يعنيني!
هذا بعض نبضي وشعري ونجواي=قلته لو إنه واضحٍ وسط عيني!
أبيك لا مني توسّدت مثواي=وبكوا عليّ من الجزع والديني!!
تقرينه لقلبك وباقي بقاياي..=عندك ، وبالذكر العطر تذكريني!!

يا باكر اللي كنت أحسْبه ما هو جاي

يا باكر اللي كنت أحسْبه ما هو جاي = ليتك من أيـام الطفولـه بإيدينـي
ما كان حزني حدّنـي أعلـن بكـاي = بيـن المـلا وأفـرّح العاذليـنـي!