|
الحب ضحكة بعينك بس ماطلته
ماقلت لي شي وش خليت ماقلته اسكت وخل الكلام لجرحي الدامى لوغيرك اللي يسولف ماتحمّلته لكن على شان عينك هانت ألامى للحب مفهوم عمرك ماتخيلته ماأظن يستوعبه تفكيرك السامى هذا الفراق الطويل وهذي أسئلته هذا حصاد السنين وهذي أيامى ياما وياما عليك البال طولته والعمر عدى وأنا عايش على أوهامي حتى طريق الفراق اللي تساهلته لقيته أصعب على نفسي من أقدامى اصبرلي شوي لودمي تثاقلته بحاول أستوعب اللي صار قدامي الحب ضحكة بعينك بس ماطلته عمرك بهالكون شفت أبسط من احلامي! القلب لوماخفق لك كان ماشلته ولوماأنت ملهم قصيدي جفت أقلامي هذا قصيدي بعينك لو تجاهلته ينزف على شأن يروي قلبك الضامى العام طاري غيابك ماتقبلته واليوم حرماني أصبح مصدر إلهامى لاتعتذرلي وابنسى كل ماقلته وش ينفع العذر لامن ضاعت أيامى ؟ متعب التركي |
رد: الحب ضحكة بعينك بس ماطلته
الله الله الله
يعطيك العافيه على النقل ياملكة الاحساس صح السان الشاعر متعب التركي تحياتي وحترامي لاعدمنا احساسك |
رد: الحب ضحكة بعينك بس ماطلته
الحب ضحكه بعينك بس ما طلته عمرك بها الكون شفت أبسط من أحلامي
فعلا اللي يحب يضحي ويصبر ويقدم التنازلات الى ماله نهايه أبيات في الغزل روعه من نقلك ومن متعب التركي لا عدمناك غاليتي ملكه |
رد: الحب ضحكة بعينك بس ماطلته
والله ونعم الاختيار للشاعر والقصيده
سلمتي ملكه وكلك ذوق |
رد: الحب ضحكة بعينك بس ماطلته
هذا قصــــــــيدي بعينك لو تجـــاهلته
ينزف على شأن يروي قلبك الضامى قصيدة فعلا يقال لها قصيدة اشتملت على مقومات الشعر وفنونه تسلم يمينك ملووووووووكه وصح لسان الشاعر ,,, |
رد: الحب ضحكة بعينك بس ماطلته
ابو رائد
خلف مووج ابو خالد البجادي يسعدكم ربي |
| الساعة الآن 54 : 02 PM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas
[ Crystal ® MmS & SmS - 3.7 By L I V R Z ]