اجتمع اليوم حق الاستخبارات الأمريكية جورج تتن مدري تينت هو
وياسر عرفات في رام الله عشان يدورون لهم طريقة يوقفون بها الهجمات الاستشهاديه

واللي لعبت في حسبة الاسرائليين وروّعتهم وخلت مراقد بزارينهم ترطرط

وقام عرفات وضيّف تينت على شاهي منعنعش و وعطاه من بطاطس أبو عمار " رجل النضال "

وقال له تينت الله يسلمك ماكول وموفور بس اني صايم اليوم وقال له عرفات هنا احد ٍ يصوم الثلاثاء قال لا بس عليّ قضاء


المهم ان تينت قال له يابو ابو عمار اقضب ربعك لا يقعدون كل شوي ٍ ناسفين لهم اربعة اسرائليين خمسه ،
وقال له عرفات مايخالف ارقد عنهم بس فكنا من شر شارون وربعه تراه أوذاني وحسّر بي

وقل له تكفى ورى مهوب يحبني والله اني مميلح ووش حليلي
وكان تينيت قبل مايجتمع مع عرفات مجتمع مع شارون ومضبطين الامور كلها " وطابخين كلش "

وعلى طاري شارون يذكرون انه
يبي يذلف الاسبوع الجاي لأمريكا الله لا يرده عشان يجتمع هو وبوش جعلهم يجتمعون في النار ان شاء الله
ومن جهة ثانية انقتل اليوم فلسطيني صغيّر برصاص جنود يهود في قرية بيت عمار حول الخليل يوم اقتحموها هاليهود
ويقولون انهم ولّعوا عشان فيه جذعان ٍ فلسطينيين صاعوا لهم تريلة ٍ يهوديه بالحصى وجت على التنده " الله من الغشامه في هالسواق "
والله يحلل سواقة الصلبيات عنده



وقام مراسلنا هناك وقابل تينت وقال له انت وش اللي حادك تكلف على عمرك وتجي فيذا وش عندك وقال :
انا جاي أبضبّط قوات الامن الفلسطينية الداجه اللي كنهم لعب السعوديه مع المانيا واللي عجزت تمنع الهجمات الانتحارية " الله يذكر رضا تكر بالخير " وانا اجتمعت مع شارون وقلت ازهل هالقوات أبضبّطهن ولا عاد أحد ٍ بقايل لكم شي بس انه قال لي
صفقني ان زينت شي وعرفات الرئيس ، أكرشوه ويزين كلش ، ونقول له ليت والله من يكرشكم أثنينكم ولا يهون ناصر الجوهر .