|
تصدقون ؟!!
صباحكم رضا وراحة بال
تـــــــــــــــصدقون ..!! كنت بقاعة الامتحان وجالسه كالعاده مندمجه مع الاختبار وفجأة دخلت عميدة الكليه علينا بالقاعه وجات لين عندي قالت لي ممكن لو سمحتي دقايق من وقتك ؟ قلت : خير ان شاء الله قالت : كل خير بس تفضلي معاي عالمكتب قلت : أوك و رحت معاها وأول مادخلنا مكتبها قفلت الباب وطاحت تبكي و أنا أقول يا أدميه اذكري الله وش فيك ؟ وش السالفه ؟ قالت : يارحيل ذي مو حاله المستوى التعليمي والثقافي للطالبات والأستاذات مايسر لاعدو ولا صديق وبصراحه الوضع من أردى لأردى قلت لها : طيب وش دخلني أنا ؟ قالت : انتي بيدك كل شئ نبيك تستلمين عمادة الكليه عشان الوضع ذا يتغير لأنه جيل بأكمله بيتخرج من هالكليات بدون أي نفع للمجتمع خلي عالاقل كليتنا تستفيد من الثروه الموجوده فيها قلت : ودي أساعدكم بس آسفه أنا بنت عندي ارتباطات ومشاغل واجد ماعندي وقت لهالمهمه شوفوا لكم أحد غيري الآدميه يوم سمعت ردي ماقدرت تتحمل واغمى عليها ناديت لها المشرفات أسعفوها و أنا رجعت أكمل اختباري و أقول بنفسي " عالم فاضيه " يوم وصلت للسؤال الأخير وانا غارقه بالاجابات النموذجيه سمعنا صوت غريب بالساحه وهوى قوي طير أوراق الاختبار طلعنا كلنا نشوف وش السالفه شفنا هليكوبتر هبطت بساحة الكليه ونزلت منها وحده ونادتني رحت لها صافحتني وقالت معاك حرم وزير التربيه والتعليم قلت لها تشرفنا قالت الشرف لي طال عمرك أنا جيتك بموضوع رسمي وهو تعيينك وزيره للتربيه والتعليم بالمملكه ونتمنى انك تقبلين هالعرض وتساعدين في النهضه التعليميه للوطن العربي قاطعتها وقلت ابشري بأرد لكم قريب لأني خفت أقول لها لا ويغمى عليها مثل اللي قبلها رجعت البيت وحبيت أستشير الأهل بهالموضوع مع اني رافضه الفكره من أساسها وبعد ماطرحت الفكره عليهم قالت الوالده " الله يحفظها " : روحي غسلي المواعين اللي بالمطبخ وبعدها يصير خير قلت : تيب :furious2: |
رد: تصدقون ؟!!
سبحان الله ذكرتيني يوم امس عصب علي الملك الله يحفظه يقول الا تصير ولي عهد <<جاب العيد
اقتباس:
البنت المناسبه بالمكان المناسب:furious2: خليك بين المطبخ الى الصاله مالك ومال وجع الراس والله يارحيل يزعجوونك الناس اول واحد بينشب بحلقك واافي يبي يكمل درااسته عندك وانتي تعرفين واافي والله ان تلقينه قالب ع الجلكسيات وساحب:furious2: ولا تنسين ان امي الله يحفظها مامعها شهاده يعني وقسم ان تجيبي لها شهاده جامعيه ولا والله افصلك <<ولي عهد اللهم اني صااائم |
رد: تصدقون ؟!!
أختي رحيل الصراحة . . ما كان ودي أنكم تنشرون هذي المعلومات عن ترشيحكم لبعض المناصب، أخوي خلف لكن ما دام أنكم حطيتوا هالأخبار في المنتدى . . اسمحوا لي أقول لكم القصة كما اعرفها . . لكن هذي المعلومات حصرية وخاصة. الموضوع باختصار هو ان مولاي وعدني يمر عليّ بعد نهاية المباراة اللي صارت ليلة السبت في جدة، طبعاً وصلني حوالي الساعة احدعشر ونص تقريباً، وأول ما وصل إلى رأس شارعنا طلب من الموكب أنه يسبقه على القصر، وما بقي معه إلا عدد محدود من المرافقين، باختصار جلسنا نتسامر وما درينا بالوقت ، عند الساعة 3 تقريباً، قال لي ودي استشيرك في كم موضوع مهم، قلت له: تأمرني أمر يا طويل العمر، المهم تكلمنا في كم موضوع ومنها موضوع تعيين وزيرة للتربية والتعليم، وسألني إذا كنت أرشح له أحد مؤهل و. ، وبمجرد ما أنتهى طويل العمر من كلامه، قلت له: الله يطول عمرك طلبك موجود، وأنت ما حتلاقي أفضل منها، سألني: من هي؟، فقلت له عنك يا أختي رحيل، لكني استدركت، وقلت له، بس عندها مشكلة وحدة فقط، قال لي: وش هي. قلت له: أنها تعلّق أي واحد يزعلها. قال لي طويل العمر: بالعكس هذا أحسن شيء نبيه . . . نبيها تعاقب وتعلّق المقصرين. قلت لمولاي: إذن أقترح يا طويل العمر أن الوزارة تدق مسامير ( تتحمل أوزان كبيرة) في كل جدران الوزارة وإدارات التعليم، علشان تمارس الأخت رحيل مسئولياتها وواجباتها بكل سهولة ويسر . . يعني بمجرد ما يخطئ مسئول يتعلق بأقرب مسمار له . . . ومن المحتمل أنك تدخل مبنى الوزارة . . وبدل ما تشوف صور ورسومات على الجدران . . راح تلاقي ثلاث أرباع المسئولين معلقين بالمسامير. طبعاً، ما أقدر أقول لكم على بقية المواضيع اللي نوقشت. أختي رحيل كعادتك تميّزتِ بالفكرة والسيناريو والحوار الطريف والمضحك حتى القهقهه، فكان موضوعك الرائع والمتميّز. أدام الله عليك الصحة والسعادة. |
رد: تصدقون ؟!!
:rolley: << تتأمل في الجابري وعبد الله وتفكر بعمق
طيب ياولي العهد جيب لي أوراق الوالده " الله يحفظها " ويصير خير بس شرط تجيبها أنت بنفسك والا ترى ما أوقعها جرب أنت وافصلني وشوف وش يصير صدقني أنتم الخسرانين الدوله والشعب والوطن العربي والشرق الأوسط كل أبوه أما المستشار ... عندي احساس انه بيتعلق قريبا مو عقاب بس نجرب مسامير الوزاره هي قويه والا لا :furious3: |
رد: تصدقون ؟!!
اقتباس:
كويس أني عرفت من بدري، علشان نوصيهم تكون بعض المسامير على ارتفاع متر من أرضية الغرف والممرات، يعني يتعلق الواحد وهو قاعد على كرسي. بعدين وش ذنبي أنا . . وش سويت علشان أتعلق!! |
رد: تصدقون ؟!!
أبد يا أخوي ماسويت شئ
ولكن من باب خوفك على الناس بتجازف بنفسك عشان تجربها قبل لانتورط و يطيح أحد <<< أمزح والله |
| الساعة الآن 25 : 02 PM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas
[ Crystal ® MmS & SmS - 3.7 By L I V R Z ]